Johan 18:12 - Tedim Bible

¹² Tua ahih manin galkapte le a bute le Jew mi palikte in Jesuh manin hen uh a,

Tedim Bible Revision 2017

¹² Tua ahih manin galkapte le a bute le Jew mi palikte in Jesu manin hen uh a,

Johan 18:12 Iomraidhean Croise

Piancilna 22:9

Ama kiangah Pasian’ gensa mun a tun uh ciangin, Abraham in tua lai-ah biakna tau khat bawlin, a ngeina ding bangin sing koihin, a tapa Isaac henin biakna tau tunga sing tungah a koih hi.

Piancilna 40:3

Josef a kikhumna thong sung, inncing mangpa’ inn sungah amah in amaute a koih hi.

Late 118:27

Topa pen Pasian ahi hi. Amah in eite tungah nopsakna hong piazo hi. Na khut uhah singhiang tawi-in, biakna tau kimkotin pai un.

Mattiu 26:57

Tua ciangin Jesuh a man mite in siampi lianpen pa Kaiafas kiangah hong paipih uh a, tua lai-ah Thukham hilh siate le upate a kikhawm uh hi.

Mattiu 27:2

Sikkhau tawh khihin paipih uh a, tua gam sungteng a uk Pilat mangpa khut sungah a ap uh hi.

Mattiu 27:27

Tua ciangin Pilat’ galkapte in ama omna kumpi inn-ah Jesuh paipih uh a, tua lai-ah galkap khempeuh a hong kikaikhawm uh hi.

Marka 14:53

Mihonte in siampi lianpen pa’ inn-ah Jesuh paipih uh a, siampi liante, upate, le Thukham hilh siate hong kikhawm uh hi.

Marka 15:1

A zingsang ciangin siampi liante in upate, Thukham hilh siate, le ulian dang khempeuh tawh thu kikupna khat nei uh a, Jesuh a henkhit uh ciangin paikhiatpihin Pilat tungah a ap uh hi.

Luka 22:54

Tua ciangin Jesuh manin paikhiatpih uh a, siampi lianpen pa’ inn a tunpih uh hi. Peter in zong a kihalin nungzuih hi.

Johan 18:3

Tua ahih manin Judas zong, siampi liante le Farisi mite in a sawl galkap honkhat le biakinncing palik pawlkhat tawh hiam tawi-in lalcin leh meilah de-in tua huanah a hong pai uh hi.

Sawltak 10:1

Sisaria khua-ah Kornelias a kici mi khat om a, Rom galkap honte sung panin “Italy Galkapte,” a kici sungah galkapbu a sem ahi hi.

Sawltak 21:31

Mihonte in Paul that dingin a kithawi laitakun Jerusalem khuasung buai mahmah hi, ci-in Rom galkap mangpa kiangah thu na kipuak hi.

Sawltak 21:37

Amaute in galkap huang sungah Paul a lutpih dektak laitakun Paul in galkap mangpa kiangah, “Nang tung thu tawmkhat kong genthei ding hiam?” ci-in a dot ciangin galkap mangpa in, “Grik pau siam hi lo na hi hiam?

Sawltak 23:10

Amaute’ kitotna hong husia semsem ahih manin amaute in Paul balthanggawp kha ding hi, ci-in galkap mangpa lunghimawh hi. Tua ahih manin galkapte in Paul va kaikhia-in galkap inn-ah a paipih nadingun thu a pia hi.

Thukhente 16:21

Tua ciangin Filistia mite in amah manin a mitte khelkhia uh a, Gaza-ah paipihin amah sumngo kol a bulh uh hi. Amah in thong sung an gawina-ah an a gawi hi.