Johan 18:11 - Tedim Bible

¹¹ Tua ciangin Jesuh in Peter kiangah, “Na namsau a paai-ah siat in. Ka Pa in thuak dingin a hong piak thu thuak lo ding ka hi hiam?” a ci hi.

Tedim Bible Revision 2017

¹¹ Tua ciangin Jesu in Peter kiangah, “Na namsau a paai ah siat in. Ka Pa in thuak dingin a hong piak thu thuak lo ding ka hi hiam?” a ci hi.

Johan 18:11 Iomraidhean Croise

2 SAMUEL NIHNA 16:10

Ahih hangin kumpipa in, “No Zeruiah tapate aw, note tawh bang kisai ahi hiam? Topa in ama kiangah, ‘David samsia in,’ a cihna hangin hong samsia ahihleh, ‘Bang hangin tuaci hih na hi hiam?’ kua in ci ding ahi hiam?” a ci hi.

Late 75:8

Bang hang hiam cih leh Topa’ khut sungah leenggahzu a phuan, a kihelkim ngingei hai khat om a, amah in tua sung panin hong bungkhia ding a, leitung migilo khempeuh in a tawdat dong takin a liaktum ding uh hi.

Ezekiel 23:31

Na unu’ khekhapteng mah tawn na hih manin amah gim ka piak bangin nang zong gim ka hong pia ding hi.

Mattiu 20:22

Ahi zongin Jesuh in, “Na nget uh na thei kei uh hi. Ka thuak ding gimna note in thuakzo ding na hi uh hiam?” ci-in a dot ciangin amaute in, “Ka thuakzo ding uh hi,” a ci uh hi.

Mattiu 26:39

tawmkhat pai lai-in leilakah bokin thu ngen a, “Pa aw, ahi thei ding ahihleh hih thuak nading tawh hong kipelhsak in. Ahi zongin kei’ deihna bang hi loin nangma deihna bang hizaw ta hen,” a ci hi.

Mattiu 26:42

Tua ciangin a nihveina va paikikin thu ngen a, “Pa aw, keima thuak lohin ahi thei lo ding ahihleh nangma deihna bang hi ta hen,” a ci hi.

Luka 12:30

Gentail mi khempeuh in hih nate lunghihmawh penin nei uh hi. Hih nate na kisap lamtak uh zong na Pa un hong thei hi.

Luka 22:42

“Pa aw, nangma ngaihsutna bang ahihkhak leh hih ka thuak ding gimna tawh hong kipelhsak in. Ahi zongin kei deihna bang hi loin nangma deihna bang hi ta hen,” a ci hi.

Johan 15:10

Ka Pa’ hong thupiakte zui-in ama itna sungah ka om mah bangin note in zong ka thupiaknate na hong zuih uhleh ka itna sungah a om na hi ding uh hi.

Johan 17:24

Pa aw, leitung a pianma pekin kei na hong itna hangin na hong piak pianzia a mu dingin keimah na hong piak mite zong ka omna-ah a hong pai theih nading ka deihsak hi.

Johan 18:36

Tua ciangin Jesuh in, “Keima ukna pen hih leitung gam hi lo hi. Keima ukna hih leitung gam hileh Jerusalem khua-a Jew mi uliante’ khut sungah hong kipiak loh nadingin ka nungzuite in a do ding uh hi. Tua ahih manin keima ukna pen hih leitung tawh kizom lo hi,” a ci hi.

Johan 20:17

Tua ciangin Jesuh in, “Kei hong lenlen nawn kei in. Ka Pa kiangah a paito nai lo ka hi hi. Ka sanggamte kiangah va pai inla, ‘Keima Pa le note’ Pa, keima Pasian le note’ Pasian’ kiangah ka pai ding hi,’ ci hi, ci-in va gensak zaw in,” a ci hi.

2 KORIN NIHNA 10:4

Kote’ zat galdona hiam pen leitung galhiam lelte hi lo a, galte’ panmun phualpi a susiazo ding Pasian’ galhiam khauhte ahi hi.

2 KORIN NIHNA 6:7

thuman genna, le Pasian’ nasemte ka hihna uh, Pasian’ vang tawh ka kilangsak uh hi. Kote in kihut nading le galsim nadingin hiamin thuman ka zang uh hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.