Johan 17:3 - Tedim Bible

³ Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Tedim Bible Revision 2017

³ Nang bek a man Pasian na hihna thu le nangmah in na hong sawl Jesu Khris hong theihna pen amaute adingin nuntak tawntung ngah nading lampi ahi hi.

Johan 17:3 Iomraidhean Croise

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paaikhia paisuak ding hi.

2 KHANG TANGTHU NIHNATE 15:3

Hun saupi sung Israel mite, Pasian man tawh om lo, thu a hilh siampi tawh om lo, thukham tawh om lo uh hi.

Late 9:10

Topa aw, nang a hong zongte nusia lo na hih manin, na min a theite in nang hong muang uh hi.

Paunak 8:35

Kei hong mu mi in nuntakna a mu hi a, Topa’ mai-ah maipha ngah ahi hi.

Isaiah 48:16

Kei kiangah hong nai unla, hih thu hong za un. A kipat cil a kipanin a simthamin thu ka gen ngei kei a, tua thu a pian a kipanin kei ka om hi. (Tu-in Topa Pasian in kei tungah a vangliatna hong pia a, kei hong sawl hi.)

Isaiah 53:11

Amah in a gimna thaman mu-in a lungdam ding hi. A mawk thuak ahihlohna thei-in a thuman ka nasempa in mi tampi tak a dik suaksak ding a, amah in amaute’ mawhnate pua ding hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite a dingin thong kong a hong ding,

Jeremiah 10:10

Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiling a, gamte in a hehna nang zo lo hi.

Hosea 6:3

Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Marka 9:37

“Keima hangin hih bang naupangno khat a limbawl mi in kei hong limbawl hi a, kei hong limbawl mi in kei hong limbawl hi loin kei hong sawl pa a limbawl ahi hi,” a ci hi.

Luka 9:48

a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neupen pa a lianpen pa ahi hi,” a ci hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasian’ Tapa ka hi hi,’ ka cih ciangin bang hangin Pasian simmawhbawl hong cithei na hi uh hiam?

Johan 11:42

Ka thungetna na hong ngaih tawntungna thu ka thei a, ahi zongin hih lai-ah a om mite in kei na hong sawlna thu a uptheih nadingun tu-a bangin kam a hong pau ka hi hi,”

Johan 14:26

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.

Johan 17:18

Leitungah kei na hong sawl mah bangin kei zong leitung mahah amaute ka sawl hi.

Johan 17:21

Pa aw, amaute khempeuh pumkhat a suahtheih nadingun ka hong ngetsak hi. Nangmah in kei na hong sawlna thu leitung mite in a uptheih nadingun ei tegel pawlkhat ihih mah bangin amaute zong eite tawh pawlkhat hong hi tahen.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pumkhat a suah taktak theih nadingun amaute lakah kei ka om a, kei tawh nang na hong omkhawm hi.

Johan 17:25

A Thuman ka Pa aw, leitung mite in nang hong thei lo uh hi. Ahi zongin keimah in nang ka hong thei a, kei na hong sawlna thu hih mite in zong a thei uh hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 3:17

Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a honkhia dingin a hong paisak hizaw hi.

Johan 3:34

Pasian in a sawl mipa tungah ama Kha a kicingin pia ahih manin a sawl mipa in Pasian’ thugente mah a gen ahi hi.

Johan 5:44

Pasian’ pahtak theih nading hanciam nuam loin, note khatlekhat na kiphat theih nading uh a hanciam mite’ thugen, a bang hangin um zawsop na hi uh hiam?

Johan 6:57

A nungta Pa Pasian in kei hong sawl ahih manin ama hangin ka nuntak mah bangin keima sa a ne mite zong keima hang mahin nungta ding hi.

Johan 7:29

Ahi zongin amah in kei hong sawlin, ama kiang panin a hong pai ka hih manin ke’n ka thei hi,” a ci hi.

Johan 8:19

Tua ciangin amaute in, “Na pa koi-ah om ahi hiam?” ci-in dong uh a, Jesuh in, “Kei ka hi a, ka Pa ahi zongin na hong thei kei uh hi. Kei hong thei hi le-uhcin ka Pa zong na thei ding uh hi,” ci-in a dawng hi.

1 KORIN MASA 15:34

Hoihtakin thu ngaihsun phakik unla, mawhna gamta nawn kei un. Note pawlkhat in Pasian thei het lo na hih manun maizumhuai mahmah hi.

1 KORIN MASA 8:4

Tua ahih manin biakna sa tawh kisai thu panin: Milim i cih pen bangmah a om lopi khat lim dingin a kibawl na hi a, Pasian khat bek a om ahihna thu i theih ciat ahi hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Filippi 3:10

Jesuh Khrih thei-in, ama thawhkik bangin thokikin, kei zong sihna panin hong hingsakkik ding hi, ci-in ka lametna hangin ama thuak bangin thuakin, sihna-ah zong amah tawh ka kibat ding ka utpi pen ahi hi.

Filippi 3:8

Hih bang nate bek hi loin, ka Topa Jesuh Khrih ka theihna manphazaw lua sa ka hih manin na dang khempeuh ka sum ngamzaw lai hi. Khrih hangin na dang khempeuh ka nusia khin a, Khrih tawh ka kipawl theih nadingin na dang khempeuh ninneng bang lelin ka ngaihsun hi.

1 THESALONIKA MASA 1:9

Note kiangah ka hong pai lai-un kote na hong limbawlna thu uh, le a nungta a man Pasian’ thu zui-in a bia ding le,

2 THESALONIKA NIHNA 1:8

Pasian a thei lo mite, le i Topa Jesuh tawh kisai Lungdamna Thu a um lo mite tungah gimna a tungsak ding hi.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

2 PETER NIHNA 1:2

Pasian le i Topa Jesuh na theihna uh hangin hehpihna le nopsakna thupha note tungah tampi tak hong tung tahen.

2 PETER NIHNA 1:3

Ama minthanna le a hoihnate a neikhawm dingin a hong sampa i theihna hangin Pasian’ deih bangin biakna mantak i nuntak theih nadingin ama vangliatna in eite’ kisap na khempeuh a hong pia hi.

2 PETER NIHNA 1:8

Hih bang hoihnate a kicingin na neih uhleh i Topa Jesuh Khrih na theihna uhah thahatin kimanna na nei ding uh hi.

1 JOHAN MASA 1:2

Hih nuntakna pen a kimuthei a hong suah ciangin kote mahmah in ka mu uh hi. Tua ahih manin kote tungah a hong kilak, Pa Pasian tawh a omkhawm tua nuntak tawntungna pen genbelin nei-in, note tungah zong a hong gen ka hi uh hi.

1 JOHAN MASA 1:3

Pa Pasian le a Tapa Jesuh Khrih tawh kote pawlkhatin ka om uh mah bangin note zong kote tawh pawlkhat nong suahtheih nading uh deihna-in ka muhsa uh le ka zaksa uh thute a hong gen ka hi uh hi.

1 JOHAN MASA 2:23

Tapa a nialte in Pa zong a nial hi a, Tapa a sangte in Pa zong a sang ahi hi.

1 JOHAN MASA 4:6

Ahi zongin note pen Pasian’ mite na hi uh hi. Pasian a thei mi peuhmah in kote’ thugen hong ngai uh a, Pasian’ pawl ahi lo mi peuhmah in kote’ thugen hong ngai lo uh hi. Tua ahih manin hih bangin thuman Kha le zuau kha a kilamdanna i theithei hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.