Johan 17:26 - Tedim Bible

²⁶ Kei na hong itna zah itna mah amaute sungah omin, amaute tawh kei ka omkhawm theih nadingin amaute tungah nangma min ka gen khin a, mai lamah zong ka gen lailai ding hi,” ci-in thu a ngen hi.

Tedim Bible Revision 2017

²⁶ Kei na hong itna zah itna mah amaute sungah omin, amaute tawh kei ka om khawm theih nadingin amaute tungah nangma min ka gen khin a, mai lamah zong ka gen lailai ding hi,” ci-in thu a ngen hi.

Johan 17:26 Iomraidhean Croise

Late 22:22

Ka u ka naute tungah nangma min ka gen ding a, mihon kikhopna laizangah nangmah kong phat ding hi.

Johan 14:20

Tua hun ciangin Pa sungah kei ka omna thu, le note sungah ka hong om mah bangin keima sungah na omna thu uh na thei ding uh hi.

Johan 14:23

Jesuh in, “Kei hong itte in ka thu zui ding uh hi. Ka Pa in zong it ding a, ka nihun tua mite kiangah pai-in amaute tawh ka omkhawm ding uh hi.

Johan 15:15

Nasemte in a tote’ nasepna bangmah thei lo ahih manin note pen nasemte ka hong ci nawn kei ding hi. Ka Pa’ tung panin ka zak thu khempeuh note kiangah hong genkhin ka hih manin note, lawm, ka hong ci zaw ding hi.

Johan 15:4

Kei tawh hong kizom paisuak le-uhcin kei zong note tawh a kizom paisuak ka hi ding hi. A hiang pen a gui tawh kizom kei leh gah a gah theih loh mah bangin note zong kei tawh na kizop kei uhleh gah na gah thei kei ding uh hi.

Johan 15:9

Ka Pa in kei hong it zahin note hong it ka hih manin keima hong itna sungah om un.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pumkhat a suah taktak theih nadingun amaute lakah kei ka om a, kei tawh nang na hong omkhawm hi.

Johan 17:6

“Leitung mite sung panin keima khut sungah na hong piak mite tungah nangma min ka pulak khinzo ta hi. Tua mite in nangma thu mangin nangma mi hi uh a, ahi zongin keima khut sungah amaute na hong pia hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 6:56

Ka sa ne-in ka si a dawnte pen kei tawh pumkhat ka hi uh hi.

Johan 8:50

Kei ka minthan’ theih nading ka hanciam kei a, ahi zongin keima minthan nading zongin, kei a hong angvan ding thukhen ding Khat om hi.

ROM (Romans) 8:10

Ahi zongin note sungah Khrih hong om leh mawhna hangin na pumpi uh a si veve ding ahi zongin, note pen Pasian tawh kipawlkhin na hih manun note a dingin Kha Siangtho pen nuntakna ahi hi.

1 KORIN MASA 1:30

Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi.

1 KORIN MASA 12:12

Pumpi pen khat bek hinapi-in na a tuamtuam a nei hi. Pumpi in na a tuamtuam tampi a neih hangin pumpi khat bek mah ahih veve mah bangin Khrih zong pumpi na a tuamtuam a nei pumpi khat ahi hi.

Galati 2:20

Tua ahih manin tuhuna ka nuntakna zia pen kei hang hi nawn loin ka sungah a hong om Khrih hang ahi hi. Tua hi a, keimah hong itin, keima a dingin a nuntakna a hong pia Pasian’ Tapa ka muanna tawh tu laitakin a nungta ka hi hi.

Efesa 1:6

Ama it Tapa hangin hih bangin letsong hong pia ahih manin ama hong hehpihna hangin Pasian phat ni.

Efesa 3:17

na upna hangun note lungsim sungah Khrih hong tengin, itna thu-ah zung thuk kha-in bulkip na neih nadingun thu ka ngen hi.

Efesa 5:32

Pasalte in amau pumpi zahin a zite uh itin, zite in zong amau pumpi zah mahin a pasalte uh a it ding uh ahih mah bangin, Lai Siangtho in hih bangin a gen ciangin a thukzaw khat, Khrih le pawlpi a ki-itna a gennopna ahi hi, ci-in ka ngaihsun hi.

Kolose 1:27

Pasian in mi khempeuh a dingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khrih tawh a kipawlte in Pasian tawh minthanna ngahkhawm ding hi, cihna ahi hi.

Kolose 2:10

Khrih tawh na kipawlna hangun nuntakna kicing na nei uh hi. Huihlak a ukte le aana neite khempeuh tungah amah a lutangpi hi lai hi.

Kolose 3:11

Tua ahih manin Gentail mi le Jew mi, vun-at mi le vun-at loh mi, khuapi mi le khuaneu mi, sila le sila ahi lo, cih bangin a kilamdanna om lo a, Khrih pen mi khempeuh a’ ding hi thei a, thu khempeuh a’ ding hi thei a, thu khempeuhah amah bek ahi hi.

2 THESALONIKA NIHNA 2:16

I Topa Jesuh Khrih mahmah leh, eite hong itin, a hong hehpihna tawh thakhauhna le lametna a hong pia tawntung eite’ Pa Pasian in

Hebru 2:12

“Pasian aw, ka sanggamte kiangah nangma thu ka gen ding a, mi khempeuh mai-ah nangmah ka hong phat ding hi,” na ci a,

1 JOHAN MASA 3:24

Pasian’ thupiakna a zui mi khempeuh, Pasian tawh om uh a, Pasian in zong amaute a ompih hi. Pasian in eite tungah a hong piak Kha Siangtho hangin Pasian in eite a hong ompihna thu i thei hi.