Johan 17:24 - Tedim Bible

²⁴ Pa aw, leitung a pianma pekin kei na hong itna hangin na hong piak pianzia a mu dingin keimah na hong piak mite zong ka omna-ah a hong pai theih nading ka deihsak hi.

Tedim Bible Revision 2017

²⁴ Pa aw, leitung a pianmapekin kei na hong itna hangin na hong piak pianzia a mu dingin keimah na hong piak mite zong ka omna ah a hong pai theih nading ka deihsak hi.

Johan 17:24 Iomraidhean Croise

Piancilna 45:13

Egypt-ah keima liatna khempeuh le note’ muhsa khempeuh, i pa’ kiangah na gen ding uh hi. Manlang unla, hih lai-ah i pa hong paisukpih un,” a ci hi.

Mattiu 25:21

a topa in, ‘Hoih mahmah hi; a hoih a citak nasempa aw, a tawmno na zekna-ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Mattiu 25:23

a topa in, ‘Hoih mahmah hi; a hoih a citak nasempa aw, a tawmno na zekna-ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Mattiu 25:34

Tua ciangin Kumpipa in a taklamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note a dingin a kibawlkholsa gamnuam hong luah un.

Mattiu 26:29

Note kiangah kong genin-ah: Ka Pa’ Ukna sungah note tawh leenggahzu thak ka dawnkik ni matengin leenggahzu ka dawnkik nawn kei ding hi,” a ci hi.

Luka 12:37

A topa hong ciah ciangin a kigingsa-in amah ngakin a om uh a muh nasemte pen mi hampha mahmah ahi uh hi. Note kiangah kong genin-ah, a topa zong hong kithawi-in a nasemte an vak dingin tusak ding a, amahmah in a nasemte an thukin na a sem ding hi.

Luka 23:43

Jesuh in ama kiangah, “A mantakin ke’n kong cihin-ah: Tuni-in Paradais-ah kei tawh na omkhawm ding hi,” a ci hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Johan 12:26

Ka nasemte keima omna-ah a omtheih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Johan 14:3

Kei va pai-in note’ om nading mun ka va bawlkholh khit ciangin keima omna munah note na hong om theih nadingun note a hong la dingin ka hong paikik ding hi.

Johan 15:9

Ka Pa in kei hong it zahin note hong it ka hih manin keima hong itna sungah om un.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piaktheih nadingin mi khempeuh tungah ukna aana a neih nadingin Tapa tungah na hong piaksa ahi hi.

Johan 17:22

Nang le kei pumkhat ihih mah bangin amaute zong pumkhat a suah theih nadingun keima tungah na hong piak pianzia mah amaute tungah ka pia hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Johan 6:37

Ka Pa in kei tungah a hong piak mi peuhmah ka kiangah hong pai ding a, ka kiangah a hong pai mi peuhmah ka hawlkhia kei ding hi.

Johan 6:39

Kei hong sawl pa’ deihna in: Ka khut sungah a hong piak mi khempeuh khat zong khahsuah loin nitawp ni ciangin ka hinsakkik ding ahi hi.

Johan 8:58

Jesuh in, “A taktakin ci lehang, Abraham a pian’ ma-in kei ka omkhin hi,” ci-in a dawng hi.

1 KORIN MASA 13:12

Dal limlang sunga et bangin tu laitakin a kitel pha loin i mu milmial a, ahi zongin mai lamah maitang kituahin i mu ding hi. Tu laitakin i theihnate kicing lo a, ahi zongin mai lamah Pasian in eite hong theih mah bangin a kicing takin amah i thei ding hi.

2 KORIN NIHNA 3:18

Tua ahih manin eite khempeuh i maitang hong kiliah nawn loin Topa’ minthanna vangtaang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawlpha a, minthanna khat panin minthanna sangzaw-ah hong omsak hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

2 KORIN NIHNA 5:8

Lungmuang takin a ki-om hithiat hi a, hih leitung pumpi nusia-in Topa tawh omkhawm ding a ki-utzaw ahi hi.

Filippi 1:23

Hih thu nih khentat hak ka sa mahmah hi. Kei a dingin hoihzaw thampek ahih manin leitung pumpi si-in Khrih tawh omkhawm ding ka ut hi.

1 THESALONIKA MASA 4:17

Tua ciangin tua hun laitakin a nungta lai eite pen vankim lai-ah Topa a dawn dingin amah a um a sisa mite tawh hong kilakhawm ding a, Topa tawh i omkhawm tawntung ding hi, cihna ahi hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

1 JOHAN MASA 3:2

Ka lawm itte aw, eite’ pianzia ding taktak a telin hong kilat nai loh hangin tu-in Pasian’ tate ihi hi. Ahi zongin Khrih hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

Mangmuhna 21:22

A Vanglian Topa Pasian le Tuuno pen khuapi biakinn hita ahih manin tua khua sungah biakinn dang ka mu kei hi.

Mangmuhna 3:21

Keimah zong gualzo-in ka Pa’ tokhomah ka tutkhawm uh mah bangin a gualzote khempeuh zong kei tawh ka tokhom tungah hong tutkhawm theih nadingun thu ka pia ding hi.