Johan 17:23 - Tedim Bible

²³ Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pumkhat a suah taktak theih nadingun amaute lakah kei ka om a, kei tawh nang na hong omkhawm hi.

Tedim Bible Revision 2017

²³ Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pum khat a suah taktak theih nadingun amaute lakah kei ka om a, kei tawh nang na hong om khawm hi.

Johan 17:23 Iomraidhean Croise

Johan 10:38

Ahi zongin keimah in ka Pa’ na sem ka hih manin keima thu na hong um nuam lo uh ahi ta zongin, Pa tawh pumkhat ka hihna thu na theih nadingun ka nasepnate na up dingun kilawm buang hi,” a ci leuleu hi.

Johan 13:35

Note khatlekhat ki-it le-uhcin keima nungzuite na hihna uh mi khempeuh in hong thei ding uh hi,” a ci hi.

Johan 14:10

Kei pen Pa tawh pumkhat ka hih lamtak um lo na hi hiam? Note tungah ka hong gen thute keima thu bek tawh a hong gen ka hi kei a, kei tawh a om Pa Pasian in na semin a hong gen ahi hi.

Johan 14:23

Jesuh in, “Kei hong itte in ka thu zui ding uh hi. Ka Pa in zong it ding a, ka nihun tua mite kiangah pai-in amaute tawh ka omkhawm ding uh hi.

Johan 15:9

Ka Pa in kei hong it zahin note hong it ka hih manin keima hong itna sungah om un.

Johan 16:27

Bang hang hiam cih leh note in kei hong itin, Pa kiang panin a hong pai ka hihna thu um na hih manun Pa mahmah in note hong it ahihna hang ahi hi.

Johan 17:11

Tu-in nangma kiangah kei a hong paita ding ka hih manin leitungah ka om nawn kei ding a, ahi zongin amaute a omlai ding uh ahi hi. Tua ahih manin a Siangtho ka Pa aw, nang le kei pumkhat ihih mah bangin amaute zong pumkhat ahih nadingun na vangliatna tawh hoihtakin na kem in.

Johan 17:21

Pa aw, amaute khempeuh pumkhat a suahtheih nadingun ka hong ngetsak hi. Nangmah in kei na hong sawlna thu leitung mite in a uptheih nadingun ei tegel pawlkhat ihih mah bangin amaute zong eite tawh pawlkhat hong hi tahen.

Johan 17:24

Pa aw, leitung a pianma pekin kei na hong itna hangin na hong piak pianzia a mu dingin keimah na hong piak mite zong ka omna-ah a hong pai theih nading ka deihsak hi.

Johan 17:26

Kei na hong itna zah itna mah amaute sungah omin, amaute tawh kei ka omkhawm theih nadingin amaute tungah nangma min ka gen khin a, mai lamah zong ka gen lailai ding hi,” ci-in thu a ngen hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 3:17

Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a honkhia dingin a hong paisak hizaw hi.

Johan 6:56

Ka sa ne-in ka si a dawnte pen kei tawh pumkhat ka hi uh hi.

1 KORIN MASA 1:30

Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi.

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khrih tawh na kipawlna hangun pawlkhat hi-in, a kibangkim na hi uh hi.

Filippi 3:15

Kha thu-ah a khangham eite in hih bang lungsim pua ciat ni. Hih bang lungsim a nei lo i omkhak leh zong, Pasian in a kitel takin hong kilangsak ding hi.

Kolose 1:28

Tua ahih manin a milip tungah Khrih’ thu ka hilh uh a, Khrih tawh a kipawlna uh hangin a milipin a khangcingin Pasian’ omna-ah ka tunpih theih nadingun a milip tungah hilhin ka genkhol uh hi.

Kolose 2:2

Note, lungsim hanna tawh kidimin, thu a man taktakin na theihna hangun lungkip takin omin, itna tawh pumkhat na suahtheih nading uh ka deihna ahi hi. Tua hileh Pasian’ thusim ahi Khrih mahmah na thei ding uh hi.

Kolose 3:14

Hihte khempeuh banah, mi khempeuh kilem takin a hong om khawmsak thei ahi ki-itna na bulphuh un.

1 PETER MASA 5:10

Tawlkhat na thuak khit uh ciangin, Khrih tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl ding a, kipna, thahatna, bulkip kician hong pia ding hi.

1 JOHAN MASA 1:3

Pa Pasian le a Tapa Jesuh Khrih tawh kote pawlkhatin ka om uh mah bangin note zong kote tawh pawlkhat nong suahtheih nading uh deihna-in ka muhsa uh le ka zaksa uh thute a hong gen ka hi uh hi.

1 JOHAN MASA 3:1

Pa Pasian in eite bangzah takin hong itna thu thei un. Ama hong itna lian mahmah ahih manin eite pen Pasian’ tate hong kici a, hong kicih mah bang ihi takpi hi. Leitung mite in tuhun ciang dong Pasian thei lo uh ahih manin eite zong a hong thei lo uh ahi hi.

1 JOHAN MASA 4:19

Pasian in eite hong it masa ahih manin eite in itna i nei thei hi.

Mangmuhna 3:9

Jew mi hi lo napi-in Jew mi hi ung, ci-in zuau a gen Satan’ pawlte, note’ mai-ah hong paisakin na khephung uhah ka boksak ding a, note ka hong itna thu amaute ka theisak ding hi.