Johan 17:20 - Tedim Bible

²⁰ “Hih mite a’ ding bek thu a hong ngetsak ka hi kei a, amaute’ thugenna hangin kei hong um mite a’ ding zong a hong ngetsak ka hi hi.

Tedim Bible Revision 2017

²⁰ “Hih mite ading bek thu a hong ngetsak ka hi kei a, amauteʼ thugenna hangin kei hong um mite ading zong a hong ngetsak ka hi hi.

Johan 17:20 Iomraidhean Croise

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum ding a, amaute in keima thu ngai-in, keima khut sungah ka tuu omsate tawh honkhat suakkhawm ding uh hi.

Johan 17:19

Nangma tungah thuman takin amaute zong hong ki-ap theih nadingun amaute ka khualna-in nangma tungah kei ka hong ki-ap hi.

Johan 17:21

Pa aw, amaute khempeuh pumkhat a suahtheih nadingun ka hong ngetsak hi. Nangmah in kei na hong sawlna thu leitung mite in a uptheih nadingun ei tegel pawlkhat ihih mah bangin amaute zong eite tawh pawlkhat hong hi tahen.

Sawltak 2:41

Mi tampi in ama thugen umin tui kiphum uh a, tua ni-in mihing tulthum bang kibehlap uh hi.

Sawltak 4:4

Ahi zongin amaute’ thugen a za mi tampi in um uh a, thu um mi tulnga bang a pha ta uh hi.

ROM (Romans) 16:26

Ahi zongin mi khempeuh in Pasian umin a zuihtheih nadingin tu-in kamsangte’ laigelhnate le a nungta tawntung Pasian’ thupiakna tawh tua thu ki-imcip pen a hong kipholak ta ahi hi.

Efesa 4:11

Amah in mite tungah siamna a tuamtuam hong pia a, pawlkhatte sawltak nasep a sem ding, pawlkhatte kamsang nasep a sem ding, pawlkhatte thuhilh kawikawi nasep a sem ding, pawlkhatte pawlpi kem nasep a sem ding, le pawlkhatte laihilh nasep a sem dingin a hong seh hi.

2 TIMOTI NIHNA 1:2

Ka it ka ta Timoti tungah lai ka hong khak hi. Pa Pasian le i Topa Khrih Jesuh in dikna, hehpihna, le nopsakna thupha nang tungah hong tungsak tahen.