Johan 17:19 - Tedim Bible

¹⁹ Nangma tungah thuman takin amaute zong hong ki-ap theih nadingun amaute ka khualna-in nangma tungah kei ka hong ki-ap hi.

Tedim Bible Revision 2017

¹⁹ Nangma tungah thuman takin amaute zong hong ki-ap theih nadingun amaute ka khualna-in nangma tungah kei ka hong ki-ap hi.

Johan 17:19 Iomraidhean Croise

Isaiah 62:1

Zion a kihotkhiatna thu khuavak bangin a taankhiat mateng, ama gualzawhna thu meivak kuang bangin a taankhiat matengin, Zion ka ngaihsutna-in gamdai takin ka om mawk kei ding a, Jerusalem ka ngaihsutna-in ka khawl mawk kei ding hi.

Jeremiah 1:5

“Gil sungah kong bawl ma-in nang kong thei khinzo hi. Na suah ma-in nang kong teelkhia khinzo a, minam dangte tungah kamsang dingin kong koih khinzo hi,” hong ci hi.

Gamlak-vakna 7:15

meihal biak nadingin bawngtalno khat, tuutal khat, kum khat a pha tuuno a pa khat;

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasian’ Tapa ka hi hi,’ ka cih ciangin bang hangin Pasian simmawhbawl hong cithei na hi uh hiam?

Johan 15:13

Lawmte’ tang ding sih ngamna sangin lawmte itna a lianzaw om nawn lo hi.

Johan 15:3

Note tungah ka hong thugennate hangin note a siang na suak khinzo uh hi.

Johan 17:17

Nangma thuman hilhna tawh amaute a siangtho nangma zat dingin na bawl in.

Johan 17:20

“Hih mite a’ ding bek thu a hong ngetsak ka hi kei a, amaute’ thugenna hangin kei hong um mite a’ ding zong a hong ngetsak ka hi hi.

1 KORIN MASA 1:2

Jesuh Khrih tawh kipawlna hangin Pasian’ mi suakin, Pasian’ mi siangtho cihna a ngah, Korin khua-a om Pasian’ pawlpi mite le eite’ Topa bek hi loin, amaute’ Topa zong ahi, i Topa Jesuh Khrih tungah thu a ngen, mun khempeuhah a om mite tungah lai ka hong khak uh hi.

2 KORIN NIHNA 4:15

Hih thute khempeuh note a’ ding a kikhualna hi a, Pasian’ hehpihna in mi tam ban semsem leh mi a tam semsem mah in Pasian’ minthan nadingin lungdam ko-in thu ngen ding uh hi.

2 KORIN NIHNA 7:14

Titus mai-ah note ka hong kisialhpih ngei a, note in ka kisialhna thu-ah kei na hong zahhuaisak kei uh hi. Note tungah thuman bekbek a hong gen ka hih mah bangun Titus tungah ka kisialhna uh zong a kisial khial ka hihlohna uh hong kilang hi.

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuhah a kizel ahi hi.

1 THESALONIKA MASA 4:7

Eite a thanghuai gamtat dingin Pasian in a hong sam hi lo a, a siangtho-in a nungta dingin a hong sam ahi hi.

2 TIMOTI NIHNA 2:10

Tua ahih manin Pasian’ teel mite in zong Khrih Jesuh hangin hotkhiatna le tawntung minthanna a ngahkhawm theih nadingun amaute’ hangin na khempeuh ka thuak hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

Hebru 10:29

Tua bang ahihleh Pasian’ Tapa a simmawh, mawhna a hong maisak Pasian’ thuciamna sisan a thudon lo, Pasian’ hehpihna a hong puak Kha Siangtho a hehsakte’ thuak ding bangzah takin lianzaw kan ding ahi hiam?

Hebru 2:11

Mawhna panin mite a siangthosakpa le sianthosakna a ngah mite in, Pa, a kibang a neikhawm uh hi. Tua hi a, Jesuh in mite, “Sanggam,” a cih ding zum ngaihsut lo ahih manin,

Hebru 9:13

Keel sisan, bawngtal sisan, le bawngla kihaltum vute, biakna vai-in a siang lo mite tungah a kitheh ciangin biakna vai-in mite’ pum tung siangthosak thei ahihleh,

Hebru 9:18

Tua mah bangin thuciamna masa zong sisan a kizat ciangin thu suak thei pan hi.

Hebru 9:26

Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suahtheih nadingin mawh maisak nadingin hun bei kuan ciangin amah khatvei a va kipia hi.

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

1 JOHAN MASA 3:3

Khrih a siangtho mah bangin amah tawh kibat ding a lamen khempeuh in zong a nuntakna uh siangthosak ding hi.