Johan 17:17 - Tedim Bible

¹⁷ Nangma thuman hilhna tawh amaute a siangtho nangma zat dingin na bawl in.

Tedim Bible Revision 2017

¹⁷ Nangma thuman hilhna tawh amaute a siangtho nangma zat dingin na bawl in.

Johan 17:17 Iomraidhean Croise

2 SAMUEL NIHNA 7:28

Tu-in Topa Pasian aw, nang, Pasian na hi a, na thute manin, na nasempa tungah hih na hoih na ciam khin hi.

Late 119:104

Na thuhilhnate hangin thu theihtelna ka ngah hi. Tua ahih ciangin a man lo lampi khempeuh ka mudah hi.

Late 119:11

Nangma tungah kong khialh loh nadingin ka lungsim sungah nangma thu ka khol hi.

Late 119:144

Na teci pannate a tawntungin thuman hi. Thu theihtelna hong guan in; tua hileh ka nungta ding hi.

Late 119:160

Na thubulpi thumanna hi a, a man mahmah, nangmah biakna ngeina kipte khempeuh a tawntungin kip paisuak hi.

Late 119:9

Tangval khat in ama gamtatna a siangtho mahmah dingin bangci kep ding ahi hiam? Nangma thu zuihna tawh ama gamtatna siangthosak thei ding hi.

Late 12:6

Topa’ thuciamnate, a siangtho thuciamna hi a, meikhuk sungah sagihvei a kisiangsak ngun tawh kibang hi.

Luka 8:11

Tua ciangin Jesuh in, “Thugentehna a khiatna pen hih bang ahi hi: Khaici pen Pasian’ thu hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Johan 15:3

Note tungah ka hong thugennate hangin note a siang na suak khinzo uh hi.

Johan 17:19

Nangma tungah thuman takin amaute zong hong ki-ap theih nadingun amaute ka khualna-in nangma tungah kei ka hong ki-ap hi.

Johan 8:32

Tua ciangin thuman na thei ding uh a, tua thuman in note hong suaktasak ding hi,” a cih leh

Johan 8:40

A taktakin ci lehang, ka hihna khempeuh Pasian’ kiang panin ka zaksa thuman thu ka hong gen hinapi-in note in kei thah ding na hong sawm uh hi. Hih note’ gamtat bangin Abraham gamta lo hi.

Sawltak 15:9

Pasian in eite le Gentail mite deidanna hong nei lo a, amaute in zong a up manun mi siangtho-in a bawl hi.

2 KORIN NIHNA 3:18

Tua ahih manin eite khempeuh i maitang hong kiliah nawn loin Topa’ minthanna vangtaang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawlpha a, minthanna khat panin minthanna sangzaw-ah hong omsak hi.

Efesa 4:21

Note in Khrih thu na zaksa uh hi a, ama nungzui na hih manun Jesuh’ thutakna na theihsa uh ahi hi.

Efesa 5:26

Pawlpi pen paubaanna a om het lo, a siangtho mahmahin Khrih kiangah a kipiak theih nadingin Pasian thu tawh tui-ah a silsiang khit ciangin Pasian kiangah a aptheih nadingin pawlpi a dingin Khrih a kipia ahi hi.

2 THESALONIKA NIHNA 2:13

Ahi zongin sanggamte aw, Topa in note hong it a, Kha Siangtho vangliatna hang le note in thuman na upna uh hangin ama mi siangthote na suah nadingun nopsakna a ngah masa dingin Pasian in note hong teel ahih manin note hangin Pasian tungah lungdamna ka ko tawntung uh hi.

Jeim 1:21

Tua ahih manin ngeina hoih lote le gamtat siate khempeuh nusia unla, Pasian’ thu mangin note’ lungsim sungah a hong koih thu zui un. Tua thu in note hong honkhia thei hi.