Johan 16:7 - Tedim Bible

⁷ A taktakin ci lehang, kei paikhia kei leng note hong Huh ding pa hong pai lo ding a, kei paikhia leng note hong Huh ding pa hong sawl ding ka hih manin kei va paikhia leng note a dingin hoihzaw tham hi.

Tedim Bible Revision 2017

⁷ A taktakin ci lehang, kei paikhia kei leng note hong Huh ding pa hong pai lo dinga, kei paikhia leng note hong Huh ding pa hong sawl ding ka hih manin kei va paikhia leng note adingin hoih zaw tham hi.

Johan 16:7 Iomraidhean Croise

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mihonte le mi lehdote’ tung nangawn panin piakkhong nate na ngah hi.

Luka 24:49

Ka Pa’ hong ciamsa thu, note tungah ka hong pia ding hi. Ahi zongin vantung panin tua vangliatna na ngah mateng uh hih Jerusalem khuapi-ah na ngak un,” a ci hi.

Luka 4:25

A taktakin ci lehang, Elijah’ hun lai-in kum thum le alang sung guah zu lo a, gam sung khempeuhah kialpi a tun hun laitakin Israel gam sungah meigong numei tampi tak om hi.

Luka 9:27

Ke’n kong cihin-ah, hih lai-ah a om mi pawlkhatte in Pasian’ Ukna a muh khit uh matengin si lo ding uh ahihna phawk un,” a ci hi.

Johan 14:26

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.

Johan 14:28

‘Ka va paikhia ding a, ahi zongin note kiangah ka hong paikik ding hi,’ ka cihna thu na za khin uh hi. Kei sangin a lianzaw Pa Pasian kiangah a va pai ding ka hih manin kei na hong it nak-uhleh ama kiangah ka paina hangin na nuamzaw ding uh hi.

Johan 14:3

Kei va pai-in note’ om nading mun ka va bawlkholh khit ciangin keima omna munah note na hong om theih nadingun note a hong la dingin ka hong paikik ding hi.

Johan 15:26

“Ahi zongin Thuman a hong lak ding Huhpa ahi Kha Siangtho ka Pa kiang panin ka hong sawl ding hi. Amah hong tun ciangin keima thu hong gen ding hi.

Johan 16:8

Amah hong tun ciangin leitung mite tungah mawhna thu, thuman thu leh thukhenna thu laktel ding hi.

Johan 7:39

Jesuh in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasian’ pianzia nei-in sihna panin Jesuh kithokiksak nai lo ahih manin Kha Siangtho kipiakhia nai lo hi.

Sawltak 10:34

Tua ciangin Peter a kam ka-in thu hilh ding kipan a, “Pasian in kuamah angvan’ tuam nei loin,

Sawltak 2:33

Amah in Pasian’ taklamah omna dongin liatna ngah a, ama tungah Pasian in a ciamsa Kha Siangtho zong a ngahkhin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

ROM (Romans) 8:28

Ama deihna bang a sem dingin Pasian in a hong sap, amah a it eite a dingin na khempeuh a hoihlamin piangsak hi, ci-in i thei hi.

2 KORIN NIHNA 4:17

Tuhun laitakin tomno sung lungkhamna ka thuakte uh in ka thuakna uh sangin nakpitakin a lianzaw tawntung minthanna sung hong tunpih ding hi.