Johan 16:32 - Tedim Bible

³² Note khempeuh kithehthangin na inn ciat uh zuanin kei bek na hong nusiat ding uh hun a hong tung ding hi bek loin tu-in a hong tung hita hi. Ahi zongin kei guak a hong kinusia hi lo a, Pa in kei hong ompih hi.

Tedim Bible Revision 2017

³² Note khempeuh kithehthangin na inn ciat uh zuanin kei bek na hong nusiat ding uh hun a hong tung ding hi bek loin tu-in a hong tung hi ta hi. Ahi zongin kei guak a hong kinusia hi lo a, Pa in kei hong ompih hi.

Johan 16:32 Iomraidhean Croise

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang ding a, ka tuute gim ka pia ding hi.

Mattiu 26:31

Tua ciangin Jesuh in amaute kiangah, “Lai Siangtho sungah, ‘Tuucingpa ka satlum ding a, a tuute kithehthang ding hi,’ ci-in a kigelh mah bangin note khempeuh in tu nitakin kei na hong taisanmang khin ding uh hi.

Mattiu 26:56

Ahi zongin Lai Siangtho sungah kamsangte’ thugente a tuntheih nadingin hih bangin a hong gamta na hi uh hi,” a ci hi. Tua ciangin a nungzuite khempeuh in Jesuh nusia-in a taisan uh hi.

Marka 14:27

Tua ciangin Jesuh in amaute kiangah, “‘Tuucingpa ka satlum ding a, tuute a kithehthang ding hi,’ ci-in Lai Siangtho sungah a kigelh mah bangin note in kei nong taisan ding uh hi.

Marka 14:50

Tua ciangin a nungzuite khempeuh in Jesuh a taisan uh hi.

Johan 12:23

Tua ciangin Jesuh in, “Mihing Tapa in Pasian’ pianzia a ngah ding hun hong tungta hi.

Johan 16:2

Amaute in a kikhopna uh innte panin note hong hawlkhia ding uh hi. Note hong that mite pen Pasian’ nasemin a kingaihsut ding uh hun hong tung ding hi.

Johan 16:25

“Tuhun ciang dong hih thute thugentehna zangin ka hong gen hi. Ahi zongin thugentehna ka hong zat nawn loh hun hong tung ding a, tua hun ciangin a teltakin Pa Pasian’ thu ka hong gen ding hi.

Johan 16:31

Jesuh in, “Tu-in hong umta na hi uh hiam?

Johan 19:27

Tua ciangin a nungzui pa kiangah, “Na nu tua lai-ah om hi,” a ci leuleu hi. Tua ahih manin tua hun a kipanin nungzui pa in ama inn-ah Jesuh’ nu Mary a kem hi.

Johan 20:10

Tua ciangin nungzuite a inn uhah a ciah uh hi.

Johan 4:21

Jesuh in, “Lawm aw, hih ka thugen ding hong um in: Mite in hih mualtung hitaleh Jerusalem hitaleh ah Pa Pasian a biak nawn loh hun hong tung ding hi.

Johan 4:23

Ahi zongin Pasian a bia taktakte in Pasian’ Kha’ lamlahna le thuman tak tawh a biak hun hong tung ding a, tu-in zong a hong tung khinta ahi hi. Pa Pasian in tu-a bangin amah i biak ding a hong deih ahi hi.

Johan 5:25

A taktakin ci lehang: A si mite in Pasian’ Tapa’ aw a zak hun uh hong tung ding hi bek loin tu-in a hun hong tungkhin hita a, ama aw a za mi khempeuh nungta ding uh hi.

Johan 5:28

Hih thu ka hong gen ciangin lamdangsa kei un. Han sungah a om misi khempeuh in ama aw za-in,

Johan 8:16

Mi mawhsakin thu a khen hita mah leng zong, a thukhen pen kei bek hi loin kei a hong sawl Pa Pasian le keimah in a khenkhawm ka hih manun ka thukhennate a man taktak ahi hi.

Johan 8:29

Kei a hong sawl pa’ lungkimna bang bekin gamta tawntung ka hih manin amah in kei guak hong nusia loin, hong ompih tawntung hi,” a ci hi.

Sawltak 21:6

Tua ciangin khatlekhat mangpha kikhakin teembaw tungah ka tuang uh a, amaute zong a inn uhah a ciah uh hi.

Sawltak 8:1

Hih Stefen thahna thu-ah Saul in zong thukimpih hi. Tua ni a kipanin Jerusalem khua-a om pawlpite in nakpitakin bawlsiatna thuak ding kipan uh hi. Sawltakte simloh, thu um midang khempeuh, Judea gam le Samaria gamah kithehthang gawp uh hi.