Johan 16:23 - Tedim Bible

²³ “Tua hun ciangin kei kiangah bangmah nong ngen nawn kei ding uh hi. A mantakin kong genin-ah, keima min suangin na nget peuhpeuh uh Pa in hong pia ding hi.

Tedim Bible Revision 2017

²³ “Tua hun ciangin kei kiangah bangmah nong ngen nawn kei ding uh hi. A mantakin kong genin ah, keima min suangin na nget peuhpeuh uh Pa in hong pia ding hi.

Johan 16:23 Iomraidhean Croise

Isaiah 65:24

Amaute in hong sap ma-in ke’n ka dawng ding a, amaute in thu a gen laitakin ke’n ka za ding hi.

Mattiu 21:22

Upna na neih nak-uhleh na nget peuhpeuh uh na ngah ding uh hi,” a ci hi.

Mattiu 7:7

“Ngen un; na nget uhleh hong kipia ding hi. Zong un; na zon uh leh na mu ding uh hi. Kongkhak na kiu un; na kiuh uhleh hong kihon ding hi.

Johan 14:20

Tua hun ciangin Pa sungah kei ka omna thu, le note sungah ka hong om mah bangin keima sungah na omna thu uh na thei ding uh hi.

Johan 14:22

Tua ciangin Judas Iskariot ahi lo Judas dang khat in, “Topa aw, leitung mite tungah kilang loin kote tungah bangci-in hong kilangtuam thei ding na hi hiam?” ci-in a dot ciangin

Johan 14:5

Tua laitakin Thomas in, “Topa aw, na pai nading mun thei lo ka hih manun a lampi ding bangci theih ding ka hi uh hiam?” a cih ciangin

Johan 15:7

Kei tawh na hong kizop uh a, note sungah ka thu a om nakleh na deih peuhpeuh uh hong ngen le-uhcin hong kipia ding hi.

Johan 16:19

Jesuh in amaute’ theihnop lamtak phawk ahih manin amaute kiangah, “Note khatlekhat na kidot uh, ‘Tawlkhat khit ciangin na hong mu nawn kei ding uh a, tawlkhat khit ciangin na hong mukik ding uh hi,’ ka cihnopna a kidong na hi uh hiam?

Johan 16:26

Tua hun hong tun ciangin, Pa Pasian kiangah ka hong ngetsak ding hi, ka hong ci nawn kei ding a, nomau mahmah in ka min suangin Pa kiangah na ngenpah ding uh hi.

Johan 16:30

Tu-in na khempeuh na theihkhitna thu ka phawk uh a, ka theihnop uh thute kote in ka hong dot ding uh zong kisam nawn lo ahih manin Pa kiang panin a hong pai na hihna thu ka hong um uh hi,” a ci uh hi.

Efesa 2:18

Khrih hangin Jew mi le Gentail mi ahi eite khempeuh, Kha Siangtho huhna tawh Pa Pasian kiangah i paithei hi.

1 JOHAN MASA 2:1

Ka itte aw, note na khialhkhak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite a dingin Pa Pasian kiangah a hong thumsak dingin a thuman Jesuh Khrih i nei hi.