Johan 16:20 - Tedim Bible

²⁰ A taktakin ka hong genin-ah, note dahin na kap ding uh a, ahi zongin leitung mite lungdam ding uh hi. Note na dah ding uh a, ahi zongin na dahna uh lungdamna hong suak ding hi.

Tedim Bible Revision 2017

²⁰ A taktakin ka hong genin ah, note dahin na kap ding uh a, ahi zongin leitung mite lungdam ding uh hi. Note na dah ding uh a, ahi zongin na dahna uh lungdamna hong suak ding hi.

Johan 16:20 Iomraidhean Croise

JOB (Job) 20:5

migilote’ nopsak hun a tom mahmahna thu, Pasian a don lote’ lungdam hun a tom mahmahna thu thei lo na hi hiam?

Late 30:11

Topa ka Pasian aw, nangma tungah lungdamna ka hong koh tawntung theih nading, ka lungsim in nang hong phat theih nading, a dai om mawk loh nadingin ka thumna le ka taunate lamna tawh nong heisak a, dahna lim ahi ka puanhampi hong suahkhiat sakin nuamna na hong guan hi.

Late 30:5

Ama hehna tomno sung bek hi a, ama hong deihsakna pen khang tawntung ading ahi hi. Zan hun sungteng kahna omkha mah ding a, ahih hangin zing khuavak tawh nuamna hong tung hi.

Late 97:11

Thuman mite’ tungah khuavak hong taang a, lungsim thutang mite tungah lungdamna hong tung hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna damta a, kei hong hehnem na hih manin nang tungah lungdamna kong ko ding hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion-ah a om a dah mite a lungdamna ding, a lungkham mite in phatna la a saktheihna ding, a lunggim mite in Pasian a phattheih nadingin amah in kei hong sawlzo hi.

Isaiah 66:5

Ama thu-ah lau-in a ling mite aw, Topa’ thu za un: Keima tungah note nong cihtakna hangun na mipihte uh pawlkhat in note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Jeremiah 31:25

Bang hang hiam cih leh a gim mite ka tawldamsak ding a, gilkialin a thazawm mite khempeuh an ka vak kham ding hi,” a ci hi.

Mattiu 21:38

Ahi zongin lo khawhlawhte in a tapa a muh uh ciangin, ‘Hih pa pen a gamhluah ding pa ahi hi. Hong pai un; amah thatin a luah dingteng eite inla ni,’ a kici uh hi.

Mattiu 5:4

Dahin a thum a tau mite Pasian in amaute hehnem ding ahih manin thupha ngah mi ahi uh hi.

Marka 14:72

Tua khit phetin ak nihveina a khuang hi. Tua ciangin, “Ak nihvei a khuan’ ma-in kei thumvei na hong nial ding hi,” ci-in Jesuh in ama tungah a gensa thu Peter in phawkkik a, dahlua-in a kap hi.

Marka 16:10

Tua nu zong hong pai-in a dah a kapin a om Jesuh’ lawm luite kiangah hih thu a va gen hi.

Luka 22:45

A thungetna panin dingin a nungzuite kiangah paikik a, amaute a dahna hangun gimin ihmu-in a om a mu hi.

Luka 22:62

Tua ciangin Peter paikhia-in nakpitakin a kap hi.

Luka 23:27

Jesuh’ nung zui-in mi tampi tak pai uh a, tuate lakah Jesuh kahin a tamlawh numei pawlkhat zong a kihel hi.

Luka 24:17

Jesuh in, “Na lam paikawmun bang gengen na hi uh hiam?” ci-in a dong hi. Amau tegel zong dinkhawl pah uh a, a maisuah uh dahmai mahmah lai hi.

Luka 24:21

Amah pen Israel mite a honkhia ding pa hi, ci-in ka lamet uh ahi hi. Tua bang hinapi-in hih thuteng hong piang a, tu-in a thu pianzawh a ni thumna hita hi.

Luka 6:21

Tuhunin a gilkial note nidang ciangin na gil uh a vah ding hi. Tuhunin a dah note nidang ciangin na nuam ding uh hi.

Johan 16:33

Keimah tawh na hong kipawlna uh hangin lungnopna na neihtheihna dingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Johan 16:6

Ahi zongin hih thute ka hong gen ciangin na lungsim uh dah mahmah hi.

Johan 20:20

Tua bangin a hopih khit ciangin a khutte le a pangpi zong a lak hi. Topa a muhna hangun nungzuite a nuam mahmah uh hi.

Sawltak 5:41

Uliante omna panin sawltakte paikhia uh a, Jesuh’ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

ROM (Romans) 5:11

Tuateng bek hi lo lai a, Pasian tawh hong kilemsak i Topa Jesuh Khrih hangin Pasian tungah i nuam mahmah hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

1 THESALONIKA MASA 1:6

Kote le Topa’ gamtat bangin note na gamta uh a, note in gimna nakpitakin thuaklawh napi-in Kha Siangtho’ huhna tawh lungdam takin thu umin na om uh hi.

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

Juda 1:24

Ama minthanna mai-ah paubaanna om hetloin lungdam takin a hong paipih theih nadingin note na pukkhak nading panun a hong kem,

Mangmuhna 11:10

Teci a pang tua kamsang nihte in leitung mite tungah gimna nakpitakin tungsak uh ahih manin hih mi nihte a sihna hangin lungdamin pawi bawl ding uh a, a nuamna uh hangin khatlekhat letsong kipia ding uh hi.

Mangmuhna 18:7

Amah kisialin a kiphatsakna zah tawh a kizui-in dahna le lungkhamna thuaksak un. Amah in, ‘Kei kumpinu ka hi a, meigong numei lah ka hi kei a, dahna ka thuak ngei kei ding hi,’ ci ahih manin,