Johan 16:16 - Tedim Bible

¹⁶ “Tawlkhat khit ciangin na hong mu nawn kei ding uh a, tawlkhat khit ciangin na hong mukik ding uh hi,” a cih ciangin,

Tedim Bible Revision 2017

¹⁶ “Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,” a cih ciangin,

Johan 16:16 Iomraidhean Croise

Marka 16:19

(Tua bangin Topa Jesuh in amaute tungah thu a gen khit ciangin vantungah kilato-in Pasian’ taklamah a tu hi.

Johan 12:35

Jesuh in, “Note kiangah tawmvei sung khuavak hong omlai ding hi. Khuamial sungah a pai mi in a paina mun thei lo ahih manin khuamial in note hong phak loh nadingin khuavak na neih sungun na gamtat ngei uh zom paisuak un.

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.

Johan 13:33

Ka tate aw, note tawh sauvei ka hong omkhawm nawn kei ding hi. Note in kei na hong zong ding uh a, ahi zongin Jerusalem khua-a Jew uliante kiangah, ‘Ka paina munah na hong pai thei kei ding uh hi,’ ci-in ka gen mah bangin note kiangah zong tu-in ka hong gen hi.

Johan 16:10

Pa kiangah pai ding ka hih manin kei na hong mu nawn kei ding uh hi, ka cihna thu a manna lak ding a,

Johan 16:22

Note zong tua mah tawh na kibang ding uh hi. Note zong tu-in na dah uh hangin note tawh kimukik ding ihih manin na lung uh dam mahmah ding a, tua na lungdamna uh kuamah in hong beisak thei lo ding hi.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Johan 16:5

Tu-in ahihleh kei hong sawl pa kiangah a ciahkik ding ka hi hi. Tua hinapi-in, ‘Koi-ah pai ding na hi hiam?’ ci-in kuamah in na hong dong kei uh hi.

Johan 17:13

Tu-in nangma kiangah a hong paita ding ka hih manin keimah bangin amaute in lungdamna cingtaak a neihtheih nadingun leitungah ka om lai-in hih thute a gen ka hi hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Johan 7:33

Jesuh in tua mite kiangah, “Note lakah tawlkhat ka om lai ding a, tua ciangin kei hong sawl pa kiangah ka pai ding hi.

Sawltak 1:3

Ama sih khitzawh ni sawmli sung amaute tungah tam veipi kilang a, amah a nungta taktak ahihna teltakin a kithei ahi hi. Amaute in amah mu uh a, Pasian’ Ukna thu amaute tungah a gen hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.