Johan 15:4 - Tedim Bible

⁴ Kei tawh hong kizom paisuak le-uhcin kei zong note tawh a kizom paisuak ka hi ding hi. A hiang pen a gui tawh kizom kei leh gah a gah theih loh mah bangin note zong kei tawh na kizop kei uhleh gah na gah thei kei ding uh hi.

Tedim Bible Revision 2017

⁴ Kei tawh hong kizom paisuak le-uhcin kei zong note tawh a kizom paisuak ka hi ding hi. A hiang pen a gui tawh kizom kei leh gah a gah theih loh mah bangin note zong kei tawh na kizop kei uh leh gah na gah thei kei ding uh hi.

Johan 15:4 Iomraidhean Croise

Solomon la 8:5

Gamlak panin a lawmpa tawh khut kilensa-in a hong paikhia kua ahi hiam? Nangmah na pianna mun, na nu in hong neihna mun, epel kung nuai panin nang kong phong hi.

Hosea 14:8

Israel mite in milim biakha nawn lo ding uh hi. Amaute’ thungetna pia-in amaute ka kem ding hi. Amaute, a hing tawntung singkung kep bangin ka kem ding hi; amaute’ thupha ngah khempeuh keima kiang pan ahi hi,” a ci hi.

Mattiu 12:33

“Singgah limci a gahtheih nadingin a kung a cidam phot ding kisam a, a kung gina kei leh a gah limci lo hi. Tua ahih manin singkung khat a pianzia pen a gahin hong kithei hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Johan 14:20

Tua hun ciangin Pa sungah kei ka omna thu, le note sungah ka hong om mah bangin keima sungah na omna thu uh na thei ding uh hi.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pumkhat a suah taktak theih nadingun amaute lakah kei ka om a, kei tawh nang na hong omkhawm hi.

Johan 6:56

Ka sa ne-in ka si a dawnte pen kei tawh pumkhat ka hi uh hi.

Johan 8:31

Tua ahih manin amah a um Jew mite kiangah Jesuh in, “Ka thuhilhnate na zuih paisuak nak-uhleh ka nungzui taktakte na hi ding uh hi.

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

2 KORIN NIHNA 13:5

Thu um taktak mah ihi hiam, ci-in nomau mahmah na ki-entel ciat un. Na ki-ettelna uhah a cingtaak lo na hih kei nak-uhleh note sungah Khrih om ahih manin thu phawk un.

Galati 2:20

Tua ahih manin tuhuna ka nuntakna zia pen kei hang hi nawn loin ka sungah a hong om Khrih hang ahi hi. Tua hi a, keimah hong itin, keima a dingin a nuntakna a hong pia Pasian’ Tapa ka muanna tawh tu laitakin a nungta ka hi hi.

Efesa 3:17

na upna hangun note lungsim sungah Khrih hong tengin, itna thu-ah zung thuk kha-in bulkip na neih nadingun thu ka ngen hi.

Filippi 1:11

Jesuh Khrih in note mihoih a hong suahsak theihna le mite in Pasian pahtawi-in a phattheihna thu, note’ gamtat hoih in midangte tungah kilangsak ding hi.

Kolose 1:23

Ahi zongin note in lungdamna thu na zak cil lai-un na neih uh lametna panin ling hetloin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuhah a kihilh lungdamna thu mah ahi hi.

Kolose 1:27

Pasian in mi khempeuh a dingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khrih tawh a kipawlte in Pasian tawh minthanna ngahkhawm ding hi, cihna ahi hi.

Kolose 2:6

Note hong honpa dingin Topa Khrih na sansa uh ahih mah bangin amah tawh hoihtakin kipawlin nungta un.

1 THESALONIKA MASA 3:5

Tua ahih manin ka thuakzawh nawn loh ciangin note’ upna zia a thei dingin Timoti ka hong sawl hi. Dawimangpa’ ze-etna in note hong puksakkha-in, kote’ nasepna a mawkna suakkha ding hi, ci-in ka lunghimawh uh hi.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.

1 JOHAN MASA 2:6

Pasian tawh ka kipawl hi, a ci mi khempeuh, Jesuh Khrih a gamtat bangin a gamtat ding ahi hi.

2 JOHAN NIHNA 1:9

Khrih’ thuhilhna zui loin a khengvalin a pai mite pen Pasian tawh a kipawl lo ahi hi. Ahi zongin a thuhilhna a zuite pen Pa Pasian le a Tapa tawh a kipawl ahi uh hi.