Johan 15:2 - Tedim Bible

² Amah in gah a nei lo ka hiang khempeuh satkhia a, gah a nei hiangte ahihleh a gah semsem theih nadingin a puah hi.

Tedim Bible Revision 2017

² Amah in gah a nei lo ka hiang khempeuh sat khia a, gah a nei hiangte ahihleh a gah semsem theih nadingin a puah hi.

Johan 15:2 Iomraidhean Croise

JOB (Job) 17:9

Mite’ zahtaka a kinei mite in amau’ ngaihsutna uh man mahmah sa semsem uh hi.

Late 92:14

Topa thutang hi, ci-in a lah nadingun amaute teek napi-in gah lailai uh a, amaute tui kiuhkeuhin hing sitset uh hi. Amah pen kei hong hupa hi a, ama sungah thuman lohna om lo hi.

Paunak 4:18

Ahi zongin thuman mite’ zuih lampi ahihleh sun dong a taang pha semsem zingsang khuavak tung tawh kibang hi.

Isaiah 27:9

Israel in suang tawh a kibawl biakna tau khempeuh suangkang satvui a batsak ciangin Asherah milimte le paknamtui taute a dinglai om nawn lo hi. Hih thu hangin Jakob’ mawhna kimaisakin a mawhna kilakkhiatsak hi.

Isaiah 29:19

Mi’ nopnehte in Topa’ sungah lungdamna thak ngah ding uh a, Israel-te’ Siangtho Pa’ sungah mizawngte lungdam ding uh hi.

Daniel 11:35

Mi pawlkhat in thahna a thuak ding uh hi. Tua bangin a pianna thu pen beina a tun mateng sianthosakna le mipha le misia khentelna, Pasian’ sehsa hun a tunna ahi hi.

Hosea 6:3

Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Malakhi 3:3

A ninte kangtumsakin, ngunte a siangsak pa bangin thukhen dingin hong pai ding hi. Ngun le khamte a kisiansak bangin amah in Levi suanlekhak ahi siampite siangsak ding hi. Tua ciangin Topa’ tungah a kilawm biakna a pia ding uh hi.

Mattiu 13:12

Bang hang hiam cih leh a neisate tungah kipia thuahin hau semsem ding a, a nei lote tung panin a neihsa sunsun nangawn kilaksak ding hi.

Mattiu 13:33

Tua ciangin thugentehna khat mah gen leuleu a, “Vantung ki-ukna pen bang tawh kibang hiam cih leh, nupi khat in annel seu thum dim meek manin silngo sawh a, a vekpi-in silngo in zelin a pawmsak tawh kibang hi,” a ci hi.

Mattiu 15:13

Jesuh in, “Vantungah a om ka Pa’ suan ahi lo kung khempeuh kibotkhia ding hi.

Mattiu 21:19

Lam gei-ah theikung khat mu ahih manin a gei-ah va pai a, ahi zongin a teh simloh bangmah a mu kei hi. Jesuh in tua theikung kiangah, “Gah ngei nawn kei in!” a cih khit phetin a theikung a sipah hi.

Mattiu 25:29

Bang hang hiam cih leh a neisate kipiathuah ding a, hau semsem ding hi. Ahi zongin a nei lote tung panin a neihsa sunsun nangawn kilaksak ding hi.

Mattiu 3:10

Tu mahmahin sing a bulphuk dingin hei tawh kingim zo hi. Tua ahih manin gah hoih a gah lo sing khempeuh kiphukin meikhuk sungah kikhul ding hi.

Mattiu 3:12

Amah in a khutah anzapna tawi-in a ante zap a, a taksate khawmin a ansal sungah koih ding a, a ansite ahihleh a mit ngei lo mei sungah a khul ding hi,” ci-in thu a hilh hi.

Mattiu 7:19

Gah limci a gah lo singkungte kiphukin meikhuk sungah kikhul hi.

Marka 4:20

Ahi zongin midangte ahihleh khaici pawlkhat a tukna mun leihoih tawh kibang uh hi. Amaute in Pasian’ thu za-in sang uh a, pawlkhatte a dingin a zah sawmthum, pawlkhatte a dingin a zah sawmguk, pawlkhatte a dingin a zah za khatin man a nei hi,” a ci hi.

Luka 8:13

Suang kitawphah leilak a tukna munte pen Pasian’ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawlkhat sung bek um uh a, ze-etna hun a tun ciangin a puk uh hi.

Johan 15:1

Tua ciangin Jesuh in, “Kei pen leenggui taktak ka hi a, ka Pa pen leenggui lonei pa ahi hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Johan 15:3

Note tungah ka hong thugennate hangin note a siang na suak khinzo uh hi.

Johan 15:6

Kei tawh a kizom lo mite pen leenggui hiang bangin kipaai khia-in keutum hi. Tua bang hiangte meikhuk sungah kilawnin a kangtum hi.

Johan 15:8

Gah tampi gah le-uhcin ka Pa’ minthanna a kilangsak na hi ding uh a, keima nungzui na hihna uh kilang ding hi.

Johan 17:12

Amaute tawh ka omkhawm hun lai-in nangma hong piak na min vangliatna tawh amaute ka kem hi. Amaute ka hu a, a maimang ding pa simloh khat zong ka kisamsak kei hi. Tua a maimang pa lah Lai Siangtho sung thu a tun nading ahi hi.

ROM (Romans) 11:17

A kiciing oliv kung a hiangte kisatkhia-in gamlak oliv hiangte tawh kipeh hi. No Gentail-te pen tua gamlak oliv hiangte tawh a kibang na hi uh a, Jew mite’ hamphatna teng a ngahkhawm na hi uh hi.

ROM (Romans) 11:22

Hih thu-ah Pasian a migit mahmahna le a khauh mahmahna i mu hi. A khial mite tungah khauh mahmah a, ama migitna a kizop paisuak theih nadingin na up paisuak nak-uhleh note tungah hong migi mahmah hi. Ahi zongin na zop paisuak kei uhleh note zong hong kisatkhia ding hi.

ROM (Romans) 8:28

Ama deihna bang a sem dingin Pasian in a hong sap, amah a it eite a dingin na khempeuh a hoihlamin piangsak hi, ci-in i thei hi.

1 KORIN MASA 13:1

Keimah in mihingte pau a tuamtuamte le vantung mite’ pau nangawn ka pautheih hangin itna ka neih kei leh a bil-aphuai zam le daltuah kitum tawh a kibang lel ka hi hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

Hebru 12:15

Pasian’ hehpihna a ngahlah na hihkhak loh nadingun na kidawm un. Zungkha a nei singkung hong khangin mi tampi gimsakin a siatsak bangin mite a siasak na hihkhak loh nadingun na kidawm un.

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisik kik un.