Johan 15:14 - Tedim Bible

¹⁴ Ka hong thupiak bangin na gamtat uhleh ka lawmte na hi uh hi.

Tedim Bible Revision 2017

¹⁴ Ka hong thupiak bangin na gamtat uh leh ka lawmte na hi uh hi.

Johan 15:14 Iomraidhean Croise

1 KUMPI MASATE 4:5

Uliante tungah a uk nasep: Nathan’ tapa Azariah ahi hi. Kumpi thu lamlak nasep: Nathan’ tapa Zabud ahi hi.

2 KUMPI NIHNATE 18:6

Bang hang hiam cih leh amah in Topa kiptakin len hi. Amah zuihna panin kihemkhia lo a, Topa in Moses tungah a gen thupiaknate a zui hi.

2 KHANG TANGTHU NIHNATE 20:7

Kote’ Pasian aw, hih gamah a teng mite na mi Israel-te’ mai-ah hawlkhia-in, na lawmpa Abraham’ suanlekhakte tungah a tawntung dingin pia hi lo na hi hiam?

Paikhiatna 7:6

Moses le Aaron zong Topa’ sawl bangmahin gamta uh a, Topa in amaute a thupiak bangin amaute in sem uh hi.

Paunak 18:24

Lawm pawlkhatte sauvei kimang lo a, lawm pawlkhatte sanggam sangin kipzaw hi.

Solomon la 5:1

Itluat ka lawmnu aw, ka huansung hong tungzo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Isaiah 41:8

Ahih hangin nang ka nasem pa Israel, ka lawm Abraham’ suanlekhak, ka hong teelsa Jakob aw,

Jeremiah 32:23

Amau zong lutin a luahpah uh hi. Ahih hangin amaute in na thu hong mang loin, thukham hong zui lo uh a, hih dinga na thupiakte khat beek a hih kei uh hi. Tua ahih manin amaute tungah hih siatna khempeuh na tungsak hi.

Ezekiel 12:7

Kei zong Topa’ hong sawl bangin ka gamta hi. Galtaite’ hih ding bang teekin tua sunin ka van guangin, tua nitak khuamial ciangin ka khut tawh kawm ka sulet hi. Amaute’ muh mahin ka liangko-ah van kisuanin ka paikhia hi.

Mattiu 12:50

Vantungah a om ka Pa’ deihna bangin a gamta mi peuhmah ka sanggam pasal, ka sanggam numei, ka nu ahi uh hi,” ci-in a dawng hi.

Luka 12:4

“Lawmte aw, note kiangah kong genin-ah, pumpi a thahkhit ciangin a siazaw a hihthei nawn lote na kihta kei un.

Johan 13:17

Hih thu thei-in na zuih uhleh na lung uh nuam mahmah ding hi.

Johan 14:15

Tua ciangin Jesuh in, “Kei na hong it uhleh ka thupiakte zong na zui ding uh hi.

Johan 14:21

Keima thupiakte sangin a zuite in keimah hong it ahi uh hi. Kei hong it mite pen ka Pa in zong it ding a, keimah in zong itin amaute tungah ka kilang ding hi,” a ci hi.

Johan 14:28

‘Ka va paikhia ding a, ahi zongin note kiangah ka hong paikik ding hi,’ ka cihna thu na za khin uh hi. Kei sangin a lianzaw Pa Pasian kiangah a va pai ding ka hih manin kei na hong it nak-uhleh ama kiangah ka paina hangin na nuamzaw ding uh hi.

Johan 2:5

Ahi zongin Jesuh’ nu in nasemte kiangah, “Ama hong gen bangbangin gamta un,” a ci hi.

Jeim 2:23

Lai Siangtho in, “Abraham in Pasian um a, a upna hangin Pasian in mihoihin a sang hi,” ci-in a genna thumanin tung takpi a, Abraham pen Pasian’ lawmpa kici hi.

1 JOHAN MASA 5:3

Pasian i it ciangin ama thupiakte a zui ihi hi. Eite a dingin ama thupiakte zuih ding a haksa lua hi lo hi.

Ruth 3:6

Tua ahih ciangin ancilna-ah amah paisukin a teeknu in ama kiangah a gensa bang teekteekin a gamta hi.