Johan 14:7 - Tedim Bible

⁷ Note in kei na hong theih nak-uhleh ka Pa zong a thei na hi uh hi. Tua ahih ciangin tu a kipanin Pa thei-in a mu khinta na hi uh hi,” a ci hi.

Tedim Bible Revision 2017

⁷ Note in kei na hong theih nak uh leh ka Pa zong a thei na hi uh hi. Tua ahih ciangin tu a kipanin Pa thei-in a mu khinta na hi uh hi,” a ci hi.

Johan 14:7 Iomraidhean Croise

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Luka 10:22

Tua ciangin Jesuh in amaute kiangah, “Hih nate khempeuh ka Pa in kei tungah hong ap khinzo hi. Pasian simloh, Tapa a thei kuamah om lo hi. Tapa le Tapa in a theihsaknop mite simloh, Pa a thei kuamah om lo hi,” a ci hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Johan 15:24

Kuamah in a bawl ngei loh na lamdangte amaute lakah a bawl lo hi leng amaute in mawh pualo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 16:3

Amaute in ka Pa ahi a, kei ahi zongin hong thei lo uh ahih manin tu-a bangin note a hong bawl ding uh ahi hi.

Johan 17:21

Pa aw, amaute khempeuh pumkhat a suahtheih nadingun ka hong ngetsak hi. Nangmah in kei na hong sawlna thu leitung mite in a uptheih nadingun ei tegel pawlkhat ihih mah bangin amaute zong eite tawh pawlkhat hong hi tahen.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pumkhat a suah taktak theih nadingun amaute lakah kei ka om a, kei tawh nang na hong omkhawm hi.

Johan 17:26

Kei na hong itna zah itna mah amaute sungah omin, amaute tawh kei ka omkhawm theih nadingin amaute tungah nangma min ka gen khin a, mai lamah zong ka gen lailai ding hi,” ci-in thu a ngen hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Johan 17:6

“Leitung mite sung panin keima khut sungah na hong piak mite tungah nangma min ka pulak khinzo ta hi. Tua mite in nangma thu mangin nangma mi hi uh a, ahi zongin keima khut sungah amaute na hong pia hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 6:46

Hih bang ka cih ciangin Pa tawh a kimu khin ngei om hi, ka cihna hi lo hi. Pasian kiang panin hong pai pa bek in Pa a mu ngei ahi hi.

Johan 8:19

Tua ciangin amaute in, “Na pa koi-ah om ahi hiam?” ci-in dong uh a, Jesuh in, “Kei ka hi a, ka Pa ahi zongin na hong thei kei uh hi. Kei hong thei hi le-uhcin ka Pa zong na thei ding uh hi,” ci-in a dawng hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Hebru 1:3

Tua Tapa in Pasian’ minthanna vang hong taangkhiasak a, Pasian’ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasian’ taklam, vantungah a tu hi.

1 JOHAN MASA 2:13

Pate aw, a kipat cil a kipanin a na om pa thei na hih manun lai a hong gelh ka hi hi. Tangvalte aw, Dawimangpa zokhin na hih manun lai a hong gelh ka hi hi. Tate aw, Pa Pasian thei taktak na hih manun lai a hong gelh ka hi hi.