Johan 14:26 - Tedim Bible

²⁶ Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.

Tedim Bible Revision 2017

²⁶ Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh dinga, note tungah ka hong gen sa thu khempeuh zong hong phawksakkik ding hi.

Johan 14:26 Iomraidhean Croise

Late 51:11

Nangma omna panin kei hong paaikhia kei inla, keima kiang panin na kha siangtho lakhia kei in.

Isaiah 54:13

“Topa in na tapate khempeuh hoihtakin hilh ding a, na tapate daupai mahmah ding uh hi.

Isaiah 63:10

Ahih hangin amaute in lehdo uh a, ama kha siangtho a dahsak uh hi. Tua ahih ciangin amah pen amaute’ gal suak a, amahmah in amaute a do hi.

Mattiu 1:18

Jesuh Khrih a hong suahna zia hih bang ahi hi. Mary pen Josef a dingin zuthawl piaksa hi a, ahi zongin a kiten taktak ma-un Kha Siangtho in amah a gaisakna thu Mary in a thei hi.

Mattiu 1:20

Ahi zongin hih bangin thu a ngaihsut laitakin a mang sungah Topa’ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah tenpih ngamlah kei in.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpitakin lianzaw a, ama khedap a tawisak ding nangawnin ka kilawmzo nai kei hi.

Marka 12:36

Kha Siangtho’ sawlna tawh David mahmah in thu gen a, ‘Topa in keima Topa tungah thu gen hi: Na galte, na khe nuai-ah ka koih matengin, ka taklamah na tu in,’ ci hi.

Marka 13:11

Note hong kimanin, thusitna a thuak dingin thukhen zumah hong kipaipih ciangin bang gen ding ihi hiam, ci-in ma lunghihmawh kei un. A thugen ding pen note hi loin Kha Siangtho ahih manin a hun tak ciangin na gen dingun a hong kisawl peuhpeuh na gen un.

Luka 1:15

Topa’ muhna-ah amah milian khat hi ding hi. Amah in leenggahzu ahi a, khamtheihzu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Luka 1:35

Vantung mi in, “Nangma tungah Kha Siangtho hong tung ding a, nangma tungah Pasian’ vangliatna hong om ding hi. Tua ahih manin a hong suak ding a siangtho naungek pen Pasian’ Tapa kici ding hi.

Luka 1:41

Elizabeth in Mary’ hopihna awging a zak ciangin a sunga a naupaii a hong diang hi. Elizabeth zong Kha Siangtho tawh hong kidim a,

Luka 1:67

Tua ciangin Johan’ pa Zekhariah, Kha Siangtho tawh kidimin Pasian’ thu gen a,

Luka 11:13

Note mihoih lo hinapi-in na tate uh tungah a hoih piak ding theithei na hih uhleh, vantung a om na Pa un a ngente tungah Kha Siangtho piazaw kan ding hi lo ahi hiam?” a ci hi.

Luka 2:25

Jerusalem khua sungah Simeon a kici mi khat na om hi. Amah a thuman, a biakna mi mahmah khat hi a, Israel mite a kihotkhiat hun ding a ngakngak mi khat ahi hi. Kha Siangtho in a ompih mi khat hi a,

Luka 24:49

Ka Pa’ hong ciamsa thu, note tungah ka hong pia ding hi. Ahi zongin vantung panin tua vangliatna na ngah mateng uh hih Jerusalem khuapi-ah na ngak un,” a ci hi.

Luka 3:22

vakhu pumpi lim nei-in Kha Siangtho ama tungah hong kumsuk hi. Tua laitakin vantung panin aw khat hong ging a, “Nang pen ka it ka Tapa na hi a, nangma tungah ka lungkim mahmah hi,” a ci hi.

Johan 1:33

Keimah in amah ka theih nai loh hangin, tui sungah mite a phum dingin kei a hong sawl Pasian in, ‘A tungah Kha hong paisukin a omna mipa pen Kha Siangtho sungah mite a phum ding pa ahi hi,’ ci-in hong genkhol hi.

Johan 12:16

Tua hun laitakin a nungzuite in hih thu a khiatna thei lo uh hi. Ahi zongin Pasian’ pianzia nei-in Jesuh a thawhkik khit ciangin Lai Siangtho in amah a gen ahihna le ama a dingin hih bangin a piang ahihna thu a nungphawk uh hi.

Johan 14:16

Keimah in Pa kiangah ka ngen ding a, note tawh a omkhawm tawntung dingin Thuman a hong lak Kha Siangtho, note hong Huhpa ding a hong pia ding hi.

Johan 14:25

“Note tawh ka hong omkhawm hun sungin hih thute a hong gen ka hi hi.

Johan 15:26

“Ahi zongin Thuman a hong lak ding Huhpa ahi Kha Siangtho ka Pa kiang panin ka hong sawl ding hi. Amah hong tun ciangin keima thu hong gen ding hi.

Johan 16:7

A taktakin ci lehang, kei paikhia kei leng note hong Huh ding pa hong pai lo ding a, kei paikhia leng note hong Huh ding pa hong sawl ding ka hih manin kei va paikhia leng note a dingin hoihzaw tham hi.

Johan 2:22

Tua ahih manin sihna panin amah a kithawhkiksak ciangin a nungzuite in Jesuh’ thugen phawkkik uh a, Lai Siangtho le Jesuh’ thugente a um uh hi.

Johan 20:22

Tua khit ciangin amaute lamah a hu sang a, “Kha Siangtho na sang un.

Johan 6:45

Kamsangte in a lai gelhna uhah, ‘Pasian in mi khempeuh a hilh ding hi,’ na ci uh hi. Tua ahih manin Pa kiang panin thu za-in a thei mi khempeuh ka kiangah a hong pai ahi hi.

Johan 7:39

Jesuh in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasian’ pianzia nei-in sihna panin Jesuh kithokiksak nai lo ahih manin Kha Siangtho kipiakhia nai lo hi.

Sawltak 1:4

Amaute tawh a omkhawm laitakin amah in amaute kiangah, “Jerusalem khua panin paikhia kei unla, note kiangah ka hong gensa ka Pa’ hong kamciam thu na ngak un.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Sawltak 11:16

Tua ciangin Topa in, ‘Johan in tui sungah hong phum a, ahi zongin Pasian in Kha Siangtho tawh note hong kidimsak ding hi,’ a cihsa thu ka phawkkik hi.

Sawltak 13:2

Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sapsa ahih manin kei a dingin Barnabas le Saul hong piakhia un,” a ci hi.

Sawltak 13:4

Kha Siangtho’ sawlna mah bangin Seleusia khua-ah paisuk uh a, tua khua panin teembaw tuangin Saipras tuikulh-ah a pai uh hi.

Sawltak 15:28

A kisam mahmah hih a nuai-a thute simloh, note tungah vangik dang suat ding pen Kha Siangtho le kote ka thukim kei uh hi.

Sawltak 15:8

Mihingte’ lungsim sungthu a thei Pasian in Gentail mite in zong thu a uptheih ding mah hi, cih a lahna-in eite tungah a hong piak mah bangin amaute tungah zong Kha Siangtho a pia hi.

Sawltak 16:6

Asia gam sungah thu a hilh ding uh Kha Siangtho in phal lo ahih manin Frigia le Galatia gam sungtengah a zin uh hi.

Sawltak 2:33

Amah in Pasian’ taklamah omna dongin liatna ngah a, ama tungah Pasian in a ciamsa Kha Siangtho zong a ngahkhin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

Sawltak 2:4

Amaute khempeuh Kha Siangtho tawh kidim uh a, tua Kha in minam dangte’ pau tawh amaute a pau theisak hi.

Sawltak 20:28

Kha Siangtho in note’ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Sawltak 20:35

Topa Jesuh mahmah in, ‘Ngahna sangin piak khiatna-ah lungdamna lianzaw hi,’ a cihna phawkkawmin nakpitakin nasepna tawh na khempeuhah a zawngkhalte huh ding hi hang, ci-in note kiangah kong lak khinzo hi,” ci-in a vaikhak hi.

Sawltak 28:25

Tua ciangin Paul in, “Kha Siangtho in kamsang Isaiah tungtawnin na pu na pate uh tungah a thugen man mahmah hi. Tua a genna-ah, ‘Pai inla, hih mite tungah hih bangin va gen in: Thu na ngaihngaih uh hangin na tel kei ding uh a, na etet uh hangin na mu kei ding uh hi. Bang hang hiam cih leh hih mite lungsim mawk a, a bil uh humcip uh a, mitsicip uh hi. Tua bang hi kei le-uh, a mit un khua mu ding a, a bil un khua za ding a, a lungsim un thu mu thei ding hi. Tua bang hileh kei lamah hong kihei ding uh a, keimah in amaute ka damsak ding hi,’ ci-in a gen hi,” a cih khit ciangin amaute khatlekhat kithutuak loin a paikhia uh hi.

Sawltak 5:3

Peter in, “Ananias aw, bang hangin Satan’ thu-in gamta a, na lo zuak man sumte pawlkhat kem simin, Kha Siangtho khem na hi hiam?

Sawltak 7:51

“Na lungsim uh khauh mahmah a, lawki lungsim paii-in, Pasian’ thu-ah bilngong na bang uh hi. I pu i pate mah bangin Kha Siangtho thu na mang nuam kei uh hi.

Sawltak 7:55

Ahi zongin Stefen ahihleh Kha Siangtho tawh kidimin vantung lam ento a, Pasian’ minthanna vang le Pasian’ taklamah Jesuh a ding mu ahih manin,

ROM (Romans) 14:17

Bang hang hiam cih leh Pasian’ Ukna pen nekledawn tawh a kisai thu hi lo a, Kha Siangtho hangin i ngah Pasian’ deih bangin gamtatna, kilemna, lungdamna, cihte hizaw hi.

ROM (Romans) 15:13

Kha Siangtho’ huhna tawh note’ lametna a khan semsem theih nadingin, lametna a hong piathei Pasian in, amah na upna uh hangin lungdamna le nopsakna tawh note hong kidimsak tahen.

ROM (Romans) 15:16

Gentail mite tungah na a sem dingin Khrih Jesuh sawltak hih theih nading hamphatna lianpi Pasian in kei a hong piakna hang ahi hi. Gentail mite pen Kha Siangtho in Pasian’ tungah a piak, ama santheih biakpiaknate a suahtheih nadingin Pasian kiang panin a hong pai Lungdamna Thu ka hilhna-ah siampi bangin na ka sem hi.

ROM (Romans) 5:5

Pasian in eite tungah a hong piak a Kha Siangtho tawh eite sungah ama itna hong guang ahih manin hih lametna in eite hong lungkiasak ngei lo hi.

1 KORIN MASA 12:3

Tua ahih manin Kha Siangtho in lam a lah mite in, “Jesuh in samsiatna ngah ta hen,” a cih lohna, le Kha Siangtho in lamlak kei leh kuamah in, “Jesuh pen Topa hi,” a cih theih loh nading thu na theih ding uh ahi hi.

1 KORIN MASA 6:19

Na pumpi uh, Pasian in a hong piak, note’ sungah a teng Kha Siangtho’ biakinn ahih lamtak thei lo na hi uh hiam? Note’ pumpi, nomau’ neihsa hi lo a, Pasian a’ ahi hi.

2 KORIN NIHNA 13:14

Topa Jesuh Khrih hong hehpihna thupha, le Pasian’ hong itna, le Kha Siangtho tawh kikholh theihna, note khempeuh tungah hong tung tahen.

2 KORIN NIHNA 6:6

Siangtho takin nuntakna, thu theihna, lungduaina, migitna, Kha Siangtho’ huhna, itna taktak neihna,

Efesa 1:13

Note in zong hotkhiatna a hong ngahsakthei Lungdamna Thu a man za-in Khrih na up uh ciangin, Pasian in a hong ciamsa bangin ama mi na hihna uh a kilat nadingin note tungah Kha Siangtho hong piakna tawh a hong ciamteh hi.

Efesa 1:17

i Topa Jesuh Khrih’ Pasian ahi, a minthang Pa Pasian in note tungah Kha Siangtho hong pia-in, tua Kha Siangtho in note tungah lungpilna hong pia-in, note in Pasian na theih nadingun note tungah Pasian hong kilatsak nadingin thu ka hong ngetsak niloh hi.

Efesa 4:30

Ni khat ni ciangin Pasian in note hong tatkhiat taktak nading thu a ciantakin hong lahna le Pasian’ neihsa na hihna uh hong ciamtehna-in Kha Siangtho hong pia ahih manin, tua Pasian’ Kha Siangtho na dahsak kei un.

1 THESALONIKA MASA 4:8

Tua ahih manin hih thute a thudon lo mi in mite a thudon lo hi loin, note tungah ama Kha Siangtho a hong pia Pasian a thusim lo ahi hi.

2 TIMOTI NIHNA 1:14

Eite sungah a hong teng Kha Siangtho in a hong ap thuhoihte limtakin kem in.

Titu 3:5

amah in eite hong honkhia hi. Eite in na hoih i sepzawhna hangin hong honkhia hi loin eite tungah suahtakna le nuntakna thak a hong pia Kha Siangtho in hong sawpsiangna hangin a hong hehpihna tawh a hong honkhia ahi hi.

Hebru 10:15

Kha Siangtho in zong hih thu hong theihpih ahih manin,

Hebru 2:4

Amaute’ thugenna banah Pasian in vangliatna lim, le nalamdang a tuamtuamte bawlna tawh hong genbeh lai hi. Tua banah ama hoihsak bangin Pasian in Kha Siangtho zong hong hawm lai hi.

Hebru 3:7

Tua ahih ciangin Lai Siangtho sungah, “Tu ni-in Pasian’ aw na zak uhleh

Hebru 9:8

A puanung inndei a om laiteng a sungnung ahi, a Siangtho Pen Mun a kihong nai lo ahihna thu Kha Siangtho in hong kilangsak hi.

1 PETER MASA 1:12

Vantung panin a hong kisawl Kha Siangtho’ vangliatna tawh thu a gen thupuakte’ tung panin na zak uh Thute mah kamsangte in a gen laitakun, tua a thugente uh amaute a’ ding hi loin note a’ ding ahihna thu, Pasian in tua kamsangte tungah a na genzo hi. Vantung mite nangawn in hih thute a theihtelnop khat uh ahi hi.

2 PETER NIHNA 1:21

Bang hang hiam cih leh mihingte in a deih manin mailam thugenkholh theihna a kingah hi lo a, Kha Siangtho’ sawlna tawh Pasian’ kiang panin a hong pai thute a kigen ahi zaw hi.

1 JOHAN MASA 2:20

Ahi zongin Khrih in note tungah Kha Siangtho hong piakhin ahih manin note khempeuh in a man na thei uh hi.

1 JOHAN MASA 2:27

Khrih in note tungah ama Kha Siangtho hong piakhin a, tua Kha Siangtho na neih laiteng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuauthu khat zong om lo hi. Tua ahih manin Kha Siangtho’ hilhnate zui unla, Khrih sungah kiptakin om un.

1 JOHAN MASA 5:7

Hih thu-ah teci a pang thum om a,

Juda 1:20

Ahi zongin ka it note ahihleh a siangtho na upna uhah na kip semsem unla, Kha Siangtho vangliatna tawh thu na ngen un.

Mangmuhna 2:11

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mite, nihvei sihna in gimsakkha nawn lo ding hi.