Johan 14:21 - Tedim Bible

²¹ Keima thupiakte sangin a zuite in keimah hong it ahi uh hi. Kei hong it mite pen ka Pa in zong it ding a, keimah in zong itin amaute tungah ka kilang ding hi,” a ci hi.

Tedim Bible Revision 2017

²¹ Keima thupiakte sangin a zuite in keimah hong it ahi uh hi. Kei hong it mite pen ka Pa in zong it dinga, keimah in zong itin amaute tungah ka kilang ding hi,” a ci hi.

Johan 14:21 Iomraidhean Croise

2 KUMPI NIHNATE 18:6

Bang hang hiam cih leh amah in Topa kiptakin len hi. Amah zuihna panin kihemkhia lo a, Topa in Moses tungah a gen thupiaknate a zui hi.

Late 35:27

Kei thutang ka hihna lahkhiat ding a deihte lungdamin awngin, kipaaksak inla, “A nasempa’ hoihna-ah a lungkim Topa lian hi,” cici sak in.

Paikhiatna 33:18

Moses in, “Kong thum hi; na vangliatna kei hong lak in,” a ci hi.

Paunak 8:17

Kei hong itte ka it a, kei hong zong peuhmahte in hong mu uh hi.

Jeremiah 31:31

“En un, Topa in kong cihin-ah, Israel minamte le Judah minamte tawh thuciamna thak khat ka bawl ni hun hong tung ding hi.

Zefaniah 3:17

Topa na Pasian un note hong ompih a, ama vangliatna in hong gualzosak hi. Note tungah Topa lungkim ding a, ama hong itna tawh hong thakbawl ding hi. Note’ hangin Topa lungdamin la sa ding a,

Luka 11:28

Ahi zongin Jesuh in, “Pasian’ thu za-in a zuite hamphazaw lai hi,” ci-in a dawng hi.

Johan 14:15

Tua ciangin Jesuh in, “Kei na hong it uhleh ka thupiakte zong na zui ding uh hi.

Johan 14:18

“Note a cimawh dingin ka hong nusia kei ding hi. Note kiangah ka hong paikik ding hi.

Johan 15:14

Ka hong thupiak bangin na gamtat uhleh ka lawmte na hi uh hi.

Johan 16:14

Amah in keima gen ding thute note tungah hong gen ding ahih manin Pasian’ pianzia ka neihna hong kilangsak ding hi.

Johan 16:27

Bang hang hiam cih leh note in kei hong itin, Pa kiang panin a hong pai ka hihna thu um na hih manun Pa mahmah in note hong it ahihna hang ahi hi.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pumkhat a suah taktak theih nadingun amaute lakah kei ka om a, kei tawh nang na hong omkhawm hi.

Sawltak 22:18

Tua ka maang sungah Topa in kei kiangah, ‘Hih lai-a om mite in keima thu na gennate hong um lo ding uh ahih manin Jerusalem khua panin kuankhia mengmeng in,’ hong ci hi.

2 KORIN NIHNA 12:8

Tua natna tawh ka kipelh theih nadingin Topa kiangah thumvei tak thu ka ngen hi.

2 KORIN NIHNA 3:18

Tua ahih manin eite khempeuh i maitang hong kiliah nawn loin Topa’ minthanna vangtaang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawlpha a, minthanna khat panin minthanna sangzaw-ah hong omsak hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Thu-hilhkikna 11:13

“Topa na Pasian uh itin, na lungsim khempeuh uh le na nuntakna khempeuh uh tawh ama na na sep nadingun tuni-a kong gen ama thupiaknate na zuih uhleh,

Thu-hilhkikna 7:13

Amah in note hong itin, tampi hong phasak ding hi. Amah in note tungah piak dingin na pu na pate uh tungah a ciam gam sungah note’ suanlekhakte le na gam sung panun a piangte, na an uh le na leenggahzu uh le na sathau uh, le na ganhingte uh pungsakin, na tuulekeelno honte uh zong thupha pia ding hi.

2 THESALONIKA NIHNA 2:16

I Topa Jesuh Khrih mahmah leh, eite hong itin, a hong hehpihna tawh thakhauhna le lametna a hong pia tawntung eite’ Pa Pasian in

2 TIMOTI NIHNA 4:22

Topa in nangmah hong ompih tahen. Note khempeuh tungah Pasian’ hehpihna thupha hong tung tahen.

1 JOHAN MASA 2:5

Ahi zongin ama thu a zui mite pen Pasian a itna a kicingtaak taktak mi ahi hi. Hih bangin i gamtat leh Pasian tawh a kipawl taktak ihihna i thei hi.

1 JOHAN MASA 3:1

Pa Pasian in eite bangzah takin hong itna thu thei un. Ama hong itna lian mahmah ahih manin eite pen Pasian’ tate hong kici a, hong kicih mah bang ihi takpi hi. Leitung mite in tuhun ciang dong Pasian thei lo uh ahih manin eite zong a hong thei lo uh ahi hi.

1 JOHAN MASA 5:3

Pasian i it ciangin ama thupiakte a zui ihi hi. Eite a dingin ama thupiakte zuih ding a haksa lua hi lo hi.

2 JOHAN NIHNA 1:6

Itna thu ka hong gen ciangin Pasian’ thupiakte zui ding cihna ahi hi. A kipat cil a kipan na zaksa uh ahi hih thupiakna pen na khan tawntungun zui-in itna na nei ta un.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawlkhat le min thak a kigelhna suangkang khat ka pia ding hi. Tua suangkang pen a ngahte simloh kuamah dang in thei lo ding hi.

Mangmuhna 22:14

Khuapi kulhkongpi sungah a luttheih nading le nuntakna singgah a nektheih nadingun a puan uh a siangin a sawp mite, mi hampha ahi uh hi.

Mangmuhna 3:20

Kongkhakah dingin kong ka hong kiu hi. Ka aw za-in kong hong honte kiangah lutin an ka nekhawm ding uh hi.