Johan 13:5 - Tedim Bible

⁵ Tua ciangin kuangpi sung khatah tui sung a, a nungzuite’ khe silsakin a kawngah a teen a mainulpi tawh a nul keusak dingin a kipan hi.

Tedim Bible Revision 2017

⁵ Tua ciangin kuangpi sung khat ah tui sung a, a nungzuiteʼ khe silsakin a kawng ah a teen a mainulpi tawh a nul keusak dingin a kipan hi.

Johan 13:5 Iomraidhean Croise

Piancilna 18:4

Na nasempa’ kiang hong tung khin na hih khit buangun na thahat kik nadingun an tawmkhat ka va lak kikal sungin tui tawmkhat lasakin na khe uh sil unla, sing nuai-ah khawl un; tua khit ciangin paisuak un,” a ci hi. Tua ahih ciangin amaute in, “Na cih bangin hong hih in,” a ci uh hi.

Piancilna 19:2

“Ka tote aw, kong thum hi. Na nasempa’ inn lamah hong kihei-in hong giak unla, na khete uh sil un. Tua ciangin zingsangin tho baihin na pai nading lam uhah pai pan un,” a ci hi. Amaute in, “Hi lo hi; khua lakah ka giak ding uh hi,” a ci uh hi.

Piancilna 43:24

Mipa in Josef’ inn-ah amaute paipihin, amaute tui pia-in, amaute in a khe uh sil khinin, amah in amaute’ late gan-an a piak khit ciangin,

2 KUMPI NIHNATE 3:11

Tua ciangin Jehoshafat in, “Ama tungtawnin Topa’ tungah thu i dot theih nadingin hih lai-ah Topa’ kamsang om lo ahi hiam?” a ci hi. Tua ciangin Israel kumpipa’ nasemte khat in dawngin, “Elijah a huhpa om a, Shafat’ tapa Elisha ahi hi,” a ci hi.

Late 51:2

Ka khialhna panin hong silsiang kiuhkeuh inla, ka mawhna panin kei hong siangsak in.

Paikhiatna 29:4

“Kikhopna buk kongkhakah Aaron le a tapate na paipih ding a, tui tawh amaute na sil ding hi.

Isaiah 1:16

Note kisil tawm unla, a siangtho-in kibawl un. Keima muhna-ah na gamtat siatnate uh paikhia-in, siatna na bawlte uh khawl un.

Ezekiel 36:25

Note tungah tui siangtho kong theh ding a, na milim biakna uh le note hong ninsak na dang khempeuh panin kong siangsak ding hi.

Siampi Laibu 14:8

A kisiangsak ding mipa in a puante sawpin, a mul khempeuh metkhia-in, tui sungah amahmah kisilin, amah a siang hi ding hi. Tua khit ciangin amah giahphual ah hong ciah ding a, ahih hangin ama puanbuk pualamah ni sagih sung om ding hi.

Zekhariah 13:1

“Tua ni hong tun ciangin David’ suanlekhakte le Jerusalem khuamite’ mawhna le nitnateng khempeuh a silsiang dingin tuinak khat hong phul ding hi.

Luka 7:38

Jesuh’ nungah tu-in kap a, a khitui tawh Jesuh’ khete kawtsakin a sam tawh nulsak a, a khete namin a sathau puak a nuh hi.

Luka 7:44

Tua ciangin numei lamah Jesuh kihei a, Simon kiangah, “Hih numei’ gamtatna na mu hiam? Na inn-ah kong pai a, ka khe sil nading tui nong pia kei hi. Ahi zongin amah in a khitui tawh ka khe hong silsak a, a sam tawh hong nulkeusak hi.

Johan 13:10

Jesuh in, “A kipumsil khinsa mite siangthota ahih manin a khe simloh silkik ding kisam nawn lo hi. Note sung panin khat simloh na vekpi-un na siang khin uh hi,” a ci hi.

Johan 13:6

Simon Peter’ khe silsak dingin a kipat ciangin Peter in, “Topa aw, ka khe hong silsak zenzen ding na hi hiam?” a na ci hi.

Johan 13:8

Peter in, “Nang peuhmah ka khe ka hong silsak ngei buang kei ding hi,” a cih ciangin, “Na khe hong silsak kei leng, kei tawh na kipawl thei nawn kei ding hi,” a ci hi.

Johan 19:34

Ahi zongin galkapte khat in a teipi tawh Jesuh’ pangpi a sut leh sisan le tui hong leengkhia hi.

Sawltak 22:16

Tu-in bang ngak lai ding na hi hiam? Tho inla, Pasian kiangah thu ngenin kituiphum inla, na mawhnate silsiangsak in,’ hong ci hi.

1 KORIN MASA 6:11

Note pawlkhat, tua bangin na gamta uh hi. Ahi zongin note pen i Topa Jesuh Khrih le i Pasian’ Kha Siangtho hangin mawhna panin a hong kisiangsak khinsa, Pasian’ tungah a kipiasa, Pasian tawh a kipawlsa mite na hi uh hi.

Efesa 5:26

Pawlpi pen paubaanna a om het lo, a siangtho mahmahin Khrih kiangah a kipiak theih nadingin Pasian thu tawh tui-ah a silsiang khit ciangin Pasian kiangah a aptheih nadingin pawlpi a dingin Khrih a kipia ahi hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuahsate, a inn-ah zin le leengla do a siam mite, kiniamkhiatin Pasian’ mite’ khe a silsakte, a lungkham mite a huhte, le thu khempeuhah a hoih gamtat mite hi lai ding uh hi.

Hebru 10:22

Tua ahih manin mawhna thu-ah kisuanna lungsim om nawn loin, tui siangtho tawh i pumpi a kisawpsa-in muanna le lungsim takpi tawh Pasian kiang zuan ni.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawlkhat ihi a, ama Tapa Jesuh’ sisan in i mawhna khempeuh panin eite hong siangsak hi.

1 JOHAN MASA 5:6

Hih Jesuh Khrih pen tui tawh kiphumna le a sisan luangin sihna tawh a hong pai hi a, tui bek tawh a hong pai hi loin tui le sisan tawh a hong pai ahi hi. Kha mahmah in hih thu a manna teci a pang hi. Kha pen thuman gen ahi hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,

Mangmuhna 7:14

“Ka thei kei hi, topa aw. Nangmah in na theizaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawpsiangin Tuuno sisan tawh a paaksak uh ahi hi.

Thukhente 19:21

Tua ahih ciangin amah in a inn-ah ciahpihin late gan-an a pia hi. Amaute in a khe uh silin an a ne uh hi.

1 SAMUEL MASA 25:41

Tua ciangin amah dingin lei-ah maikun a, “En un, na nasemnu uh ka topa’ nasemte’ khe a silsak ding nasem ahi hi,” a ci hi.