Johan 13:21 - Tedim Bible

²¹ Jesuh in hih thuteng a genkhit ciangin lungkham mahmah ahih manin, “A mantakin ci lehang, note khat in kei nong lehhek ding uh hi,” ci-in a kilangin a genkhia hi.

Tedim Bible Revision 2017

²¹ Jesu in hih thu teng a gen khit ciangin lungkham mahmah ahih manin, “A mantakin ci lehang, note khat in kei nong lehhek ding uh hi,” ci-in a kilangin a gen khia hi.

Johan 13:21 Iomraidhean Croise

Mattiu 26:21

Amaute an ne-in a om laitakun Jesuh in, “Note khat in kei na hong lehhek ding uh hi,” a cih ciangin

Mattiu 26:38

Amaute kiangah, “Ka lungsim dahna hangin ka si dektak hi. Hih lai-ah na om unla hong ngak un,” a cih khit ciangin

Marka 14:18

An a nek laitakun Jesuh in, “Tu laitakin kei tawh an a nekhawm mi khat in kei hong lehhek ding hi,” a ci hi.

Marka 3:5

Jesuh in hehmai tawh a kiim a pam en kawikawi a, ahi zongin a khialhna uh le a thuphawk theih lohna uh hangin mite khasiathuai a sa zel hi. Tua ciangin a mipa kiangah, “Na khut zan in,” a ci hi. Amah in zong a khut zan a, damin a ngeina bangkik hi.

Johan 11:33

Jesuh in Mary le amah hong zui Jew mite a kahna a muh ciangin a lungsim nakpitakin sukha-in lunggim mahmah ahih manin,

Johan 11:35

Tua ciangin Jesuh zong a kap hi.

Johan 11:38

Jesuh a dah hong suak mahmah kik ahih manin leihawm sungah kivui-in suangtum tawh a gong a kihukna hanah a pai hi.

Johan 12:27

Tua khit ciangin Jesuh in, “Tu-in ka lunggim mahmah hi. Bangcih ding ka hi hiam? ‘Pa aw, hih hun tawh hong kipelhsak in,’ ci ding ka hi hiam? Tua bang cih ding lah hih bang a thuak ding mahin a hong pai ka hi hi.

Johan 13:18

“Hih bangin ka hong genna in note khempeuh hong huam kim lo hi. Ka teelsa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Johan 13:2

Jesuh le a nungzuite nitak an ne-in a tukhawm uh hi. Tua hun laitakin dawimangpa in Simon Iskariot’ tapa Judas’ lungsim sungah Jesuh lehhek nading ngaihsutna koih khinzo hi.

Johan 13:22

Kua a cihnopna hi ding ahi hiam, ci-in a nungzuite khatlekhat a ki-en uh hi.

Sawltak 17:16

Paul in Athen khua-ah Silas le Timoti ngakin a om laitakin tua khua sungah milim a dimin a om lamtak mu ahih manin a lungsim ommawk thei lo hi.

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.