Johan 13:2 - Tedim Bible

² Jesuh le a nungzuite nitak an ne-in a tukhawm uh hi. Tua hun laitakin dawimangpa in Simon Iskariot’ tapa Judas’ lungsim sungah Jesuh lehhek nading ngaihsutna koih khinzo hi.

Tedim Bible Revision 2017

² Jesu le a nungzuite nitak an ne-in a tukhawm uh hi. Tua hun laitakin dawimangpa in Simon Iskariotʼ tapa Judasʼ lungsim sungah Jesu lehhek nading ngaihsutna koih khinzo hi.

Johan 13:2 Iomraidhean Croise

Ezra 7:27

Tua ciangin Ezra in, “Jerusalem-a om Topa’ biakinn tua bangin a minthangsak thuah dingin kumpipa lungsimah suak a, kumpipa le a thu lamlakte le a uliante kei tungah a thunuam dingin a bawl i pu i pate’ Pasian ahi Topa in thupha ngah ta hen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

Nehemiah 2:12

Tua ciangin zanin vakkhia-in mi tawmkhat ka tonpih hi. Ahi zongin Jerusalem a dingin ka bawlsak ding ka Pasian in ka lungsimah hong suahsak thu kuama kiangah ka gen kei hi. Keima tuanna simloh ganhing dang ka kizuisak kei hi.

Mattiu 10:4

Simon (gam khual pa), le Jesuh a lehhek Iskariot’ tapa Judas ahi uh hi.

Luka 22:3

Tua ciangin sawm le nihte sung panin Iskariot tapa Judas sungah Satan hong lut hi.

Luka 22:31

Tua ciangin Jesuh in, “Simon, Simon aw, lokho pa in buhhum a haih bangin note khempeuh hong ze-et nadingin Satan in thu a ngah khitna thu phawk in.

Johan 13:11

Jesuh in amah a lehhek ding pa theikhin ahih manin, “Note sung panin khat simloh na siangkhin uh hi,” a ci ahi hi.

Johan 13:4

Tua ahih manin a annekna sabuai panin Jesuh dingkhia-in a puantungsilh suahkhia a, a kawngah a mainulpi a teeng hi.

Sawltak 5:3

Peter in, “Ananias aw, bang hangin Satan’ thu-in gamta a, na lo zuak man sumte pawlkhat kem simin, Kha Siangtho khem na hi hiam?

2 KORIN NIHNA 8:16

Kote’ hong kin zahin Titus in note hong kin nadingin Pasian in lungsim guan ahih manin Pasian tungah ka nuam mahmah uh hi.

Efesa 2:3

A taktakin eite khempeuh zong amaute mah i bang ngei a, i pianpih lungsim zui-in nungta-in, i pumpi le i lungsim deihna bangin i gamta hi. Tua ahih manin eite khempeuh zong Pasian’ hehna hangin gim a thuak dingte ihi hi.

Mangmuhna 17:17

Bang hang hiam cih leh Pasian in ama thugente a tuntheih nadingin ama deihna bangin amaute in a sepnop nading uh lungsim guan a, lungsim kikhatin ganhing tungah amau’ ukna aana a piasak hi.