Johan 13:1 - Tedim Bible

¹ Tu-in Paisan Pawi hun ding ni khat bek in sam a, Jesuh in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Tedim Bible Revision 2017

¹ Tu-in Paisan Pawi hun ding ni khat bek in sam a, Jesu in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 13:1 Iomraidhean Croise

Paunak 8:31

leitungah ka lungdam a, mihingte lakah nuam ka sa hi.

Jeremiah 31:3

gamlapi pek panin Topa ka kilang hi. Keimah in nang kong it tawntung a, tua ahih manin nang’ tungah kong thuman tawntung hi.

Mattiu 26:45

Tua ciangin a nungzuite kiangah hong paikik a, “Ihmu-in tawlnga hithiat lailai na hi uh hiam? Mawhnei mite’ khut sungah Mihing Tapa a kipiak ding hun hong tungta hi.

Mattiu 28:20

Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Luka 22:53

Nisimin biakinn-ah note tawh ka omkhawm a, bangmah nong cih kei uh hi. Ahi zongin hih hun pen nomau’ hun hi a, khuamial sung a uk Satan’ vangliat hunsung ahi hi,” a ci hi.

Luka 9:51

Jesuh vantungah a kilaktoh ding hun a nai kuan ciangin Jerusalem khua manawh dingin a ngaihsun hi. Ama mai-ah nungzui pawlkhat mapaisak a,

Johan 11:55

Jew mite’ Paisan Pawi hun hong nai ciangin, tua pawi kipatma hun sungin biakna vai-in kisiansuahna a bawl dingin gam sung khuate panin Jerusalem khuapi-ah mi tampi hong pai uh hi.

Johan 12:23

Tua ciangin Jesuh in, “Mihing Tapa in Pasian’ pianzia a ngah ding hun hong tungta hi.

Johan 13:29

Amah sumkem ahih manin hih pawi a zat ding a kisam na pawlkhat a lei dingin a sawl hi ding hi; tua ahih kei leh zong mizawngte pawlkhat tungah sum a pia dingin a sawl hi ding hi, ci-in nungzui pawlkhat in a ngaihsun uh hi.

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.

Johan 13:34

Note tungah ka hong piak thak thu in: Note khatlekhat na ki-it ding uh ahi hi. Note ka hong it mah bangin note khatlekhat na ki-it un.

Johan 14:28

‘Ka va paikhia ding a, ahi zongin note kiangah ka hong paikik ding hi,’ ka cihna thu na za khin uh hi. Kei sangin a lianzaw Pa Pasian kiangah a va pai ding ka hih manin kei na hong it nak-uhleh ama kiangah ka paina hangin na nuamzaw ding uh hi.

Johan 14:31

Ahi zongin leitung mite in Pa Pasian ka itna thu a theih nadingun Pa’ vaihawmna bangbangin a gamta ding ka hi hi. Tua ahih manin kithawi un; hih lai mun panin paikhia ta ni,” a ci hi.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Johan 17:1

Jesuh in hih thute a genkhit ciangin vantung lam ento-in, “Pa aw, a hun hong tungta ahih manin na Tapa in na pianzia hong kilatsak theih nadingin tu-in na Tapa’ pianzia hong kilangsak ta in.

Johan 17:16

Hih leitung tawh kei ka kipawl loh mah bangin amaute zong a kipawl lo uh ahi hi.

Johan 17:26

Kei na hong itna zah itna mah amaute sungah omin, amaute tawh kei ka omkhawm theih nadingin amaute tungah nangma min ka gen khin a, mai lamah zong ka gen lailai ding hi,” ci-in thu a ngen hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Johan 18:4

Jesuh in zong ama tungah a piang ding thu khempeuh theikhin ahih manin hong paikhia-in amaute kiangah, “Kua zong na hi uh hiam?” ci-in a dong hi.

Johan 19:28

Tua hun ciangin Jesuh in na khempeuh kicingta hi, ci-in thei ahih manin Lai Siangtho sungah a kigelh thu a tuntheih nadingin, “Ka dangtak hi,” a ci hi.

Johan 2:13

Jew mite’ Paisan Pawi hun hong naita ahih manin Jerusalem khua-ah Jesuh a pai hi.

Johan 6:4

Jew mite’ Paisan Pawi hun nai mahmah ta hi.

Johan 7:30

Tua ciangin amaute in Jesuh mat ding hanciam uh hi; ahi zongin ama hun tung nai lo ahih manin kuamah in va su lo hi.

Johan 7:6

Ahi zongin Jesuh in, “Kei a dingin pai ding a hunhoih hi nai lo hi; ahi zongin note a dingin a hunhoih hi tawntung hi.

Johan 8:20

Jesuh in hih thute pen sumpi khiatna kuang a kikoihna biakinn dei sungah a gen hi a, ahi zongin ama hun tung nai lo ahih manin kuamah in amah man lo uh hi.

ROM (Romans) 8:37

Eite a hong it pa’ hangin hih thu khempeuhah a gualzo pente ihi hi.

1 KORIN MASA 1:8

Ama hong kilatkik hun ciang dong, a tawp dongin mawhna le kisuanna nei loin na om nadingun i Topa Jesuh Khrih mah in note hong huh ding hi.

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

Hebru 3:6

Ahi zongin Khrih pen Pasian’ innsung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasian’ inn ihi hi.

Hebru 6:11

Note khat ciat’ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

1 PETER MASA 1:13

Tua ahih manin na lungsim uh ki-ukin a kigingsa-in om unla, Jesuh Khrih hong kilat ni ciangin na ngah ding uh hehpihna thupha ngaihsutin nei un.

1 JOHAN MASA 4:19

Pasian in eite hong it masa ahih manin eite in itna i nei thei hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,