Johan 12:44 - Tedim Bible

⁴⁴ Tua ciangin Jesuh nakpitakin kiko a, “Kei hong um khempeuh in kei bek hong um hi loin kei hong sawl pa zong a um ahi hi.

Tedim Bible Revision 2017

⁴⁴ Tua ciangin Jesu nakpi takin kiko a, “Kei hong um khempeuh in kei bek hong um hi loin kei hong sawl pa zong a um ahi hi.

Johan 12:44 Iomraidhean Croise

Paunak 1:20

Ngai in! Kongzing lampi le van kizuakna phualpi-ah pilna hong kiko hi.

Paunak 8:1

Ngai un! Pilna in hong sam a, thungaihsut theihna hong kiko hi lo ahi hiam?

Mattiu 10:40

“Na thugen uh a hong sangte in kei’ thu a hong sang hi a, kei a hong sangte in kei a hong sawl pa zong a sang ahi uh hi.

Marka 9:23

Jesuh in, “Bang hangin na hihtheih leh, ci na hi hiam? A umte a dingin na khempeuh hithei hi lo ahi hiam?” a ci hi.

Marka 9:37

“Keima hangin hih bang naupangno khat a limbawl mi in kei hong limbawl hi a, kei hong limbawl mi in kei hong limbawl hi loin kei hong sawl pa a limbawl ahi hi,” a ci hi.

Johan 11:43

a cih khit ciangin nakpitakin kiko-in, “Lazaras aw, hong pusuak in,” a ci hi.

Johan 13:20

A mantakin ci lehang, keima hong sawl mite a sangte in kei zong a hong sang ahi uh a, kei a hong sangte in kei a hong sawl pa zong a sang ahi uh hi,” a ci hi.

Johan 5:24

“A mantakin kong genin-ah: Ka thugennate za-in kei hong sawl pa a um khempeuh a nungta paisuak ding hita hi. Mawhsak thukhenna ngah nawn loin, sihna panin a hingkik ta ahi hi.

Johan 7:28

Tua ahih manin biakinn sungah a gen mah bangin mi khempeuh zakin genkhia a, “Kei hong theitel taktak a, ka hong piankhiatna mun a thei takpi mah na hi uh hiam? Keima thu tawh a hong paitawm ka hi kei hi; kei a hong sawl a thuman pa a thei lo na hi uh hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.