Johan 12:43 - Tedim Bible

⁴³ Pasian’ pahtak ding sangin mite’ pahtak ding utzaw uh ahih manin a tuaci om ahi uh hi.

Tedim Bible Revision 2017

⁴³ Pasianʼ pahtak ding sangin miteʼ pahtak ding ut zaw uh ahih manin a tua ci om ahi uh hi.

Johan 12:43 Iomraidhean Croise

Late 22:29

Hi hi, a kiphasak mi khempeuh ama mai-ah kunsuk ding uh a, a sithei mihing khempeuh ama mai-ah kun ding uh hi.

Paunak 29:25

Midangte kihtakna in hong lunghimawhsak a, Topa muanna in hong lungmuangsak hi.

Mattiu 6:2

“Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna innsung le kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khinta ahihna thu limtakin na phawk un.

Luka 16:15

Jesuh in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsimtawng uh a hong thei hi. Bang hang hiam cih leh mihingte in a manpha mahmahin a ngaihsutte pen Pasian in bangmahin sim lo hi.

Luka 19:17

Amah in, ‘Hoih mahmah hi; nang pen nasem gina na hi hi. Thuneu-ah citak na hih manin khuapi sawm na uk ding hi,’ a ci hi.

Johan 12:26

Ka nasemte keima omna-ah a omtheih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Johan 5:41

“Hih bangin kong gen ciangin mihingte in hong pahtak ding ka deihna hi lo a,

Johan 5:44

Pasian’ pahtak theih nading hanciam nuam loin, note khatlekhat na kiphat theih nading uh a hanciam mite’ thugen, a bang hangin um zawsop na hi uh hiam?

Johan 7:18

Amau’ thu bek tawh thu a gente in amau’ minthan nading a zong hi a, ahi zongin a hong sawl pa’ minthan nading a zong keimah in thuman thutak gen ka hih manin zuauthu kihel lo hi.

Johan 8:54

Jesuh in, “Kei le kei a kipahtawi hi leng ka kipahtawina a mawkna hi ding hi. Ahi zongin kei hong pahtawi pa pen ka Pasian uh ahi hi, na cih uh keima Pa ahi hi.

ROM (Romans) 2:29

Jew mi taktak i cihte pen, a sunglamah Jew mi ahite ahi hi. A vun ki-atna uh lungsim vun atna hi a, kha thu tawh a kisai ahi hi. Thukham zui-in pumpi tung vun atna pawl hi lo hi. Hih bang mite pen mihingte in phat loin Pasian in phatin a pakta hi.

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

2 KORIN NIHNA 10:18

Bang hang hiam cih leh mi khat peuhpeuh amah a kiphattawm ciangin a kipakta hi lo a, Topa in a phat ciangin a kipakta hi pan hi.

1 THESALONIKA MASA 2:6

Khrih sawltakte ka hihna uh hangin phatna ka ngah ding uh a kilawm hinapi-in note le midangte, a kuamah peuh’ hong phat ding a zong ka hi kei uh hi.

1 PETER MASA 3:4

Pasian’ muhna-ah a manpha mahmah ahi lungsim puakzia, a tul thei lo sunglam hoihna na bulphuh zaw un.

1 SAMUEL MASA 15:30

Tua ciangin amah in, “Ka khial khin hi; ahi zongin tu-in keima mi upate mai le Israel-te’ mai-ah kei hong pahtawi inla, Topa na Pasian ka biaktheih nadingin kei hong zuikik in,” a ci hi.

1 SAMUEL MASA 2:30

Tua ahih ciangin Israel-te’ Pasian, Topa in thu hong genin: ‘Nangma innkuan le na behte keima mai-ah sungtumin pusuak tawntung ding hi, ci-in thu ka ciamsa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi ding a, kei hong simmawhte ka simmawh ding hi.