Johan 12:40 - Tedim Bible

⁴⁰ “Amaute’ natna ka damsak loh nadingin a mit un mu loin, a lungsim un a theihtheih loh nadingun amaute’ mit ka tawsak a, a lungsim uh ka mawlsak hi, Pasian in ci hi,” ci-in zong na gen lai hi.

Tedim Bible Revision 2017

⁴⁰ “Amauteʼ natna ka damsak loh nadingin a mit un mu loin, a lungsim un a theihtheih loh nadingun amauteʼ mit ka tawsak a, a lungsim uh ka mawlsak hi, Pasian in ci hi,” ci-in zong na gen lai hi.

Johan 12:40 Iomraidhean Croise

1 KUMPI MASATE 22:20

Tua ciangin Topa in, ‘Amah kuanto-in Ramothgilead-ah a va sih nadingin kua in Ahab va zol ding hiam?’ ci hi. Khat in thu khat genin adang khat in thudang khat gen hi.

Late 147:3

Amah in lungsim kitamte damsak a, amau’ meimate a tuamsak hi.

Late 41:4

Ke’n ahihleh, “Topa aw, kei hong hehpih inla, kei hong damsak in; bang hang hiam cih leh nang tungah kong khialzo hi,” ka ci hi.

Late 6:2

Topa aw, thaneem ka hih manin kei tungah dikna hong zang in. Topa aw, ka guh ka taang na mahmah ahih manin hong damsak in.

Paikhiatna 10:1

Tua ciangin Topa in Moses tungah, “Faro’ kiangah pai in. Bang hang hiam cih leh amaute’ lakah hih keima limte ka lah theih nading le keimah in Egypt mite ka mawlpihna le amaute’ lakah bang limte bawl khin cihna thu na tate le na tute’ zakna-ah na gen theih nading le, Topa ka hihna na theih nadingin ama lungsim le a nasemte’ lungsim ka khauhsak hi,” a ci hi.

Paikhiatna 11:10

Moses le Aaron in hih na lamdangte khempeuh Faro’ mai-ah a bawl uh hi. Topa in Faro’ lungsim khauhsak a, amah in Israel mite a leitang panin paikhiasak lo hi.

Paikhiatna 14:17

Amau’ nungah Egypt mite hong pai-in, keimah in Faro le a mihonpite khempeuh, a leengte, le a sakol tung tuangte ka zawhna hangin minthanna ka ngah nadingin keimah in Egypt mite’ lungsim ka khauhsak ding hi.

Paikhiatna 14:4

Keimah in Faro’ lungsim khauhsakin, amah in Israel-te hong delh ding a, Faro le a mihonpite khempeuh ka zawhna hangin minthanna ka ngah ding hi. Kei, Topa ka hihna thu Egypt mite in thei ding uh hi,” a ci hi. Amaute zong tua bangmahin gamta uh hi.

Paikhiatna 14:8

Topa in Egypt kumpipa Faro’ lungsim khauhsak a, Israel mite kithamuanna tawh a paikhiat lai takun a delh hi.

Paikhiatna 4:21

Topa in Moses kiangah, “Egypt-ah na ciahkik ciangin, nangma hih theih dingin vangliatna kong piaksa na lamdangte khempeuh Faro’ mai-ah na hih ding thei in. Ahih hangin keimah in ama lungsim ka khauhsak ding a, amah in mite paisak lo ding hi.

Paikhiatna 7:13

Topa’ gensa bangin Faro’ lungsim khauh lai a, amah in amaute’ thu ngai lo hi.

Paikhiatna 7:3

Ahih hangin keimah in Faro’ lungsim ka khauhsak ding a, Egypt gamah ka limte le ka na lamdangte tampi ka bawl khit hangin

Paikhiatna 9:12

Ahih hangin Topa in Faro’ lungsim khauhsak a, Topa in Moses’ tunga a gensa bangin amah in amaute’ thu ngai lo hi.

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute a dingin na geelsa gimnate amaute thuaksak in. Na mite na itna thu na galte tungah kilangsak in.

Isaiah 29:10

Bang hang hiam cih leh Topa in note’ sungah ihmut nopna lungsim hong guan a, amau’ mit ahi kamsangte mitsi sakin amau’ lutang ahi thu mutheite khuhcip hi.

Isaiah 53:5

Ahih hangin eite’ khialhna hangin amah kiliamsak a, eite’ mawhna hangin amah kisatnim hi. Ama gim thuakna hangin nopna i ngah a, ama liamna hangin damna i ngah hi.

Isaiah 6:10

Amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theihtel loh nading, amaute kihei-in damna a ngah loh nadingun hih mite’ lungsim mawlsak inla, amau’ bil uh ngongsak inla, a mit uh va sisak in,” hong ci hi.

Isaiah 6:9

Tua ciangin amah in, “Pai inla, hih mite tungah, ‘Zaza napi tel lo; mumu napi thei lo,’ va ci in.

Jeremiah 3:22

Topa in, “Hong kileh kik un, a zulhzau ka tate aw, na zulhzauna uh kong damsak ding hi,” a ci hi. Amaute in zong, “En in, nang kiang kong pai uh hi. Bang hang hiam cih leh Topa kote’ Pasian na hi hi.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

Ezekiel 12:2

“Mihing ahi Ezekiel aw, a lehdo thei mite lakah a teng na hi hi. Amaute in mit nei napi-in khua mu lo uh hi. Amaute pen a lehdo thei mite ahihna hang uh ahi hi.

Ezekiel 14:9

Kamsang khat peuhpeuh in khemna tawh a man loin thu hong dawn leh, Topa ahi keima khem hi ding hi. Israel mite lak panin tua kamsangpa ka lakhia ding hi.

Hosea 14:4

Tua ciangin Topa in, “Ka mite tungah heh nawn lo ka hih manin ka kiangah ka mite ka samkik ding a, lungsim takpi tawh amaute ka it ding hi.

Hosea 6:1

Amaute in, “Hong pai un, Topa kiangah ciahkik ni; amah in eite hong balgawp hangin hong damsakkik ding a, eite hong liamsak hangin i liammate hong tunsakkik ding hi lo ahi hiam?

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kiakhawm ding uh hi,” ci-in a dawng hi.

Marka 4:12

Bang hang hiam cih leh, ‘En en napi-un a muh nai loh nading, za za napi-un a tel nai loh nading; amaute in mu-in tel le-uh Pasian’ lamah kihei ding uh a, Pasian in amaute’ mawhna maisak ding hi,’” ci-in a dawng hi.

Marka 6:52

Bang hang hiam cih leh lungsim navak lo uh ahih manin anlum tawh kisai thupiang tel thei lo uh hi.

Luka 4:18

“Gimna a thuak mite tungah Lungdamna Thu a hilh dingin Topa in kei hong sehkhin ahih manin keima sungah Topa’ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Luka 8:10

Jesuh in, “Pasian’ Ukna thu tawh kisai thusim, note tungah hong kigen hi. Ahi zongin midangte in, en en napi-un a muh loh nading za za napi-un a tel loh nadingun amaute tungah thugentehna tawh thu kigen hi,” a ci hi.

Johan 12:39

Tua ahih manin amaute in um nuam lo uh hi. Bang hang hiam cih leh Isaiah mah in,

Johan 9:39

Tua ciangin Jesuh in, “Mittawte in khua a muhtheih nading le khua mu thei a kineite mittaw a battheih nadingin leitungah thukhen dingin a hong pai ka hi hi,” a ci hi.

Sawltak 15:3

Amaute a pai uh ciangin pawlpi mite in khuanawl ciang va kha uh a, Gentail mite zong Pasian lamah a kiheina thu, a nawkna uh Foenisia gamah gen kawikawi uh ahih manin thu um mite khempeuh a nuam mahmah uh hi.

Sawltak 3:19

Tua ahih ciangin na mawhnate uh hong sawpsiangsak theih nading, Topa kiang panin a hong pai lungsim nopna hun na ngah theih nading uh le note a dingin a sehsa Jesuh Khrih a hong sawltheih nadingin na mawhna uh kisik unla, Pasian kiang zuan un.

ROM (Romans) 9:18

Tua ahih manin Pasian in a hehpih nopte hehpih a, a paupeensak nopte paupeengsak hi.

Thu-hilhkikna 29:4

Ahih hangin tuni dongin Topa in note’ tungah a thu na tel nading uh lungsim hitaleh, na muh nading uh mit hitaleh, na zak nading uh bil hitaleh hong pia nai lo hi.

Joshua 11:20

Bang hang hiam cih leh Topa in Moses a thupiakna bangin amaute a kisuksiat mang nading le hehpihna ngah loin a kibeisak theih nadingin Israel-te a do nadingin a lungsim uh a khauhsak pa pen Topa ahi hi.