Johan 12:27 - Tedim Bible

²⁷ Tua khit ciangin Jesuh in, “Tu-in ka lunggim mahmah hi. Bangcih ding ka hi hiam? ‘Pa aw, hih hun tawh hong kipelhsak in,’ ci ding ka hi hiam? Tua bang cih ding lah hih bang a thuak ding mahin a hong pai ka hi hi.

Tedim Bible Revision 2017

²⁷ Tua khit ciangin Jesu in, “Tu-in ka lunggim mahmah hi. Bang cih ding ka hi hiam? ‘Pa aw, hih hun tawh hong kipelhsak in,’ ci ding ka hi hiam? Tua bang cih ding lah hih bang a thuak ding mahin a hong pai ka hi hi.

Johan 12:27 Iomraidhean Croise

Late 6:3

Ka hingim mahmah hi. Topa aw, bang tanvei nang hong zekai lai ding na hi hiam?

Late 88:3

Bang hang hiam cih leh lungkhamna tampi thuakin, ka si dektak hi.

Isaiah 38:15

Ahih hangin keimah in bang gen thei ding ka hi hiam? Bang hang hiam cih leh amah in kei tungah hong gen khin a, amahmah in hih thu hong bawl hi. Ka lung gim lua a, ka ihmu thei kei hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a humsan uh mipa bangin amah kisimmawh a, eite in amah i thusim kei hi.

Mattiu 11:25

Tua ciangin Jesuh in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Mattiu 11:26

Pa aw, hih pen nangma deihna le na lungkimna bangin na hih ahi hi.

Mattiu 26:42

Tua ciangin a nihveina va paikikin thu ngen a, “Pa aw, keima thuak lohin ahi thei lo ding ahihleh nangma deihna bang hi ta hen,” a ci hi.

Mattiu 26:45

Tua ciangin a nungzuite kiangah hong paikik a, “Ihmu-in tawlnga hithiat lailai na hi uh hiam? Mawhnei mite’ khut sungah Mihing Tapa a kipiak ding hun hong tungta hi.

Luka 22:44

Lunggim mahmah ahih manin nakpitakin thu ngen semsem a, leilak a si mal gol taak bangin a khua-ul a taak hi.

Luka 22:53

Nisimin biakinn-ah note tawh ka omkhawm a, bangmah nong cih kei uh hi. Ahi zongin hih hun pen nomau’ hun hi a, khuamial sung a uk Satan’ vangliat hunsung ahi hi,” a ci hi.

Johan 11:41

Tua ahih manin a suangtum a likkhia uh hi. Jesuh zong van lam dakto-in, “Pa aw, ka thungetna hong ngai na hih manin ka nuam mahmah hi.

Johan 12:23

Tua ciangin Jesuh in, “Mihing Tapa in Pasian’ pianzia a ngah ding hun hong tungta hi.

Johan 13:21

Jesuh in hih thuteng a genkhit ciangin lungkham mahmah ahih manin, “A mantakin ci lehang, note khat in kei nong lehhek ding uh hi,” ci-in a kilangin a genkhia hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesuh in, “Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

1 TIMOTI MASA 1:15

Khrih Jesuh, mawhneite a honkhia dingin leitungah hong pai hi, cihna thu a man hi a, a uphuai a sanhuai thu ahi hi. Keimah zong tua mawhnei mite lakah a mawhpha bel ka hi hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a sukgawp theih nadingin Jesuh in mihing pianzia mah hong nei phot hi.

Hebru 5:7

Leitungah mihingin Jesuh a omlai-in sihna panin amah a honkhia thei ding Pasian tungah thu ngenin khitui naptui tawh thumin na kiko hi.