Johan 12:25 - Tedim Bible

²⁵ Tua ahih manin hih leitung nuntakna a itte in a nuntakna taktak taanlawh ding a, hih leitung nuntakna a it lote in nuntakna taktak nei tawntung ding hi.

Tedim Bible Revision 2017

²⁵ Tua ahih manin hih leitung nuntakna a itte in a nuntakna taktak taanlawh dinga, hih leitung nuntakna a it lote in nuntakna taktak nei tawntung ding hi.

Johan 12:25 Iomraidhean Croise

Thuhilh-sia 2:17

Tua ahih ciangin hih leitung a sepna khempeuh in lungkhamna cih loh hong piaktheih dang bangmah om lo ahih manin, hih leitung a hinna pen kei a dingin a kimanna bangmah om lo hi. A mawknapi, huih hawmguak bang bek hi lel hi.

Mattiu 10:39

Hih leitung nuntakna a hon nuamte in a nuntakna taktak taanlawh ding a, keima hangin a nuntakna a taanlawhte in a nuntakna taktak a ngah ding uh hi.

Mattiu 16:25

Hih a leitung nuntakna a hu nuamte in a nuntakna bulpi nangawn tawh suplawh ding a, keima hangin hih a leitung nuntakna a suplawhte in a nuntakna bulpi huzo ding hi.

Mattiu 19:29

Keima hangin a inn, a sanggam numei, a sanggam pasal, a nu, a pa, a tate, a leitang, khat peuhpeuh a nusiate in a zah zakhat ngahkikin, nuntak tawntungna zong a ngah ding uh hi.

Marka 8:35

Hih a leitung nuntakna a hu nuamte in a nuntakna bulpi nangawn tawh suplawh ding a, keima hang le lungdamna thu hangin a nuntakna a suplawhte in a nuntakna bulpi huzo ding hi.

Luka 14:26

“Kei kiangah a hong pai mite peuhmah in a nu le a pa, a zi le a ta, a sanggam numeite le a sanggam pasalte, le ama pumpi mahmah a nial ngam kei leh keima nungzui suak thei lo ding hi.

Luka 17:33

A nuntakna a hu nuamte in a nuntakna bulpi taanlawh ding a, a nuntakna a taanlawhte in a nuntakna bulpi huzo ding hi.

Sawltak 20:24

Ahi zongin Topa Jesuh in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna-ah bangbang hong piang taleh a thupi-in ka ngaihsun kei hi.

Sawltak 21:13

Ahi zongin Paul in, “Bang hangin hih bangin kapin ka lungsim a tapkhap nadingin gamta na hi uh hiam? Jerusalem khua-ah khihcipna a thuak ding bek hi loin, Topa Jesuh hangin a si ding ciang dongin a kithawisa ka hi hi,” ci-in a hong dawng hi.

Hebru 11:35

Numeite in a sihsuah mite uh, thawhkikna tawh a ngahna uh zong a upna uh hang mah ahi hi. Mi pawlkhatte in a hoihzaw nuntakna-ah a thawhkik theih nadingun leitungah suahtak ding ut tuan loin bawlsiatna thuakin a si uh hi.

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.