Johan 12:20 - Tedim Bible

²⁰ Pawi hun sungin Pasian bia dingin Jerusalem khua-ah a hong pai mite lakah Grik mi pawlkhat a om uh hi.

Tedim Bible Revision 2017

²⁰ Pawi hun sungin Pasian bia dingin Jerusalem khua ah a hong pai mite lakah Grik mi pawl khat a om uh hi.

Johan 12:20 Iomraidhean Croise

Isaiah 11:10

Tua ni ciangin Jessi’ zung pen mihingte’ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Marka 7:26

Tua nupi pen Grik mi hi a, Syria gam Foenisia khua-a a suak ahi hi. A tanu sung panin dawi a hawlkhiatsak nadingin a hong thum hi.

Johan 12:1

Paisan Pawi hun a tun ding ni guk in a sap ni-in sihna panin a thawhsak Lazaras a tenna Bethany khua-ah va tung hi.

Johan 12:19

Tua ciangin Farisi mite khatlekhat kiho uh a, “Bangmah i cihzo het kei hi. En un, mi khempeuh in amah a zui khinta uh ahi hi,” a kici uh hi.

Johan 7:35

Tua ciangin Jew mi uliante khatlekhat kiho uh a, “I muh zawh loh dingin hih mipa koi lai-ah paisawm hi ding ahi hiam? Jew mite omna Grik khuapi tuamtuamte-ah pai-in Grik mite kiangah thu hilhsawm hi ding ahi hiam?

Sawltak 14:1

Ikonium khua a tun uh ciangin Paul le Barnabas zong Jew mite kikhopna inn-ah pai uh a, amaute’ thuhilhna hangin Jew mi le Gentail mi tampi tak in Pasian thu um uh hi.

Sawltak 16:1

Paul paisuak lai-in Derbe khua tung a, tua panin Lystra khua a tung hi. Tua Lystra khua-ah Timoti a kici thu um mi khat om a, a nu zong thu um Jew mi hi a, a pa pen Grik mi ahi hi.

Sawltak 17:4

Mi pawlkhat in a thugen uh man sa uh ahih manin Paul le Silas pawlpih uh a, tua mah bangin Pasian a bia mi tampi tak le uliante’ zi tampi mah in zong a pawlpih uh hi.

Sawltak 20:21

Jew mi le Gentail mite a mawhna panun Pasian’ lamah kihei-in i Topa Jesuh a up nadingun thu ka gen khinzo hi.

Sawltak 21:28

“Israel mite aw, hong huh un. Mun khempeuhah thu hilh kawikawi-in, Moses Thukham, le hih biakinn langpangin mi khempeuh kiangah Israel mite a hong gensia pa ahi hi. Tu-in Gentail mite nangawn biakinn sungah hong paipihin hih biakinn siangtho a ninsak hi,” ci-in a awng uh hi.

Sawltak 8:27

Filip zong kithawi-in a pai hi. Lampi-ah Ethiopia mi mang lian khat tawh kituak hi. Tua mangpa pen Ethiopia kumpinu Kandeis khutnuai-a mang lian khat hi a, kumpinu neihsa khempeuh a ukpa ahi hi. Jerusalem khua-ah Pasian bia dingin a va pai hi a,

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a honkhiazo Pasian’ vangliatna ahi hi.

ROM (Romans) 10:12

Bang hang hiam cih leh Jew mi le Gentail mi a kideidanna om lo ahih manin Topa pen mi khempeuh’ Topa hi kim a, ama kiangah a ngen khempeuh tungah thupha tampi tak a pia hi.

Galati 2:3

Kei tawh a kithuah Titus nangawn Grik mi hinapi-in a vun ki-atsak tuan lo hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khrih tawh na kipawlna hangun pawlkhat hi-in, a kibangkim na hi uh hi.

Kolose 3:11

Tua ahih manin Gentail mi le Jew mi, vun-at mi le vun-at loh mi, khuapi mi le khuaneu mi, sila le sila ahi lo, cih bangin a kilamdanna om lo a, Khrih pen mi khempeuh a’ ding hi thei a, thu khempeuh a’ ding hi thei a, thu khempeuhah amah bek ahi hi.