Johan 12:10 - Tedim Bible

^10-11 Lazaras’ hangin Jew mi tampite in amau’ makaite taisanin Jesuh um uh ahih manin siampi liante in Lazaras zong thah a sawm uh hi.

Tedim Bible Revision 2017

^10-11 Lazarasʼ hangin Jew mi tampite in amauʼ makaite taisanin Jesu um uh ahih manin siampi liante in Lazaras zong thah a sawm uh hi.

Johan 12:10 Iomraidhean Croise

Paikhiatna 10:3

Tua ahih ciangin Faro’ kiangah Moses le Aaron pai-in ama kiangah, “Hebru mite’ Pasian, Topa in hih bangin ci hi: ‘Ka mai-ah nang na kiniamkhiat nading bang tanvei nial ding na hi hiam? Amaute in keimah hong biak theih nadingin ka mite paisak in.

Thuhilh-sia 9:3

Mi khempeuh’ thumong kibang kim a, hih pen leitung a thupiang lakah a man het lo khat ahi hi. Mihingte a nuntak laiteng gitlohna le a mawkna thu tawh a lungsim uh kidim a, theihkholh lohin mihingte sipak uh hi.

Mattiu 12:14

Ahi zongin Farisi mite paikhia uh a, Jesuh a thahtheih nading uh vai a hawm uh hi.

Mattiu 2:16

Nisuahna lam panin a hong pai mipilte in amah a khem lamtak Herod in a theih ciangin a heh suak mahmah hi. Tua mipilte tung panin aksi a kilat hun a dotna tawh kizui-in, Bethlehem khua le a kiima om naungek kum nih ciang le a nuaisiah khempeuh a that dingin a galkapte a sawl hi.

Luka 16:31

Ahi zongin Abraham in, ‘Amaute in Moses le kamsangte’ thu a mannop kei uhleh, mi khat hong hingkikin amaute kiangah a va gen hangin umsakzo tuan lo ding hi,’ ci-in a dawng hi,” a ci hi.

Johan 11:57

Bang hang hiam cih leh siampi liante le Farisi mite in Jesuh a mattheih nadingun, “Jesuh a omna a thei na om uhleh hong ko un,” ci-in thupiakna nei khinzo uh hi.

Johan 12:9

Bethany khua-ah Jesuh a omna thu a zak uh ciangin mihon tampi hong pai uh hi. Jesuh a mu nuamin hong pai hi bek lo uh a, Jesuh in sihna panin a thawhsakkik Lazaras zong a mu nuam kawm uh ahi hi.