Johan 12:1 - Tedim Bible

¹ Paisan Pawi hun a tun ding ni guk in a sap ni-in sihna panin a thawhsak Lazaras a tenna Bethany khua-ah va tung hi.

Tedim Bible Revision 2017

¹ Paisan Pawi hun a tun ding ni guk in a sap ni-in sihna panin a thawhsak Lazaras a teenna Bethany khua ah va tung hi.

Johan 12:1 Iomraidhean Croise

Mattiu 21:17

Tua ciangin Jesuh in amaute nusia a, khuapi sung pan paikhia-in Bethany khua-ah a giak hi.

Marka 11:11

Tua bangin Jerusalem khua sungah Jesuh lut a, biakinn sungah pai-in na khempeuh a en kawikawi hi. Tua ciangin ni niam khinta ahih manin sawm le nihte tawh Bethany khua-ah a pai hi.

Luka 24:50

Tua ciangin Jerusalem khuasung panin Bethany khuagei ciang amaute paipih a, tua lai panin a khut laamto-in amaute thupha a pia hi.

Luka 7:37

Tua khua sungah a paktat numei khat om hi. Farisi mipa’ inn-ah Jesuh in an ne-in a omna thu a zak ciangin paknamtui suangngo thawl a dim khat hong paipihin,

Johan 11:1

Tua laitakin Mary le a unu Martha’ omna Bethany khua-ah Lazaras a kici mi khat a ci na hi.

Johan 11:43

a cih khit ciangin nakpitakin kiko-in, “Lazaras aw, hong pusuak in,” a ci hi.

Johan 11:44

Tua ciangin a misi pa a khut a khe dial tawh kituamin, a maitang puan tawh a kitunsa-in hong pusuak hi. Jesuh in amaute kiangah, “A dial le a puante phelkhia un,” a ci hi.

Johan 11:55

Jew mite’ Paisan Pawi hun hong nai ciangin, tua pawi kipatma hun sungin biakna vai-in kisiansuahna a bawl dingin gam sung khuate panin Jerusalem khuapi-ah mi tampi hong pai uh hi.

Johan 12:12

A zing ciangin Paisan Pawi a siim mihonpite in Jerusalem khua-ah Jesuh hong pai nading thu a za uh hi.

Johan 12:20

Pawi hun sungin Pasian bia dingin Jerusalem khua-ah a hong pai mite lakah Grik mi pawlkhat a om uh hi.

Johan 12:9

Bethany khua-ah Jesuh a omna thu a zak uh ciangin mihon tampi hong pai uh hi. Jesuh a mu nuamin hong pai hi bek lo uh a, Jesuh in sihna panin a thawhsakkik Lazaras zong a mu nuam kawm uh ahi hi.