Johan 11:55 - Tedim Bible

⁵⁵ Jew mite’ Paisan Pawi hun hong nai ciangin, tua pawi kipatma hun sungin biakna vai-in kisiansuahna a bawl dingin gam sung khuate panin Jerusalem khuapi-ah mi tampi hong pai uh hi.

Tedim Bible Revision 2017

⁵⁵ Jew miteʼ Paisan Pawi hun hong nai ciangin, tua pawi kipat ma hun sungin biakna vai-in kisiansuahna a bawl dingin gam sung khuate panin Jerusalem khuapi ah mi tampi hong pai uh hi.

Johan 11:55 Iomraidhean Croise

Piancilna 35:2

Tua ahih ciangin Jakob in a innkuanpihte le amah tawh a omte khempeuh kiangah, “Note lakah a om gamdang pasian-te koihkhia unla, nomau kisiansuahin, na puante uh khek un.

JOB (Job) 1:5

Tua banga a pawi bawl uh gual khat a kikhit ciangin Job in a tapate samin amaute siansuah a, zingsangin tho baihin a ta phazah tawh kizui-in meihal biakna a pia hi; bang hang hiam cih leh Job in, “Ka tate khialin, a lungsim sung uhah Pasian samsia khathei ding uh hi,” a ci hi. Tu-a bangin Job in hih tawntung hi.

Late 26:6

Topa aw, mawh baan lohna ka lahna-in ka khutte ka sil a, biakna pia-in na biakna tau kiim ah ka pai hi.

Paikhiatna 19:10

Topa in Moses kiangah, “Mite kiangah pai inla, tuni le zingciang sungteng amaute siangthosakin, amau’ puante amau mah sawpsakin,

Gamlak-vakna 9:10

“Israel mite tungah hih bangin gen in: Note’ lakah mi khatpeuh ahi a, na suanlekhakte uh khatpeuh in ahi zongin misi luang lawnna hangin a nin ahi a, khualzinin gamlapi-ah a om ahi zongin, Topa a dingin Paisan Pawi kham veve ding hi.

Gamlak-vakna 9:6

Misi luang a lawnna uh hangin a nin mi pawlkhat om uh a, tua ni-in amaute in Paisan Pawi kham thei lo uh ahih manin Moses le Aaron’ mai-ah pai uh hi.

Mattiu 26:1

Jesuh in hih thute a hilh khit ciangin a nungzuite kiangah,

Mattiu 26:2

“Na theihsa uh mah bangin tuzawh ni nih khit ciangin Paisan Pawi hun hong tungta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Marka 14:1

Paisan Pawi le Silngo Sawh loh Anlum Pawi a tun ma ni nih ni-in siampi liante le Thukham hilh siate in Jesuh simmatin a thahtheih nading uh lampi a zong uh hi.

Luka 22:1

Tu-in Paisan Pawi a kici Silngo Sawh loh Anlum Pawi hun hong naita hi.

Johan 12:1

Paisan Pawi hun a tun ding ni guk in a sap ni-in sihna panin a thawhsak Lazaras a tenna Bethany khua-ah va tung hi.

Johan 13:1

Tu-in Paisan Pawi hun ding ni khat bek in sam a, Jesuh in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 18:28

Tua ciangin Kaiafas’ inn panin gam ukpa Pilat’ omna kumpi inn-ah Jesuh a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suahtheih nadingun kumpi inn huang sungah lut lo uh hi.

Johan 2:13

Jew mite’ Paisan Pawi hun hong naita ahih manin Jerusalem khua-ah Jesuh a pai hi.

Johan 2:6

Jew mite in amau biakna ngeina-ah kisilsiang nading ngeina nei uh ahih manin tua lai-ah tui tambong guk tambong sagih bang a ta thei thambelpi guk a om hi.

Johan 5:1

Tua khit ciangin, Jerusalem khua-ah Jew mite biakna pawi kibawl ahih manin Jesuh zong a pai hi.

Johan 6:4

Jew mite’ Paisan Pawi hun nai mahmah ta hi.

Sawltak 21:24

Tua mite tawh va kipawl inla, a kisiansuahna uhah nang zong va kihelin, a sum beiteng khempeuh nangmah in sik in. A kisiansuah khit uh ciangin amaute in a sam uh met thei ta ding uh hi. Hih bangin gamta lecin a beisa huna nangma thu a kigente khempeuh a man khat zong om loin, nangmahmah zong Moses Thukham a zui na hihna thu mi khempeuh in hong thei ding uh hi.

Sawltak 21:26

Tua ahih ciangin Paul, a zing ciangin tua mi lite tawh va pai khawmin kisiansuahna a va bawl uh hi. Tua ciangin biakinn sungah amah va pai a, a kisiansuah hun sung uh a hun sawt ding tan, tua mi lite a dingin biakna a kipiak ding ni a va zasak hi.

Sawltak 24:18

Biakinn sungah keimah kisiansuahna ka bawlkhit hun ciangin amaute in kei hong mu uh a, buaina zong bangmah om lo hi.

1 KORIN MASA 11:28

Tua ahih manin a kuamah peuh ki-entel masa phot uh hen la, tua khit ciangin Topa’ anlum ne-in a hai panin leenggahzu dawn pan tahen.

Jeim 4:8

Pasian kiang nai un. Amah in zong hong nai ding hi. Mawhneite in na khut uh silsiang unla, a kineihkhemte in na lungsim uh siangsak un.

1 SAMUEL MASA 16:5

Amah in, “Thuhoih hi; Topa’ tungah biakna a pia dingin kong pai hi. Note ki-ap unla, biakpiakna-ah kei tawh hong pai un,” a ci hi. Amah in Jessi le a tapate apin, biakpiakna-ah amaute a sam hi.