Johan 11:52 - Tedim Bible

⁵² Jew mite a’ ding bek hi loin a kithehthang Pasian’ mi khempeuh pumkhat a suah nadingin a kikaihkhop nading thu zong a genkhol ahi hi.

Tedim Bible Revision 2017

⁵² Jew mite ading bek hi loin a kithehthang Pasianʼ mi khempeuh pum khat a suah nadingin a kikaihkhop nading thu zong a gen khol ahi hi.

Johan 11:52 Iomraidhean Croise

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Late 22:15

Ka thahatna, leibeel phel bangin keu a, ka leii zong toncip ta hi. Nangmah in leivui sungah kei na hong koih hi.

Late 22:27

Leitung mi khempeuh in phawkin Topa’ lamah kihei ding uh a, minam khempeuh in ama mai-ah bia ding uh hi.

Late 72:19

A minthang ama min in thupha ngah tawntung hen la, ama minthanna tawh leitung khempeuh kidim tahen. Amen! Amen!

Isaiah 49:18

Na kimkotah khuadakto inla mu in. Na mi khempeuh hong kikhawm uh a, nangma kiangah amaute hong ciah uh hi. Kei pen a nungta Topa ka hih mah bangin, na mite khempeuh hangin nang na kisial ding a, mothak in kizepna-in a zat bangin amaute khempeuh na zang ding hi.

Isaiah 49:6

Amah in, “Jakob minamte a laamto ding le a suaktalai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Isaiah 55:5

Tu-in note in na theih ngei loh uh minam dangte na sam ding uh a, amah in note hong minthangsak zo ahih manin, Topa note’ Pasian, Israel-te’ Siangtho Pa’ hangin note hong thei lo minamte note kiangah hong tai ding uh hi.

Isaiah 56:8

Israel a kikhenthangte a kaikhawm Topa Pasian in, a kikaikhawmsa mite banah midangte keima kiangah ka kaikhawm lai ding hi, ci hi,” a ci hi.

Isaiah 60:4

Na kimkotah khuadak inla mu in. Na mite kikaikhawmin nang kiangah a ciah dingin hong pai uh hi. Na tapate gamlapi panin hong ciah ding uh a, na tanute naungek bangin hong kipua ding hi.

Ezekiel 34:12

Tuucingte in a kithehthang tuute kaikhawmin a kep bangin keimah in donin ka kem ding hi. Tua bang a lauhuai siatna ding hun laitakin a kithehthangna uh mun khempeuh panin ka kaikhawm ding hi.

Hosea 1:10

Ahi zongin, tehzawh loh, simzawh loh zah dongin tuipi sehnel bangin Israel mite tampi pha ding uh a, tua hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Luka 15:8

Tua ciangin Jesuh in tua ahih kei leh zong, “Numei khat in sum peek sawm a neih sung panin khat mansuah leh bangcih ding ahi hiam? Meivak vakin, a innsung teng phiatin, a muh matengin mun khempeuh limtakin zong ding hi.

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Johan 1:12

Tua bang hitaseleh ama thu ngai-in amah a um mite khempeuh tungah Pasian’ tate suahtheih nading thu a pia hi.

Johan 1:29

A zing ciangin Johan in ama kiangah Jesuh hong pai a muh ciangin, “En un, leitung mawhna a lakhia Pasian’ Tuuno hih lai-ah hong pai hi.

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum ding a, amaute in keima thu ngai-in, keima khut sungah ka tuu omsate tawh honkhat suakkhawm ding uh hi.

Johan 12:32

Leilak panin kei hong kikhai toh ciangin ka kiangah mi khempeuh ka kai ding hi,” a ci hi.

Sawltak 18:10

Hih khua sungah keima mi tampi om a, nang hong ompih ka hih manin kuamah in nang bangmah hong cih lo ding hi,” a ci hi.

ROM (Romans) 3:29

Pasian, Jew mite’ Pasian bek hi a, Gentail mite’ Pasian hi lo ahi hiam? Gentail mite’ Pasian zong hi veve hi.

ROM (Romans) 4:17

Lai Siangtho sungah zong, “Minam tampite’ pupi dingin ka hong bawl khin hi,” ci-in a kigelh hi. Tua hi a, bangmah a om nai lopi a thupiakna tawh a omsak thei, a site a hingsak thei, Abraham in a up Pasian’ muhna-ah hih thuciamna kipin a kizang ahi hi.

Efesa 1:5

Pasian in Jesuh Khrih hangin ama mite ahi dingin eite a hong bawl ding a sehkholhsa hi a, tua bangin a hong bawl ding pen ama tupna le a utna ahi hi.

Efesa 3:11

Pasian in a tawntungin a ngimna a omsa bangin i Topa Khrih Jesuh nasepna tawh a ngimna a hong tungsak hi.

Jeim 1:1

Pasian le Topa Jesuh Khrih sila keimah James in Leitung mun khempeuhah kithehthangin a om minam sawm le nihte tungah hopihna lai ka hong gelh hi.

1 PETER MASA 1:1

Jesuh Khrih sawltak keimah Peter in Pontas gam, Galatia gam, Kappadosia gam, Asia gam, le Bithynia gamah kithehthangin peemta-in a om mite kiangah lai ka hong khak hi.

1 JOHAN MASA 2:2

Tua Jesuh hangin eite’ mawhna hong kimaisak a, eite a’ ding bek hi loin leitung mi khempeuh’ mawhna zong a mai nading ahi hi.

1 JOHAN MASA 3:1

Pa Pasian in eite bangzah takin hong itna thu thei un. Ama hong itna lian mahmah ahih manin eite pen Pasian’ tate hong kici a, hong kicih mah bang ihi takpi hi. Leitung mite in tuhun ciang dong Pasian thei lo uh ahih manin eite zong a hong thei lo uh ahi hi.

1 JOHAN MASA 3:10

Hih pen Pasian tate le Dawimangpa’ tate a kilamdanna ahi hi. A manin gamta loin, a Khristian mipihte a it lo mi peuhmah, Pasian’ tate hi lo uh hi.

1 JOHAN MASA 3:2

Ka lawm itte aw, eite’ pianzia ding taktak a telin hong kilat nai loh hangin tu-in Pasian’ tate ihi hi. Ahi zongin Khrih hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

Mangmuhna 5:9

Amaute inla thak khat sa uh a, “Nang Tuuno, tua laizial a lakhia ding le a ciamtehnate a lakhia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian a dingin mite na lei khin a,