Johan 11:43 - Tedim Bible

⁴³ a cih khit ciangin nakpitakin kiko-in, “Lazaras aw, hong pusuak in,” a ci hi.

Tedim Bible Revision 2017

⁴³ a cih khit ciangin nakpi takin kiko-in, “Lazaras aw, hong pusuak in,” a ci hi.

Johan 11:43 Iomraidhean Croise

Marka 4:41

A nungzuite in lamdangsa mahmah uh a, “Huihpi le tuihualte nangawn, ama sawl bangin a gamta uh hi,” a ci uh hi.

Johan 11:42

Ka thungetna na hong ngaih tawntungna thu ka thei a, ahi zongin hih lai-ah a om mite in kei na hong sawlna thu a uptheih nadingun tu-a bangin kam a hong pau ka hi hi,”

Johan 11:44

Tua ciangin a misi pa a khut a khe dial tawh kituamin, a maitang puan tawh a kitunsa-in hong pusuak hi. Jesuh in amaute kiangah, “A dial le a puante phelkhia un,” a ci hi.

Johan 12:1

Paisan Pawi hun a tun ding ni guk in a sap ni-in sihna panin a thawhsak Lazaras a tenna Bethany khua-ah va tung hi.

Johan 12:9

Bethany khua-ah Jesuh a omna thu a zak uh ciangin mihon tampi hong pai uh hi. Jesuh a mu nuamin hong pai hi bek lo uh a, Jesuh in sihna panin a thawhsakkik Lazaras zong a mu nuam kawm uh ahi hi.

Sawltak 3:12

Peter in hih mite a muh ciangin amaute kiangah, “Ka mipih Israel mite aw, bang hangin hih thupiang lamdangsa a, bang hangin ko hong hici et na hi uh hiam? Hih mipa lam ka paisak theihna uh, komau’ vang le komau’ hoihna hang sa na hi uh hiam?

Sawltak 3:6

Peter in ama kiangah, “Sum ka nei peuhmah kei hi; ahi zongin ka neih kong pia ding hi. Nazareth khuami Jesuh Khrih min tawh, dingin lam na pai nadingin thu ka hong pia hi,” a cih khit ciangin,

Sawltak 9:34

Peter in tua pa kiangah, “Aineas aw, Jesuh Khrih in nang hong damsak hi; tho-in na lupna zial in,” a ci hi. Amah zong thakhatin thoto pah hi.

Sawltak 9:40

Peter in innsung panin amaute khempeuh a pusuahsak khit ciangin khukdinin thu a ngen hi. Tua ciangin misi nu lamah kihei a, “Tabitha aw, tho in,” a cih ciangin a mit hong hak a, Peter a muh ciangin a tuto hi.