Johan 11:4 - Tedim Bible

⁴ Ahi zongin Jesuh in tua thu a zak ciangin, “Hih natna pen sihna ding natna hi lo a, Pasian’ Tapa in Pasian’ pianzia a neihna mite in a theih nading, le Pasian a phattheih nadingin a na ahi hi,” a ci hi.

Tedim Bible Revision 2017

⁴ Ahi zongin Jesu in tua thu a zak ciangin, “Hih natna pen sih nading natna hi lo a, Pasianʼ Tapa in Pasianʼ pianzia a neihna mite in a theih nading le Pasian a phat theih nadingin a na ahi hi,” a ci hi.

Johan 11:4 Iomraidhean Croise

Paikhiatna 16:7

Topa’ tungah na phunna uh amah in za khin ahih manin zingsang ciangin Topa’ vangliatna na mu ding uh hi. Bang hang hiam cih leh kote’ tungah na phun uh, kote a bang hi mawk ka hi uh hiam?” a ci hi.

Johan 10:38

Ahi zongin keimah in ka Pa’ na sem ka hih manin keima thu na hong um nuam lo uh ahi ta zongin, Pa tawh pumkhat ka hihna thu na theih nadingun ka nasepnate na up dingun kilawm buang hi,” a ci leuleu hi.

Johan 11:40

Jesuh in, “Na up nakleh Pasian’ vangliatna na mu ding hi, ci-in hong genkhin hi lo ka hi hiam?” a ci hi.

Johan 12:28

Pa aw, nangma min thangsak ta in,” a ci hi. Tua ciangin vantung panin aw khat hong ging a, “Ka thangsakzo a, khatvei ka thangsakkik ding hi,” a ci hi.

Johan 17:1

Jesuh in hih thute a genkhit ciangin vantung lam ento-in, “Pa aw, a hun hong tungta ahih manin na Tapa in na pianzia hong kilatsak theih nadingin tu-in na Tapa’ pianzia hong kilangsak ta in.

Johan 17:10

Keima neih khempeuh nangma a’ hi a, nangma neih khempeuh keima-a’ ahih manin, tua mite’ hangin nangma pianzia ka neihna hong kilang hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Johan 2:11

Jesuh in nalamdang a bawl masak pen Galilee gam Kana khua-ah hih bangin Pasian’ pianzia a neihna kilangsak a, a nungzuite in zong amah a um uh hi.

Johan 8:54

Jesuh in, “Kei le kei a kipahtawi hi leng ka kipahtawina a mawkna hi ding hi. Ahi zongin kei hong pahtawi pa pen ka Pasian uh ahi hi, na cih uh keima Pa ahi hi.

Johan 9:24

Tua ciangin a mittaw ngei pa mah samkik leuleu uh a, “Pasian’ mai-ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

Johan 9:3

Jesuh in, “A mittawtna pen ama mawhna le a nu le a pate’ mawhna hang hi lo a, ama tungah Pasian’ vangliatna a kilat theih nadingin a mittaw ahi hi.

ROM (Romans) 11:11

Jew mite a puk uh ciangin sia paisuak ahi uh hiam? Sia paisuak lo uh hi. Amau’ mawhna hangin Gentail mite in hotkhiatna ngah uh hi. Gentail mite in hotkhiatna a ngah pen Jew mite in enna lungsim a neihtheih nading uh deihna ahi hi.

Filippi 1:11

Jesuh Khrih in note mihoih a hong suahsak theihna le mite in Pasian pahtawi-in a phattheihna thu, note’ gamtat hoih in midangte tungah kilangsak ding hi.

Filippi 1:20

Ka si a, ka hing zongin, a diak diakin tu a kipanin a tawntungin midangte in Khrih phat theih nading lungsim hanna a neih theih nadingun ka lungsim le ka pumpi tawh keima tavuan ka lelh hetloh nading pen ka deihdeih, ka lametet bulpi ahi hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

1 PETER MASA 4:11

Minthanna le vangliatna a nei tawntung Pasian in Jesuh Khrih hangin thu khempeuhah phatna a ngah theih nadingin thuhilhte in Pasian’ thu na hilh unla, na a semte in Pasian’ piak thahatna tawh na sem un. Amen.

1 PETER MASA 4:14

Khrih nungzui hihna hangin mite’ kosiatna na thuak uhleh note sungah a minthang Kha Siangtho ahi Pasian’ Kha Siangtho hong om ahihna lim ahih manin a hampha mahmah na hi uh hi.