Johan 11:28 - Tedim Bible

²⁸ Tua khit ciangin Martha a inn-ah va tai-in a naunu Mary va huausim a, “Siapa hong pai a, nang hong sam hi,” a ci hi.

Tedim Bible Revision 2017

²⁸ Tua khit ciangin Martha a inn ah va tai-in a naunu Mary va huausim a, “Siapa hong pai a, nang hong sam hi,” a ci hi.

Johan 11:28 Iomraidhean Croise

Zekhariah 3:10

Tua ni ciangin note khempeuh in leenggui le theikungte hau-in nuam na sa ding uh a, na vengte ciat un hong nekpihin hong lungdampihna dingun na sam ding uh hi, Vanglian Topa in ci hi,” a ci hi.

Mattiu 26:18

Jesuh in, “Jerusalem khua sungah va pai unla, tua mipa kiangah, ‘Siapa in, “Ka hun hong naita hi. Na inn-ah ka nungzuite tawh Paisan Pawi an ka hong ne ding uh hi,” ci hi,’ va ci un,” a ci hi.

Marka 10:49

Tua ciangin Jesuh khawlin a nungzuite kiangah, “Va sam un,” a ci hi. Amaute in mittaw pa samin ama kiangah, “Na lung nuamsak in; ding in; amah in nang a hong sam hi,” a ci uh hi.

Marka 14:14

ama tumna innteek pa kiangah, ‘Siapa in hih bangin ci hi: Ka nungzuite tawh Paisan Pawi an ka nek nading uh zintun nading inndei koilai ahi hiam, ci hi,’ va ci un.

Luka 22:11

a innteek pa kiangah, ‘Siapa in: Ka nungzuite tawh Paisan Pawi an ka nektheih nading uh inndei koi lai hiam, ci hi,’ ci-in va dong un.

Johan 1:41

A zing ciangin a u Simon zongpahin ama kiangah, “Messiah ka mu zo uh hi,” a ci hi. Tua pen Khrih a cihnopna ahi hi.

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa, le kamsangte in zong a gelh mipa ka mu khin uh hi. Amah Jesuh hi a, Nazareth khuami Josef’ tapa ahi hi,” a ci hi.

Johan 10:3

Tua ahih manin tuukong cing pa in a kong hon a, a tuute a min ciatin a sap ciangin a tuute in a thu mang a, amah in tuukulh panin a tuute a pusuah khiatpih hi.

Johan 11:20

Jesuh hong paina thu Martha in a zak ciangin a dawn dingin va paikhia a, Mary ahihleh a inn mahah omlai hi.

Johan 11:29

Tua thu a zak ciangin Mary dingin Jesuh a dawn dingin a paikhia hi.

Johan 11:30

Jesuh, khuasung hong tung nai lo a, Martha tawh a kimuhna mun mahah na omlai hi.

Johan 13:13

Note in kei pen Siapa, le Topa, na hong ci uh hi. Na hong cih uh mah bangin a man ka hi hi.

Johan 20:16

Tua ciangin Jesuh in, “Mary!” a cih leh Mary zong ama lamah kihei a, “Rabboni,” ci-in a dawng hi. (Rabboni pen Hebru pau hi a, “Siapa,” a cihna ahi hi.)

Johan 21:7

Tua ciangin Jesuh in a it nungzui pa in Peter kiangah, “Topa hi!” a ci hi. Simon Peter in Topa ahihna thu a zak ciangin (a nga betna uhah a puante uh suahkhia uh ahih manin) a puan silh buatbuatin tui sungah a leengkhia hi.

1 THESALONIKA MASA 5:11

Tua ahih manin tu laitakin na omzia uh mah bangin khatlekhat kihanthawnin na kihuh ciat ta un.

Hebru 12:12

Tua ahih ciangin a zaw nuangnuang na khutte uh le a no dakdak na khukte uh khauhsak un.