Johan 11:2 - Tedim Bible

² Mary i cih pen Jesuh sathau nuhin a sam tawh a nulsaknu hi a, Lazaras pen ama u ahi hi.

Tedim Bible Revision 2017

² Mary i cih pen Jesu sathau nuhin a sam tawh a nulsak nu hi a, Lazaras pen ama u ahi hi.

Johan 11:2 Iomraidhean Croise

Marka 14:3

Bethany khua-ah, miphak ahi ngei Simon’ inn-ah Jesuh in an a nek laitakin, numei khat in a manpha mahmah nard paknamtui citak suangngo thawl dimin a om khat hong tawi a, a suangngo thawl sukhamin Jesuh’ lu tungah a paknamtui a sungsuk hi.

Luka 7:13

Topa in tua meigongnu a muh ciangin a khasiat suak a, “Kap kei in,” ci-in a khem hi.

Luka 7:19

Johan in zong ama nungzuite nih sam a, Topa kiangah amaute paisakin, “Johan in hong pai ding a cih pa mah na hi hiam, tua ahih kei leh adang na lamen lai ding ka hi uh hiam?” ci-in a dong dingin a sawl hi.

Johan 11:21

Martha in Jesuh kiangah, “Topa aw, hih lai-ah a om hi lecin ka u si het lo ding hi.

Johan 11:3

Tua ahih manin a nau numei tegel in Jesuh kiangah, “Topa aw, na it mipa a ci na hi,” ci-in thu a zasak uh hi.

Johan 11:32

Jesuh omna munah Mary tungin amah a muh ciangin ama khe mai-ah bok a, “Topa aw, nang hong om hi lecin ka u si het lo ding hi,” ci-in a kap hi.

Johan 12:3

Tua laitakin Mary in a manpha mahmah nard sathau namtui thawl khat hong paipih a, Jesuh’ khe a nuhkhit ciangin a sam tawh a nulsak hi. Tua innsung khempeuh sathau namtui gim hong nam hi.

Johan 13:13

Note in kei pen Siapa, le Topa, na hong ci uh hi. Na hong cih uh mah bangin a man ka hi hi.

Johan 13:14

Note’ Topa le Siapa in na khe uh hong silsak ka hih leh note khatlekhat na kisilsak kan ding uh kilawm hi.