Johan 10:6 - Tedim Bible

⁶ Jesuh in hih thugentehna tawh thu a gen hangin amaute in Jesuh’ gennop thu a theithei tuan kei uh hi.

Tedim Bible Revision 2017

⁶ Jesu in hih thu gentehna tawh thu a gen hangin amaute in Jesuʼ gen nop thu a theithei tuan kei uh hi.

Johan 10:6 Iomraidhean Croise

Late 106:7

Ka pu ka pate un Egypt gamah a om lai-un nangma nasepna a lamdangte ngaihsun lo uh hi. Na itna kip a tampite phawk lo uh a, San Tuipi-ah Sangpenpa hong lehdo uh hi.

Late 82:5

Amaute in thutheihna ahi a, thutelna ahi zongin bangmah nei lo uh a, khuamial sungah gamta uh ahih manin leitung bulpite khempeuh a kilinggawp hi.

Paunak 28:5

Mi siahuaite in thutang cihmel thei lo uh a, Topa a biate in ahihleh a kicingin a thei uh hi.

Isaiah 56:11

Uite in nakpitakin duh uh a, kham hun cih nei ngei lo uh hi. Tuucingte in zong thutheihna nei lo uh hi. Amaute khempeuh amau tum ciatin gamta uh a, a vekpi-un amau’ phattuamna ding bek a zong ciat uh hi.

Daniel 12:10

Mi tampite kisiansuahin a hoih le a hoih lo a kikhentel ding uh hi. Migilote in bangmah theitel thei lo uh ahih manin a gilo semsem ding uh hi. Ahih hangin mipilte in theihtel theihna a nei ding uh hi.

Mattiu 13:34

Jesuh in hih thute khempeuh, thugentehna vive zangin thu hilh a, thugentehna zang loin thu khat beek a gen kei hi.

Mattiu 13:51

“Hih ka thugente khempeuh a khiatna na thei uh hiam?” ci-in Jesuh in a dot ciangin amaute in, “Ka thei uh hi,” ci-in a dawng uh hi.

Marka 4:34

Thugentehna lo tawh thu hilh ngei lo hi. A nungzuite guak tawh a omkhawm ciangin a thu khempeuh a gentel zel hi.

Johan 16:25

“Tuhun ciang dong hih thute thugentehna zangin ka hong gen hi. Ahi zongin thugentehna ka hong zat nawn loh hun hong tung ding a, tua hun ciangin a teltakin Pa Pasian’ thu ka hong gen ding hi.

Johan 16:29

Tua ciangin a nungzuite in, “Tu-in thugentehna zang nawn loin a kitel takin thu na hong gen hi.

Johan 6:52

Hih bangin a thugenna hangin mihonpite khatlekhat kitawng uh a, “Bangci-in hih mipa in nek dingin ama sa hong piathei ding ahi hiam?” a kici uh hi.

Johan 6:60

A nungzuite nangawn un hih thu a zak ciangun, “Hih thugen haksa lua hi. Kua in zuizo ding ahi hiam?” a ci uh hi.

Johan 7:36

‘Kei nong zon uh hangin nong muzo kei ding uh hi,’ a cihna leh ‘Keima omna munah nong pai thei kei ding uh hi,’ a cih ciangin bang a cihnopna hi ding ahi hiam?” ci-in a kikum uh hi.

Johan 8:27

Jesuh in Pa Pasian’ thu a gengen ahih lamtak amaute in thei lo uh hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

1 KORIN MASA 2:14

Ahi zongin Kha Siangtho a nei lo mite in Pasian’ Kha Siangtho in a hong piak nate sang thei lo uh hi. Kha Siangtho a nei mite bek in theithei uh ahih manin amaute in tel thei lo uh a, amau a dingin a haihuai thu khat ahi lel hi.

2 PETER NIHNA 2:22

Paunak-ah, “Ui in a luak nekik hi,” a cihna le, “Vok a kisilsiang khit ciangin buannawng lak mahah bualkik veve hi,” a kicihna thu, amaute tungah a piang ahi hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.