Johan 10:5 - Tedim Bible

⁵ Tuute in midangte’ nung zui lo uh hi; midangte’ aw theithei lo uh ahih manin lau-in taisanzaw uh hi,” a ci hi.

Tedim Bible Revision 2017

⁵ Tuute in midangteʼ nung zui lo uh hi; midangteʼ aw theithei lo uh ahih manin lau-in taisan zaw uh hi,” a ci hi.

Johan 10:5 Iomraidhean Croise

1 KUMPI MASATE 22:7

Ahih hangin Jehoshafat in, “Thu i dot theih ding Topa’ kamsang adang khat beek om nawn lo ahi hiam?” a ci hi.

Paunak 19:27

Thuhilhna a mang nuam lo tapa pen pilna a thei kha lo ding tapa ahi hi.

Marka 4:24

Tua ciangin amaute kiangah, “Na zak uh thu limtakin ngaihsun un. Midangte tungah na piakna uh tawh kizui-in note tungah Pasian in hong pia ding a, a tamzaw-in hong piathuah ding hi.

Luka 8:18

Tua ahih ciangin thu na ngaih uh ciangin limtakin kingaihsun un. Bang hang hiam cih leh a neisa mipa tungah Pasian in piathuah ding a, a nei lo mipa tung panin themkhat nei-a a kingaihsut nangawn lakkhiatsak ding hi,” a ci hi.

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum ding a, amaute in keima thu ngai-in, keima khut sungah ka tuu omsate tawh honkhat suakkhawm ding uh hi.

Johan 10:4

A tuute khempeuh a pusuah khiat khit ciangin tuate mai-ah a cing pa pai a, a cing pa’ aw thei uh ahih manin tuute in amah a zui uh hi.

2 TIMOTI NIHNA 4:3

Mite in thuman a ngaih nop loh hun, amaute’ deihna bek a zuihnop hun, amaute’ zaknop thute bek a gen ding sia a cial thuahthuah hun hong tung ding hi.

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.

1 JOHAN MASA 2:21

Tua ahih manin note kiangah lai ka hong gelhna pen note in a man na theih lohna hang uh hi loin, note in a man thei-in, zuauthu pen thuman panin hong piang ngei lo hi, ci-in zong na theihna uh hangin a hong gelh ka hizaw hi.

Mangmuhna 2:2

“Note’ nasepna, na gimna uh le lungduai takin na thuakna uh, le migilote koihmawk loin, sawltak hi lo napi-in sawltak hi ung, a ci mite dongtelin sawltak ahihlohna uh na muhkhiatnate uh ka thei hi.