Johan 10:4 - Tedim Bible

⁴ A tuute khempeuh a pusuah khiat khit ciangin tuate mai-ah a cing pa pai a, a cing pa’ aw thei uh ahih manin tuute in amah a zui uh hi.

Tedim Bible Revision 2017

⁴ A tuute khempeuh a pusuahkhiat khit ciangin tuate mai ah a cing pa pai a, a cing paʼ aw thei uh ahih manin tuute in amah a zui uh hi.

Johan 10:4 Iomraidhean Croise

Solomon la 2:8

Ka ngaihno’ awging ka za hi. Mualtung tawnin hong tai a, mualte kantanin kei hong zuan hi.

Solomon la 5:2

Ka lup hangin ka lungsim ihmu lo a, ka ngaihno in ka kong hong kiuh ka za hi. Itluat ngaihno ka lungtup aw, kei hong tumsak in. Ka lu tungah daingo kia a, meiizun in ka sam kawtsak hi.

Mattiu 16:24

Tua ciangin Jesuh in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum ding a, amaute in keima thu ngai-in, keima khut sungah ka tuu omsate tawh honkhat suakkhawm ding uh hi.

Johan 10:27

Keima tuute in ka aw za-in thei uh ahih manin kei hong zui uh hi.

Johan 10:3

Tua ahih manin tuukong cing pa in a kong hon a, a tuute a min ciatin a sap ciangin a tuute in a thu mang a, amah in tuukulh panin a tuute a pusuah khiatpih hi.

Johan 10:5

Tuute in midangte’ nung zui lo uh hi; midangte’ aw theithei lo uh ahih manin lau-in taisanzaw uh hi,” a ci hi.

Johan 10:8

Keima hun ma-in a hong pai mite ahihleh guta buluhte ahih manun tuute in amaute don lo uh hi.

Johan 12:26

Ka nasemte keima omna-ah a omtheih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Johan 13:15

Note tungah ka hong gamtat bangin note na gamtat theih nadingun a lim a hong lak ka hi hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesuh in, “Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 3:29

Mo pen zinei ding tangvalpa a’ ding bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicingta hi.

1 KORIN MASA 11:1

Keimah in Khrih gamtatzia ka zuih mah bangin note in zong keima gamtatzia hong zui ta un.

Efesa 5:1

Note pen Pasian in a hong it a tate na hih manun amah tawh na kibat nadingun hanciam un.

Thu-hilhkikna 1:30

Egypt gam sungah note’ mit muhah a hih bangin, mi khat in a tapa a puak bangin hih mun na tun matengun lam tawntung ah Topa na Pasian un note hong puak na muhsa uh sehnel gam a mah bangin, note’ mai-ah a pai Topa na Pasian un note a dingin hong dosak ding hi,’ kong ci hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.

Hebru 6:20

Tua lai munah eite’ tangin Jesuh na ma tun khinta a, siampi Melkhizedek gui zui-in a om tawntung ding siampi lianpen a suak hi.

1 PETER MASA 2:21

Khrih mahmah in zong note a dingin thuakin, ama khekhap na zuihtheih nadingun etteh ding lim hong nusiat ahih manin hih bangin a thuak ding mahin Pasian in note a hong sam ahi hi.

1 PETER MASA 4:1

Khrih in ama pumpi-in thuak ahih manin note in zong tua bang lungsim mah nei-in na kithakhauhsak ding uh ahi hi. Bang hang hiam cih leh pumpi-in a thuak mite peuhmah, mawhna tawh kisawhkha nawn lo uh hi.

1 PETER MASA 5:3

Note’ kep dingin a hong kipia tuute, aana neihna tawh a cing hi loin tuute’ etteh dingin a gamtate na hi un.