Johan 10:33 - Tedim Bible

³³ mihonte in, “Nasep hoih na sep manin hong dengnuam ka hi kei uh a, Pasian na simmawhbawl manin hong dengnuam ka hi uh hi. Nang pen mi hi lel hinapi-in Pasian na kineihnuam hi,” ci-in a dawng uh hi.

Tedim Bible Revision 2017

³³ mihonte in, “Nasep hoih na sep manin hong deng nuam ka hi kei uh a, Pasian na simmawh bawl manin hong deng nuam ka hi uh hi. Nang pen mi hi lel hi napi-in Pasian na kineih nuam hi,” ci-in a dawng uh hi.

Johan 10:33 Iomraidhean Croise

1 KUMPI MASATE 21:10

Ama mai-ah mi ginalo nih koihin ama langkhatah mawhna zong sakin, ‘Nang in Pasian le kumpipa na samsia hi,’ cisak un. Tua ciangin amah lakhia unla denglum un,” a ci hi.

Late 82:6

Ke’n kong cihin-ah, “Note khempeuh, Sangpenpa’ tate, pasian-te na hi uh hi.

Siampi Laibu 24:14

“A samsia mipa pen giahphual pualamah paipih in. Ama samsiat a za mi khempeuh ama lu tungah amau’ khut ngasak inla, mihonte khempeuh amah denglumsak in.

Siampi Laibu 24:16

Topa’ min a gensia mipa kithat ding hi. Mihonte khempeuh in amah denglum ding uh hi. Peemta hitaleh tualsung mi hitaleh, Min Siangtho a gensiate kithat ding hi.

Johan 10:24

Jew mihonte ama kiangah hong kikhawm uh a, “Thu kitel loin bang tanvei koih hong sawm na hi hiam? Khrih na hih leh zong teltakin hong gen in,” ci-in a dot uh ciangin

Johan 10:30

Kei le ka Pa pumkhat ka hi uh hi,” ci-in a dawng hi.

Johan 10:32

Jesuh in, “Ka Pa’ hong sawl bangin note’ muhna-ah na hoih tampi ka hong sepna hangin suang tawh den hong sawm na hi uh hiam?” a cih ciangin

Johan 19:7

Jew mihonte in, “Amah Pasian’ Tapa-in kigen ahih manin a kithah theih nading Thukham ka nei uh hi,” ci-in a genna uh

Johan 5:18

Hih bangin ama kampauna hangin amaute in Jesuh thatnuam semsem uh hi. Amah in Sabbath thukham a palsat bek hi loin, Pasian nangawn ka Pa ci ahih manin Pasian tawh a kikimin kiseh hi, ci-in a mawhsak uh hi.

ROM (Romans) 13:1

A kuamah peuh in hong ukte’ thu na mang ciat un. Bang hang hiam cih leh Pasian’ thukimpih lohin kuamah in ukna thu nei lo hi; ukna thu nei i cih mite pen Pasian’ koih mite ahi hi.

Filippi 2:6

Jesuh Khrih in Pasian’ pianzia nei napi-in, Pasian tawh a kizakim theihna dingin thatanghat thu a suang kei hi.