Johan 10:31 - Tedim Bible

³¹ Tua ciangin Jew mihonte in amah deng dingin suang tawm leuleu uh ahih manin

Tedim Bible Revision 2017

³¹ Tua ciangin Jew mihonte in amah deng dingin suang tawm leuleu uh ahih manin

Johan 10:31 Iomraidhean Croise

Paikhiatna 17:4

Tua ahih ciangin Topa’ tungah Moses kiko a, “Hih mite bang cih ding ka hi hiam? Suang tawh kei hong deng dingin amaute kithawi uh hi,” a ci hi.

Mattiu 12:14

Ahi zongin Farisi mite paikhia uh a, Jesuh a thahtheih nading uh vai a hawm uh hi.

Mattiu 21:35

Lo khawhlawhte in a nasemte na manin khat na satgawp uh a, khat na thatin, khat suang tawh na denggawp uh hi.

Mattiu 23:35

Tua thu hangin, mawh nei lo Abel a kithah hun a kipanin biakinn le biakna tau kikal-a na thah uh, Barakhiah’ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Johan 1:19

Jerusalem khua-a Jew mi uliante in Johan kiangah siampite le Levi mite paisak uh a, “Nang kua na hi hiam?” ci-in a dongsak uh hi.

Johan 10:24

Jew mihonte ama kiangah hong kikhawm uh a, “Thu kitel loin bang tanvei koih hong sawm na hi hiam? Khrih na hih leh zong teltakin hong gen in,” ci-in a dot uh ciangin

Johan 10:32

Jesuh in, “Ka Pa’ hong sawl bangin note’ muhna-ah na hoih tampi ka hong sepna hangin suang tawh den hong sawm na hi uh hiam?” a cih ciangin

Johan 11:8

a nungzuite in, “Sia aw, zan mah deuhin Judea gam mite in nang denlup hong sawm uh ahih manin tua gamah paikik sawm na hi hiam?” a cih uh ciangin

Johan 5:18

Hih bangin ama kampauna hangin amaute in Jesuh thatnuam semsem uh hi. Amah in Sabbath thukham a palsat bek hi loin, Pasian nangawn ka Pa ci ahih manin Pasian tawh a kikimin kiseh hi, ci-in a mawhsak uh hi.

Johan 8:59

Tua bang a cih ciangin amaute in amah a den nading suang tawm uh a, ahi zongin biakinn sung panin Jesuh a gelkhia hi.

Sawltak 7:52

I pu i pate in kamsang a bawlsiat loh khat beek om lo hi. Pasian’ deihna bangin a gamta a Nasempa a hong pai nading thu a genkhol Pasian’ kamtaite na that uh a, tu-in note in tua nasempa lehhekin na that leuleu uh hi.

1 SAMUEL MASA 30:6

David nakpitakin lungkham hi. Bang hang hiam cih leh mi khempeuh a tanu a tapate uh hangin lungsimsia uh ahih manin amaute in suang tawh amah den ding gen uh hi. Ahih hangin Topa a Pasian in David thakhauhsak hi.