Johan 10:30 - Tedim Bible

³⁰ Kei le ka Pa pumkhat ka hi uh hi,” ci-in a dawng hi.

Tedim Bible Revision 2017

³⁰ Kei le ka Pa pum khat ka hi uh hi,” ci-in a dawng hi.

Johan 10:30 Iomraidhean Croise

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.

Johan 10:29

Ka khut sungah a hong pia ka Pa sangin a lianzaw kuamah om lo ahih manin ka Pa’ khutsung panin kuamah in lakhia zo lo ding hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasian’ Tapa ka hi hi,’ ka cih ciangin bang hangin Pasian simmawhbawl hong cithei na hi uh hiam?

Johan 14:23

Jesuh in, “Kei hong itte in ka thu zui ding uh hi. Ka Pa in zong it ding a, ka nihun tua mite kiangah pai-in amaute tawh ka omkhawm ding uh hi.

Johan 14:9

Jesuh in, “Filip aw, hih tanvei omkhawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam?

Johan 16:15

Ka Pa’ neihsa khempeuh keima-a’ suakkhin ahih manin keima gen ding thute le a gen dingin ka sawlteng Kha Siangtho in note kiangah hong gen ding hi,” a ci hi.

Johan 17:10

Keima neih khempeuh nangma a’ hi a, nangma neih khempeuh keima-a’ ahih manin, tua mite’ hangin nangma pianzia ka neihna hong kilang hi.

Johan 5:17

Ahi zongin Jesuh in amaute kiangah, “Ka Pa in tuni dongin na sem tawntung ahih manin kei zong ka sep ding mah ahi hi,” a ci hi.

Johan 8:58

Jesuh in, “A taktakin ci lehang, Abraham a pian’ ma-in kei ka omkhin hi,” ci-in a dawng hi.

Thu-hilhkikna 6:4

“Israel-te aw, za un: Topa i Pasian, Topa khat bek ahi hi.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

1 JOHAN MASA 5:7

Hih thu-ah teci a pang thum om a,