Johan 10:3 - Tedim Bible

³ Tua ahih manin tuukong cing pa in a kong hon a, a tuute a min ciatin a sap ciangin a tuute in a thu mang a, amah in tuukulh panin a tuute a pusuah khiatpih hi.

Tedim Bible Revision 2017

³ Tua ahih manin tuukong cing pa in a kong hon a, a tuute a min ciatin a sap ciangin a tuute in a thu mang a, amah in tuukulh panin a tuute a pusuahkhiat pih hi.

Johan 10:3 Iomraidhean Croise

Late 80:1

Tuuhon bangin Josef a paipih, Israel Tuucingpa aw, ngai in! Kherub tungah a tupa aw,

Paikhiatna 33:17

Topa in Moses kiangah, “Nangma gensa hih thu mahmah keimah in ka hih ding hi. Bang hang hiam cih leh ka muhna-ah nang in maipha na ngahzo a, na minin nang kong thei hi,” a ci hi.

Paunak 27:23

Na tuuhonte hoihtakin thei inla, na bawnghonte hoihtakin kem in.

Solomon la 8:13

Huan sunga om ka ngaihno aw, ka lawmte in hong ngai dide ahih manin nangma aw zong, hong gingsak dih in.

Isaiah 40:11

Amah in tuucingpa bangin ama tuuhonte an vak ding a, ama tuuhonte kaikhawmin a ang sungah pua ding a, no ngeklai a neite dam takin a paipih ding hi.

Isaiah 42:16

“Amau’ theih loh lampi-ah mittawte ka paipih ding a, amau’ theih ngei loh sul zuihpihin ka kha ding hi. Amau’ mai-ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

Johan 10:14

Kei, tuucing hoih ka hi hi. Pa in kei hong thei-in, kei zong Pa ka theih mah bangin keimah in ka tuute ka thei a, ka tuute in zong kei hong thei uh hi. Tua ahih manin ka tuute ka sihpih ngam hi.

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum ding a, amaute in keima thu ngai-in, keima khut sungah ka tuu omsate tawh honkhat suakkhawm ding uh hi.

Johan 10:4

A tuute khempeuh a pusuah khiat khit ciangin tuate mai-ah a cing pa pai a, a cing pa’ aw thei uh ahih manin tuute in amah a zui uh hi.

Johan 10:9

Kei, kongpi ka hi hi. Keimah tawnin a pai tuu khempeuh in lauhuaina tuakkha loin, a ututun sungtumin pusuakin lonona mun a mu ding uh hi.

Johan 6:37

Ka Pa in kei tungah a hong piak mi peuhmah ka kiangah hong pai ding a, ka kiangah a hong pai mi peuhmah ka hawlkhia kei ding hi.

Johan 6:45

Kamsangte in a lai gelhna uhah, ‘Pasian in mi khempeuh a hilh ding hi,’ na ci uh hi. Tua ahih manin Pa kiang panin thu za-in a thei mi khempeuh ka kiangah a hong pai ahi hi.

ROM (Romans) 8:30

Tua ahih manin ama sap mite a sehsa hi a, a sap mite amah tawh a kipawlin bawl a, amah tawh a kipawlin a bawl mite ama minthanna zong a hawm hi.

1 KORIN MASA 16:9

Hong langpang tampi a om tei hangin limtakin na septheih nading lam tampi tak a om hi.

Filippi 4:3

Hih numei nihte in Klement le a nungta mite a kikhumna Pasian’ laibu sungah a kikhum, ka naseppih dangte khempeuh tawh, lungdamna thu a kizelh nadingin nakpitakin kei tawh na hong semkhawm uh ahih manin, citakin kei tawh na a semkhawm note in zong amau tegel na huh nadingun ka hong thum hi.

Kolose 4:3

Mite kiangah Khrih’ thusim hilhtheih nadingin Pasian in kote tungah hunpha hong piaktheih nadingin thu hong ngetsak un. Ka thongkiatna pen hih thu hang mah ahi hi.

2 TIMOTI NIHNA 2:19

Ahi zongin Pasian in a phuhsa sutpi kilokzo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna sukhalo ding hi,” cihna kigelh hi.

1 PETER MASA 1:12

Vantung panin a hong kisawl Kha Siangtho’ vangliatna tawh thu a gen thupuakte’ tung panin na zak uh Thute mah kamsangte in a gen laitakun, tua a thugente uh amaute a’ ding hi loin note a’ ding ahihna thu, Pasian in tua kamsangte tungah a na genzo hi. Vantung mite nangawn in hih thute a theihtelnop khat uh ahi hi.

1 JOHAN MASA 4:6

Ahi zongin note pen Pasian’ mite na hi uh hi. Pasian a thei mi peuhmah in kote’ thugen hong ngai uh a, Pasian’ pawl ahi lo mi peuhmah in kote’ thugen hong ngai lo uh hi. Tua ahih manin hih bangin thuman Kha le zuau kha a kilamdanna i theithei hi.

3 JOHAN THUMNA 1:14

Nang tawh kimu baih thei dingin kilamen ka hih manin, tuahun ciangin maitang kimu-in i kiho ding hi.

Mangmuhna 20:15

A nungta mite a kigelhna laibu sungah a min a om lo peuhmah meiphualpi sungah kilawn hi.

Mangmuhna 3:20

Kongkhakah dingin kong ka hong kiu hi. Ka aw za-in kong hong honte kiangah lutin an ka nekhawm ding uh hi.

Mangmuhna 7:17

Bang hang hiam cih leh Tokhom laizangah a om Tuuno, amaute a kem pa hi ding a, nuntakna tui omna-ah amaute paipih ding a, Pasian in a khitui khempeuh uh nulsak ding hi,” hong ci hi.