Johan 10:25 - Tedim Bible

²⁵ Jesuh in, “Hong genkhin napi ing-in Topa ka hihna thu na hong um kei uh hi. Ka Pa’ thu tawh na ka septe in hong kilangsak khinzo hi.

Tedim Bible Revision 2017

²⁵ Jesu in, “Hong gen khin napi ing-in Topa ka hihna thu na hong um kei uh hi. Ka Paʼ thu tawh na ka septe in hong kilangsak khinzo hi.

Johan 10:25 Iomraidhean Croise

Johan 10:32

Jesuh in, “Ka Pa’ hong sawl bangin note’ muhna-ah na hoih tampi ka hong sepna hangin suang tawh den hong sawm na hi uh hiam?” a cih ciangin

Johan 10:37

Ka Pa’ na a sem lo hi leng na hong uploh mah ding uh ahi hi.

Johan 10:38

Ahi zongin keimah in ka Pa’ na sem ka hih manin keima thu na hong um nuam lo uh ahi ta zongin, Pa tawh pumkhat ka hihna thu na theih nadingun ka nasepnate na up dingun kilawm buang hi,” a ci leuleu hi.

Johan 11:47

Tua ahih manin siampi liante le Farisi mite in thu vaihawm uliante tawh kikupna khat nei uh a, “Hih mipa in nalamdang tampi bawl ahih manin bangcih ding ihi hiam?

Johan 12:37

Amaute’ muhin Jesuh in hih nalamdang khempeuh a bawl hangin amaute in um lo uh hi.

Johan 14:11

Pa tawh pumkhat ka hihna thu hoihtakin hong um un. Na hong up nai kei uhleh zong ka nalamdang bawlnate hangin hong um beek un.

Johan 20:30

Jesuh in a nungzuite’ muhna-ah nalamdang lian tampi bawl a, ahi zongin hih laibu sungah a kigelh lo tampi tak omlai hi.

Johan 3:2

Khatvei zan khuamial laitakin Jesuh kiangah va pai a, “Sia aw, mi khat peuhpeuh Pasian in ompih lo hileh hih na lamdangte kuamah in bawl thei lo ding ahih manin nang pen Pasian’ hong sawl siapa na hihna ka hong thei uh hi,” a ci hi.

Johan 7:31

Ahi zongin mihon lak panin mi tampi mah in amah um uh a, “Khrih hong pai ciangin hih mipa sangin nalamdang tamzaw hong bawl tuan ding ahi hiam?” a ci uh hi.

Johan 8:12

Tua khit ciangin Jesuh in mihonte kiangah a thugenna khatah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Johan 8:24

Kei pen, ‘Kei ka hihlam na hong up kei uhleh na mawhna uh a sihpih ding na hih manun, na mawhna uh na sihpih ding uh hi,’ ci-in ka hong genna pen hih thu hang ahi hi,” a ci hi.

Johan 8:56

Note’ pupi Abraham in keima hun a tun ding lawp mahmah a, amah in tua hun mu-in nuam mahmah hi,” ci-in a dawng hi.

Johan 8:58

Jesuh in, “A taktakin ci lehang, Abraham a pian’ ma-in kei ka omkhin hi,” ci-in a dawng hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesuh tungtawnin Pasian in lim le na lamdangte bawlin na hong sem ahih manin, Jesuh pen Pasian’ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.