Johan 10:24 - Tedim Bible

²⁴ Jew mihonte ama kiangah hong kikhawm uh a, “Thu kitel loin bang tanvei koih hong sawm na hi hiam? Khrih na hih leh zong teltakin hong gen in,” ci-in a dot uh ciangin

Tedim Bible Revision 2017

²⁴ Jew mihonte ama kiangah hong kikhawm uh a, “Thu kitel loin bang tanvei koih hong sawm na hi hiam? Khris na hih leh zong teltakin hong gen in,” ci-in a dot uh ciangin

Johan 10:24 Iomraidhean Croise

1 KUMPI MASATE 18:21

Tua ciangin mi khempeuh’ nai-ah Elijah hong pai-in, “Ngaihsutna kibang lo thu nih kikalah bang tanvei khensat loin om niloh ding na hi uh hiam? Topa pen Pasian ahihleh amah zui un; tua hi loin Baal pen Pasian ahihleh amah zui un,” a ci hi. Ahi zongin mite in kam khat beek dawng lo uh hi.

Mattiu 11:3

“Nang pen a hong pai ding pa na hi hiam, tua ahih kei leh adang na lamen lai ding ka hi uh hiam?” ci-in a dongsak hi.

Marka 8:32

Hih thu a kitel takin amaute kiangah a gen hi. Peter in Jesuh paikhiatpihin, “Hih bangin thu gen kei in,” ci-in a taii hi.

Luka 3:15

Thulian khat peuhpeuh hong piang ding hi, ci-in mite’ lawpna hong khang semsem a, hih pa pen Khrih hi kha ding hi, ci-in mite in a lungsim uhah a ngaihsun uh hi.

Johan 1:19

Jerusalem khua-a Jew mi uliante in Johan kiangah siampite le Levi mite paisak uh a, “Nang kua na hi hiam?” ci-in a dongsak uh hi.

Johan 10:31

Tua ciangin Jew mihonte in amah deng dingin suang tawm leuleu uh ahih manin

Johan 10:33

mihonte in, “Nasep hoih na sep manin hong dengnuam ka hi kei uh a, Pasian na simmawhbawl manin hong dengnuam ka hi uh hi. Nang pen mi hi lel hinapi-in Pasian na kineihnuam hi,” ci-in a dawng uh hi.

Johan 16:25

“Tuhun ciang dong hih thute thugentehna zangin ka hong gen hi. Ahi zongin thugentehna ka hong zat nawn loh hun hong tung ding a, tua hun ciangin a teltakin Pa Pasian’ thu ka hong gen ding hi.

Johan 8:25

Tua ciangin amaute in, “Nang kua na hi hiam?” ci-in a dot uh ciangin Jesuh in, “A kipat cil a kipan ka hong gensa mah ka hi hi.

Johan 8:53

Kote’ pupi Abraham zong si ahih manin amah sangin a lianzaw dingin ki-um na hi hiam? Tua banah kamsangte khempeuh zong si ahih manin nang a kua-in kingaihsun na hi hiam?” a cih uh ciangin

Johan 9:22

Jesuh pen Khrih hi, ci-in a gen peuhpeuh, kikhopna inn panin hawlkhia ni, ci-in Jew mi uliante in thukimna neikhin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

2 KORIN NIHNA 3:12

Hih bang lametna nei ka hih manun hangtakin a om ka hi uh hi.