Johan 10:14 - Tedim Bible

^14-15 Kei, tuucing hoih ka hi hi. Pa in kei hong thei-in, kei zong Pa ka theih mah bangin keimah in ka tuute ka thei a, ka tuute in zong kei hong thei uh hi. Tua ahih manin ka tuute ka sihpih ngam hi.

Tedim Bible Revision 2017

^14-15 Kei, tuucing hoih ka hi hi. Pa in kei hong thei-in, kei zong Pa ka theih mah bangin keimah in ka tuute ka thei a, ka tuute in zong kei hong thei uh hi. Tua ahih manin ka tuute ka sihpih ngam hi.

Johan 10:14 Iomraidhean Croise

Late 1:6

bang hang hiam cih leh Topa in midikte lam lakin hu tawntung a, migilote ahihleh sia maimang ding uh hi.

Isaiah 40:11

Amah in tuucingpa bangin ama tuuhonte an vak ding a, ama tuuhonte kaikhawmin a ang sungah pua ding a, no ngeklai a neite dam takin a paipih ding hi.

Isaiah 53:11

Amah in a gimna thaman mu-in a lungdam ding hi. A mawk thuak ahihlohna thei-in a thuman ka nasempa in mi tampi tak a dik suaksak ding a, amah in amaute’ mawhnate pua ding hi.

Nahum 1:7

Topa hoih hi; lungkham hunin a mite huh a, amah a beel mite limtakin a kem hi.

Johan 10:11

“Kei, tuucing hoih ka hi hi. Tuucing hoih in a tuute sihpih ngam hi.

Johan 10:13

Amah a kicial tawm ahih manin a tuute khualna lungsim nei loin a taisan ahi hi.

Johan 10:27

Keima tuute in ka aw za-in thei uh ahih manin kei hong zui uh hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Efesa 1:17

i Topa Jesuh Khrih’ Pasian ahi, a minthang Pa Pasian in note tungah Kha Siangtho hong pia-in, tua Kha Siangtho in note tungah lungpilna hong pia-in, note in Pasian na theih nadingun note tungah Pasian hong kilatsak nadingin thu ka hong ngetsak niloh hi.

Efesa 3:19

Khrih hong itna a kicing takin theihkhit zawh loh ding ahi ta zongin note in thei-in, Pasian thu a cingin na theih nadingun thu ka hong ngetsak hi.

Filippi 3:8

Hih bang nate bek hi loin, ka Topa Jesuh Khrih ka theihna manphazaw lua sa ka hih manin na dang khempeuh ka sum ngamzaw lai hi. Khrih hangin na dang khempeuh ka nusia khin a, Khrih tawh ka kipawl theih nadingin na dang khempeuh ninneng bang lelin ka ngaihsun hi.

2 TIMOTI NIHNA 1:12

Tua ahih manin hih bangteng a thuak ka hi hi. Ahi zongin ka up pa ka thei a, ama tungah ka apte tua Ni dong hong kepsakzo ding hi, ci-in thei ka hih manin ka maizum het kei hi.

2 TIMOTI NIHNA 2:19

Ahi zongin Pasian in a phuhsa sutpi kilokzo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna sukhalo ding hi,” cihna kigelh hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satan’ omna munah a kithah hun laitak nangawnin kei na hong upna uh na khahsuah kei uh hi.

Mangmuhna 2:19

Note’ gamtatna, itna na neihna, upna na neihna, na nasepna, lungduai takin na thuakna uh, le a kipatcil lai sangin a nunung lamah na hoihzawknate uh ka thei hi.

Mangmuhna 2:2

“Note’ nasepna, na gimna uh le lungduai takin na thuakna uh, le migilote koihmawk loin, sawltak hi lo napi-in sawltak hi ung, a ci mite dongtelin sawltak ahihlohna uh na muhkhiatnate uh ka thei hi.

Mangmuhna 2:9

Na lungkhamnate uh le na zawnnate uh ka thei hi. A taktakin note a hau na hi uh hi. Jew mi hi lo napi-in Jew mi ka hi uh hi, ci-in note a hong gensiatnate uh ka thei hi. Tua bang mite pen Satan’ pawlte ahi uh hi.

Mangmuhna 3:1

“Sardis khua pawlpi vantungmi kiangah lai gelh inla, Pasian Kha Siangtho sagih le aksi sagih a nei pa’ thugen in: Note’ gamtatnate ka thei a, note a si hinapi-in a hing min na pua uh hi.

Mangmuhna 3:15

Note’ gamtatnate ka thei a, vot lah vot vet lo, sa lah sa vet loin na omna uh zong ka thei hi. A vot na hih kei uhleh a sa hi vet le-uhcin ka ut hi.

Mangmuhna 3:8

Note’ nasepnate ka thei hi. Na tha uh a hat loh hangin ka thu zui-in kei tungah na hong cihtakna uh ka thei hi. Tua ahih manin kuamah in a khak zawh loh ding kong, note’ mai-ah honsa-in ka koih hi.