Johan 1:6 - Tedim Bible

⁶ Pasian in Johan kici mi khat kamtai dingin hong paisak a,

Tedim Bible Revision 2017

⁶ Pasian in Johan kici mi khat kamtai dingin hong paisak a,

Johan 1:6 Iomraidhean Croise

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawlkhol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Mattiu 11:10

Bang hang hiam cih leh Lai Siangtho in Johan’ thu a genna-ah, ‘Na pai nading lampi a hongkhol dingin nangma mai-ah ka kamtai pa ka sawl hi,’ ci-in Pasian in gen hi, ci-in kigelh hi.

Mattiu 21:25

Johan in tuiphum theih nading thu koi lai panin ngah ahi hiam? Pasian kiang panin thu ngah ahi hiam, ahih kei leh mihingte kiang panin thu ngah ahi hiam?” a ci hi. Amaute khatlekhat kiseel uh a, “Pasian kiang pan hi,” ci lehang, “Bang hangin um lo na hi uh hiam?” hong ci ding hi.

Luka 1:13

Ahi zongin vantungmi in ama kiangah, “Zekhariah aw, lau kei in. Pasian in na thungetna hong zakhin a, na zi Elizabeth in tapa khat a nei ding hi. A min dingin Johan na phuak ding hi.

Luka 1:76

“Nang, ka tapa na hi a, Lianpen Pasian’ kamsangpa hong kici ding hi. Ama pai nading lampi a bawlkhol dingin Topa’ mai-ah na mapai ding hi.

Johan 1:33

Keimah in amah ka theih nai loh hangin, tui sungah mite a phum dingin kei a hong sawl Pasian in, ‘A tungah Kha hong paisukin a omna mipa pen Kha Siangtho sungah mite a phum ding pa ahi hi,’ ci-in hong genkhol hi.

Johan 3:28

Kei pen Khrih ka hi kei a, ama mai-ah a hong kisawlpa ka hi lel hi, ci-in ka genna thu note mahmah in na zaksa uh ahi hi.

Sawltak 13:24

Jesuh in nasep a kipat ma-in, a mawhna panun kisikin tui a kiphum nadingun Johan in Israel mi khempeuh tungah thu a hilh hi.