Johan 1:43 - Tedim Bible

⁴³ A zing ciangin Jesuh in Galilee gamah pai ding ngaihsun hi. Filip tawh kituak a, ama kiangah, “Hong zui in,” a ci hi.

Tedim Bible Revision 2017

⁴³ A zing ciangin Jesu in Galilee gamah pai ding ngaihsun hi. Filip tawh kituak a, ama kiangah, “Hong zui in,” a ci hi.

Johan 1:43 Iomraidhean Croise

Isaiah 65:1

Keima mite’ thungetna a pia dingin a baihsa-in kei om napi-in, amaute in hong ngen lo uh hi. Amaute’ muh dingin kei om napi-in, amaute in hong zong beek lo uh hi. Minamte tungah, “Hih lai-ah om ing, hih lai-ah om ing,” ci-in a dawng pah dingin kiging napi-in, amaute in kei tungah thu hong ngen lo uh hi.

Mattiu 10:3

Filip le Bartholomew, Thomas le siahdongpa Matthai, Alfeas’ tapa James, Thaddeas,

Mattiu 4:12

Jesuh in Johan a kimatna thu a zak ciangin Galilee gam sungah va kihem hi.

Mattiu 8:22

Jesuh in, “Nangmah in kei hong zui inla, misi bang ahi mite in misite a vui dingun nusiat in,” ci-in a dawng hi.

Mattiu 9:9

Tua lai mun panin Jesuh a paikhiat ciangin siahdongpa Matthai a zumah tu-in a om mu a, “Hong zui in,” a cih leh amah zong dingin a zuipah hi.

Luka 19:10

Bang hang hiam cih leh a mangthangte a zong ding le a honkhia dingin Mihing Tapa a hong pai ahi hi,” a ci hi.

Johan 1:28

Hih bang thu kidotna a pianna mun pen Johan in mite tui phumin a omna, Jordan Gun nisuahna lam gal-a om Bethany khua ahi hi.

Johan 1:29

A zing ciangin Johan in ama kiangah Jesuh hong pai a muh ciangin, “En un, leitung mawhna a lakhia Pasian’ Tuuno hih lai-ah hong pai hi.

Johan 1:35

A zing ciangin Johan le a nungzuite nih ding khawmin a om laitakin,

Johan 1:37

A nungzui tegel in hih a kampauna za uh ahih manin Jesuh a zui pah uh hi.

Johan 1:44

Filip pen Andru le Peter’ tenna Bethsaida khuami mah ahi hi.

Johan 12:21

Galilee gam Bethsaida khuami Filip kiangah amaute hong pai-in, “Sia aw, kote in zong Jesuh ka mu nuam uh hi,” ci-in a gen uh ciangin

Johan 14:8

Tua ciangin Filip in, “Topa aw, Pa hong lak lecin ka lung uh kim pah ding hi,” a cih leh

Johan 2:11

Jesuh in nalamdang a bawl masak pen Galilee gam Kana khua-ah hih bangin Pasian’ pianzia a neihna kilangsak a, a nungzuite in zong amah a um uh hi.

Johan 6:5

Jesuh khuadak a, ama lamah mihonpi hong pai muaimuai a muh ciangin Filip kiangah, “Hih mihonpite’ nek ding an koici ngahtheih ding ihi hiam?” ci-in a dong hi.

Johan 6:7

Filip in, “Ngun peek zanih tawh an i lei hangin tawmno bekin cing pan ding uh hi,” ci-in a dawng hi.

Filippi 3:12

Ahi zongin ka utna tungkhin ing, cingtaak khinta ing, a ci ka hi kei hi. Khrih Jesuh in kei a dingin a hong sepsak hamphatnate kimtakin ka ngahtheih nadingin a hanciam lai ka hi hi.

1 JOHAN MASA 4:19

Pasian in eite hong it masa ahih manin eite in itna i nei thei hi.